តើអ្នកបង្កើតបានបើកបង្ហាញឲ្យយើងស្គាល់សេចក្ដីសន្យារបស់លោកយ៉ាងដូចម្ដេច?
តាំងពីពេលដែលមនុស្សជាតិបានត្រូវបង្កើតមក អ្នកបង្កើតបានទាក់ទងជាមួយមនុស្សតាមរយៈទេវតានិងអ្នកនាំសាររបស់លោក។ ម្យ៉ាងទៀត លោកបានឲ្យគេសរសេរទុកនូវដំណឹងនិងសេចក្ដីសន្យារបស់លោក។ លោកសន្យាថា យើងអាចមានជីវិតដ៏សែនសប្បាយនៅថ្ងៃអនាគត។ ដូច្នេះ នៅសព្វថ្ងៃនេះ តើអ្នកអាចរកឃើញសេចក្ដីសន្យាទាំងនោះនៅកន្លែងណា?
ដំណឹងរបស់ព្រះមាននៅក្នុងគម្ពីរបរិសុទ្ធ។ (ធីម៉ូថេទី២ ៣:១៦) តើព្រះបានឲ្យអ្នកនាំសាររបស់លោកកត់ទុកនូវដំណឹងនោះយ៉ាងដូចម្ដេច? (ពេត្រុសទី២ ១:២១) ព្រះបានដាក់គំនិតរបស់លោកទៅក្នុងចិត្តរបស់អ្នកសរសេរ ក្រោយមកអ្នកសរសេរនោះបានសរសេរគំនិតរបស់លោកចេញមក។ នេះស្រដៀងនឹងអ្នកជំនួញម្នាក់ដែលប្រើលេខាឲ្យសរសេរគំនិតរបស់គាត់។ យើងដឹងថាទោះជាលេខាបានសរសេរដំណឹងនោះក្ដី តែគំនិតដែលលេខានោះបានសរសេរគឺជាគំនិតរបស់អ្នកជំនួញ មិនមែនជារបស់លេខាទេ។ ដូចគ្នាដែរ ទោះជាព្រះបានប្រើបុរសផ្សេងៗឲ្យសរសេរដំណឹងរបស់លោកក៏ដោយ តែគំនិតក្នុងដំណឹងនោះគឺជារបស់លោក។
ដំណឹងរបស់ព្រះគឺសម្រាប់មនុស្សទាំងអស់
ដំណឹងរបស់ព្រះគឺសំខាន់ដល់ម្ល៉េះបានជាលោកចង់ឲ្យមនុស្សទាំងអស់អាន សិក្សានិងស្វែងយល់។ នៅសព្វថ្ងៃនេះមនុស្ស«គ្រប់ប្រជាជាតិ គ្រប់កុលសម្ព័ន្ធ គ្រប់ភាសា»ងាយស្រួលទទួល«ដំណឹងល្អដែលស្ថិតស្ថេរជានិរន្តរ៍»របស់លោក។ (ការបើកបង្ហាញ ១៤:៦) ផ្នែកទាំងមូលឬផ្នែកខ្លះៗនៃគម្ពីរបានត្រូវបកប្រែជាង៣.០០០ភាសា ដូច្នេះគម្ពីរបរិសុទ្ធបានត្រូវបកប្រែច្រើនជាងសៀវភៅឯទៀតនៅលើពិភពលោក។
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើអ្នកណាជាអ្នកនិពន្ធគម្ពីរបរិសុទ្ធ?
បើមនុស្សជាអ្នកសរសេរគម្ពីរ ហេតុអ្វីក៏យើងអាចហៅគម្ពីរថាជាបណ្ដាំរបស់ព្រះ? តើគម្ពីរមានគំនិតរបស់អ្នកណា?
