តើព្រះមានឈ្មោះប៉ុន្មាន?
ចម្លើយពីគម្ពីរ
ព្រះមានឈ្មោះតែមួយ សរសេរជាអក្សរហេប្រឺ הוהי ហើយក្នុងភាសាអង់គ្លេសបានត្រូវបកប្រែថា«Jehovah»។ a តាមរយៈអេសាយជាអ្នកប្រកាសទំនាយរបស់ព្រះ លោកមានប្រសាសន៏ថា៖«អញជាយេហូវ៉ា នេះហើយជាឈ្មោះរបស់អញ»។ (អេសាយ ៤២:៨) ក្នុងរមូរគម្ពីរសម័យបុរាណ មានឈ្មោះនេះប្រហែល៧.០០០ដង ដែលច្រើនជាងពាក្យផ្សេងទៀតដែលគេប្រើសម្រាប់ព្រះ តាមពិតច្រើនជាងឈ្មោះរបស់អ្នកណាទាំងអស់ក្នុងគម្ពីរ។ b
តើព្រះយេហូវ៉ាមានឈ្មោះផ្សេងទៀតទេ?
ទោះជាគម្ពីរប្រាប់ថាព្រះមានឈ្មោះតែមួយក៏ដោយ តែលោកមានឋានន្តរជាច្រើន។ ខាងក្រោមនេះមានរៀបរាប់ឋានន្តរខ្លះរបស់ព្រះ ដែលបង្ហាញឲ្យឃើញលក្ខណៈឬគុណសម្បត្តិនីមួយៗរបស់លោក។
ឋានន្តរ |
បទគម្ពីរយោង |
អត្ថន័យ |
|---|---|---|
អាឡា |
(គ្មាន) |
ពាក្យ«អាឡា»មិនមែនជាឈ្មោះទេ តែជាឋានន្តរដែលមកពីភាសាអារ៉ាប់ មានន័យថា«ព្រះ»។ គម្ពីរជាភាសាអារ៉ាប់និងភាសាផ្សេងទៀតប្រើពាក្យ«អាឡា»ដែលមានអត្ថន័យថា«ព្រះ»។ |
មានគ្រប់ព្រះចេស្ដា |
មានឫទ្ធានុភាពដែលគ្មានអ្នកណាអាចទប់ទល់បាន។ ពាក្យភាសាហេប្រឺអែលសាដាយ (ʼEl Shad·daiʹ) គឺ«ព្រះដ៏មានគ្រប់ព្រះចេស្ដា» មាន៧ដងក្នុងគម្ពីរ។ |
|
អាលផានិងអូមេហ្គា |
«ជាអ្នកដំបូងបង្អស់ និងជាអ្នកក្រោយបង្អស់» ឬ«ជាដើមនិងជាចុង» មានន័យថាឥតមានព្រះខ្លាំងក្លាណាកើតមកមុនព្រះយេហូវ៉ាទេ ហើយក្រោយលោកក៏ឥតមានដែរ។ (អេសាយ ៤៣:១០) អាលផានិងអូមេហ្គាជាតួអក្សរទី១និងតួអក្សរចុងក្រោយគេបង្អស់ក្នុងភាសាក្រិច។ |
|
មានព្រះជន្មពីចាស់បុរាណ |
គ្មានទីចាប់ផ្ដើម ហើយមុនមានអ្វីៗទាំងអស់ ឬមុនមានមនុស្សទាំងអស់ គឺមានព្រះហើយ។—ទំនុកតម្កើង ៩០:២ |
|
អ្នកបង្កើត |
ធ្វើឲ្យមានអ្វីៗទាំងអស់។ |
|
បិតា |
អ្នកផ្ដល់ជីវិត។ |
|
ព្រះ |
ជាបុគ្គលដែលគួរគោរពប្រណិប័តន៍ និងជាបុគ្គលដែលរឹងមាំខ្លាំងក្លា។ ពាក្យភាសាហេប្រឺអេឡូហ៊ីម (ʼElo·himʹ) ជាពហុវចនៈ ដែលបញ្ជាក់អំពីភាពរុងរឿង ឧត្ដុង្គឧត្ដម អស្ចារ្យ ឬកិត្តិយសរបស់ព្រះយេហូវ៉ា។ |
