តើព្រះពិតជាអ្នកណា?
មនុស្សជាច្រើននិយាយថាពួកគេជឿព្រះ។ តែពេលអ្នកសួរថាតើព្រះជាអ្នកណា នោះអ្នកនឹងទទួលចម្លើយផ្សេងៗអាស្រ័យទៅលើទំនៀមទម្លាប់និងវប្បធម៌របស់បុគ្គលនោះ។ ចំពោះមនុស្សខ្លះ ព្រះគឺជាអ្នកបង្កើតផែនដីនិងអ្វីៗទាំងអស់ដែលនៅលើផែនដី។ ចំពោះមនុស្សខ្លះទៀត ព្រះគឺជាអ្វីក៏ដោយ ឬអ្នកណាក៏ដោយដែលគួរជាទីសក្ការៈ។ ទស្សនៈខុសៗគ្នានេះធ្វើឲ្យមនុស្សជាច្រើនមានអារម្មណ៍ថាមិនអាចដឹងថាព្រះជាអ្នកណានោះទេ។
តើរឿងនេះសំខាន់ឬទេ? មែន គឺសំខាន់! ការស្គាល់ព្រះកាន់តែច្បាស់អាចធ្វើឲ្យអ្នកមានគោលបំណងក្នុងជីវិត និងជីវិតមានន័យខ្លឹមសារ។ (សកម្មភាព ១៧:២៦-២៨) កាលដែលអ្នកកាន់តែចូលទៅជិតព្រះ នោះលោកកាន់តែស្រឡាញ់អ្នកនិងជួយអ្នក។ (យ៉ាកុប ៤:៨) សរុបមក ការមានចំណេះត្រឹមត្រូវអំពីព្រះអាចនាំឲ្យអ្នកទទួលជីវិតដែលគ្មានទីបញ្ចប់។—យ៉ូហាន ១៧:៣
តើតាមរបៀបណាអ្នកអាចស្គាល់ព្រះ? សូមគិតអំពីបុគ្គលដែលអ្នកស្គាល់ច្បាស់ ដូចជាមិត្តជិតស្និទ្ធជាដើម។ តើចំណងមិត្តភាពបែបនោះអាចកើតឡើងយ៉ាងដូចម្ដេចបាន? អ្នកទំនងជាត្រូវស្គាល់ឈ្មោះនិងបុគ្គលិកលក្ខណៈរបស់គាត់ អ្វីដែលគាត់ចូលចិត្តនិងមិនចូលចិត្ត អ្វីដែលគាត់បានធ្វើពីមុន អ្វីដែលគាត់នឹងធ្វើនៅថ្ងៃខាងមុខ ព្រមទាំងអ្វីជាច្រើនទៀតដែរ។ អ្វីទាំងនេះហើយដែលនាំឲ្យអ្នកស្គាល់បុគ្គលនោះច្បាស់ ហើយចូលទៅជិតគាត់។
ស្រដៀងគ្នាដែរ យើងអាចស្គាល់ព្រះដោយពិចារណាចំណុចដូចតទៅ៖
ទស្សនាវដ្ដីនេះបានត្រូវរៀបចំឡើងដើម្បីផ្ដល់ចម្លើយពីគម្ពីរចំពោះសំណួរទាំងនេះ។ អត្ថបទផ្សេងៗក្នុងទស្សនាវដ្ដីនេះនឹងជួយអ្នកឲ្យរៀនថាតើព្រះពិតជាអ្នកណា។ មិនត្រឹមតែប៉ុណ្ណោះ អត្ថបទទាំងនោះក៏នឹងរៀបរាប់អំពីប្រយោជន៍ដែលអ្នកនឹងទទួលពេលអ្នកមានចំណងមិត្តភាពផ្ទាល់ជាមួយព្រះ។
លោកអ្នកក៏ប្រហែលជាចូលចិត្តដែរ
ទស្សនាវដ្ដី
តើព្រះមាននាមអ្វី?
តើលោកអ្នកដឹងឬទេថាព្រះមាននាមដែលបញ្ជាក់យ៉ាងពិសេសអំពីលោក?
