សកម្មភាពពិសេសសម្រាប់ពិធីរំលឹក

លោកយេស៊ូនឹងបំបាត់ចោលភាពក្រីក្រ

លេង

ពេលលោកយេស៊ូនៅផែនដី លោកបានបង្ហាញសេចក្ដីស្រឡាញ់ដ៏ធំធេងដល់មនុស្ស ជាពិសេសចំពោះជនក្រីក្រនិងអ្នកដែលមានទុក្ខ។ (ម៉ាថាយ ៩:៣៦) លោកថែមទាំងលះបង់ជីវិតដើម្បីប្រយោជន៍ពួកគេទៀតផង។ (ម៉ាថាយ ២០:២៨; យ៉ូហាន ១៥:១៣) នាពេលឆាប់ៗខាងមុខនេះ លោកនឹងបង្ហាញសេចក្ដីស្រឡាញ់ម្ដងទៀតដល់មនុស្សជាតិដោយប្រើអំណាចរបស់លោកជាស្ដេចនៃរាជាណាចក្រព្រះ ដើម្បីបំបាត់ចោលភាពក្រីក្រនៅទូទាំងផែនដី។

គម្ពីរបានពណ៌នាយ៉ាងពីរោះអំពីអ្វីដែលលោកយេស៊ូនឹងធ្វើ។

«សូមឲ្យគាត់ការពារក្ដីឲ្យរាស្ត្រដែលទន់ខ្សោយ សូមឲ្យគាត់សង្គ្រោះកូនចៅរបស់មនុស្សក្រីក្រ»។—ចម្រៀងសរសើរព្រះ ៧២:៤

តើយើងអាចបង្ហាញយ៉ាងណាថាយើងមានអំណរគុណចំពោះអ្វីដែលលោកបានធ្វើនៅអតីតកាលនិងអ្វីដែលលោកនឹងធ្វើនៅថ្ងៃអនាគត? ដូចបានកត់ទុកនៅលូកា ២២:១៩ លោកយេស៊ូបានប្រាប់ពួកអ្នកកាន់តាមលោកឲ្យរំលឹកអំពីមរណភាពរបស់លោក។ ហេតុនេះជារៀងរាល់ឆ្នាំ នៅខួបមរណភាពរបស់លោក សាក្សីព្រះយេហូវ៉ាតែងតែជួបជុំគ្នាធ្វើពិធីរំលឹកអំពីលោក។ យើងសូមអញ្ជើញលោកអ្នកចូលរួមពិធីនេះជាមួយយើង ដែលនឹងធ្វើឡើងនៅថ្ងៃទី២៤ ខែមីនា ឆ្នាំ២០២៤។

ស្វែងរកទីតាំងពិធីរំលឹក

យើងក៏សូមអញ្ជើញលោកអ្នកចូលរួមស្ដាប់សុន្ទរកថាពិសេសដែលមានចំណងជើងថា«ការប្រោសឲ្យរស់ឡើងវិញមានជ័យជម្នះលើសេចក្ដីស្លាប់!»។ សុន្ទរកថានេះនឹងត្រូវថ្លែងនៅចុងសប្ដាហ៍មុនពិធីរំលឹក។ សុន្ទរកថានេះនឹងបកស្រាយអំពីរបៀបដែលលោកអ្នកនិងមនុស្សជាទីស្រឡាញ់របស់លោកអ្នក អាចទទួលប្រយោជន៍ពីសេចក្ដីសង្ឃឹមនៃការប្រោសឲ្យរស់ឡើងវិញ។

ស្វែងរកទីតាំងសុន្ទរកថាពិសេស