|
ព្រះអម្ចាស់លើអស់ទាំងព្រះអម្ចាស់ |
ជាព្រះខ្ពស់បំផុត ខុសពី«ព្រះឥតបានការ»ដែលអ្នកខ្លះគោរពបូជា។—អេសាយ ២:៨; សេចក្ដីបកប្រែពិភពលោកថ្មី |
|
ព្រះដែលជាអ្នកបង្រៀន |
អេសាយ ៣០:២០, ២១; ព្រះគម្ពីរភាសាខ្មែរសម្រាយ |
ជាអ្នកផ្ដល់សេចក្ដីបង្រៀននិងការណែនាំដ៏មានប្រយោជន៍។—អេសាយ ៤៨:១៧, ១៨ |
ព្រះដែលបង្កើត |
ធ្វើឲ្យមានអ្វីៗទាំងអស់។—ការបើកបង្ហាញ ៤:១១ |
|
ព្រះដែលមានសេចក្ដីសប្បាយ |
លោកតែងតែមានអំណរនិងមានសេចក្ដីសុខជានិច្ច។—ទំនុកតម្កើង ១០៤:៣១ |
|
ព្រះដែលស្ដាប់សេចក្ដីអធិដ្ឋាន |
លោកស្ដាប់សេចក្ដីអធិដ្ឋានរបស់មនុស្សដែលមានជំនឿលើលោក។ |
|
ខ្ញុំចង់ទៅជាអ្វីដែលខ្ញុំចង់ទៅជា |
និក្ខមនំ ៣:១៤; សេចក្ដីបកប្រែពិភពលោកថ្មី |
ក្លាយទៅជាអ្វីដែលចាំបាច់ដើម្បីបំពេញគោលបំណងរបស់លោក។ ឃ្លានេះក៏បានត្រូវបកប្រែដែរថា៖«ខ្ញុំនឹងក្លាយទៅជាអ្វីក៏ដោយដែលខ្ញុំពេញចិត្ត» ឬ«ខ្ញុំនឹងក្លាយទៅជាអ្វីដែលខ្ញុំចង់ក្លាយទៅជា» (The Emphasised Bible, by J. B. Rotherham; New World Translation) ការពណ៌នានេះជួយពន្យល់អត្ថន័យនៃនាមយេហូវ៉ាក្នុងខបន្ទាប់។—និក្ខមនំ ៣:១៥ |
ប្រច័ណ្ឌ |
មិនអនុញ្ញាតឲ្យគោរពប្រណិប័តន៍ព្រះផ្សេងទៀតទេ។ ពាក្យនេះក៏បានត្រូវបកប្រែថា«កុំមានព្រះឯណាទៀតឲ្យសោះ» និង«តម្រូវឲ្យមានភក្ដីភាពផ្ដាច់មុខ»។—គម្ពីរជាបណ្ដាំរបស់ព្រះ; សេចក្ដីបកប្រែពិភពលោកថ្មី |
|
ស្ដេចដែលរស់ជារៀងរហូត |
ការគ្រប់គ្រងរបស់លោកគ្មានទីចាប់ផ្ដើមនិងគ្មានទីបញ្ចប់។ |
|
ព្រះអម្ចាស់ |
ជាម្ចាស់ឬជាចៅហ្វាយ។ ពាក្យភាសាហេប្រឺអាដុន(ʼA·dhohnʹ) និងអាដុននីម(ʼAdho·nimʹ)។ |
|
ព្រះអម្ចាស់នៃពួកពលបរិវារ |
ជាមេបញ្ជាការកងទ័ពទេវតា។ ឋានន្តរ«ព្រះអម្ចាស់នៃពួកពលបរិវារ»ក៏អាចមានន័យថា«ព្រះយេហូវ៉ានៃបណ្ដាកងទ័ព» និង«ម្ចាស់នៃកងទ័ព[ស្ថានសួគ៌]»។—រ៉ូម ៩:២៩ |
|
ព្រះដ៏ខ្ពស់បំផុត |
ជាឋានៈកំពូល។ |
|
ព្រះដ៏បរិសុទ្ធបំផុត |
បរិសុទ្ធជាង(ហ្មត់ហ្មងនិងស្អាតបរិសុទ្ធខាងសីលធម៌)បុគ្គលទាំងអស់។ |
|
ជាងស្មូន |
មានអំណាចលើមនុស្សគ្រប់រូបនិងគ្រប់ប្រជាជាតិ ដូចជាងស្មូនដែលមានអំណាចលើដីឥដ្ឋ។—រ៉ូម ៩:២០, ២១ |
|
អ្នកប្រោសលោះ |
លោះឬទិញមនុស្សជាតិមកវិញពីភាពខុសឆ្គងនិងសេចក្ដីស្លាប់ តាមរយៈគ្រឿងបូជាលោះរបស់លោកយេស៊ូគ្រិស្ត។—យ៉ូហាន ៣:១៦ |
|
ថ្មដា |
ជាទីជ្រកដ៏មានសុវត្ថិភាពនិងជាប្រភពនៃសេចក្ដីសង្គ្រោះ។ |
|
អ្នកសង្គ្រោះ |
ជួយឲ្យរួចផុតពីគ្រោះថ្នាក់ឬពីសេចក្ដីហិនវិនាស។ |
|
គង្វាល |
មើលថែរក្សាអ្នកគោរពប្រណិប័តន៍លោក។ |
|
ម្ចាស់ដ៏ឧត្តមបំផុត |
លោកុប្បត្តិ ១៥:២; សេចក្ដីបកប្រែពិភពលោកថ្មី |
មានអំណាចខ្ពស់បំផុត។ ពាក្យភាសាហេប្រឺអាដុនណៃ (ʼAdho·naiʹ)។ |
ព្រះដ៏ខ្ពស់បំផុត |
ជាអ្នកគ្រប់គ្រងដ៏ខ្ពង់ខ្ពស់ក្រៃលែង។ |
ឈ្មោះទីកន្លែងក្នុងបទគម្ពីរភាសាហេប្រឺ
ឈ្មោះទីកន្លែងខ្លះក្នុងគម្ពីរបានប្រើនាមរបស់ព្រះ តែឈ្មោះកន្លែងនោះមិនចាត់ទុកជាថានាមរបស់ព្រះទេ។
ឈ្មោះកន្លែង |
បទគម្ពីរយោង |
អត្ថន័យ |
|---|---|---|
យេហូវ៉ា-យីរេ |
«ព្រះយេហូវ៉ានឹងផ្គត់ផ្គង់ឲ្យ»។ |
|
យេហូវ៉ា-នីស៊ី |
«ព្រះយេហូវ៉ាជាបង្គោលសញ្ញារបស់ខ្ញុំ» ឬ«ជាបដារបស់ខ្ញុំ» (Today’s New International Version) ព្រះយេហូវ៉ាជាព្រះដែលរាស្ត្ររបស់លោកអាចពឹងផ្អែក ដើម្បីទទួលការការពារនិងជំនួយពីលោក។—និក្ខមនំ ១៧:១៣-១៦ |
|
យេហូវ៉ា-សាឡិម |
«ព្រះយេហូវ៉ាជាសេចក្ដីសុខសាន្ត»។ |
មូលហេតុដែលគួរស្គាល់ ហើយប្រើនាមរបស់ព្រះ
ព្រះច្បាស់ជាចង់ឲ្យមនុស្សស្គាល់នាមរបស់លោកគឺយេហូវ៉ា ព្រោះនេះសំខាន់ណាស់។ ហេតុនេះហើយបានជាលោកឲ្យមនុស្សកត់ទុកនាមរបស់លោករាប់ពាន់ដងក្នុងគម្ពីរបរិសុទ្ធ។—ម៉ាឡាគី ១:១១
លោកយេស៊ូដែលជាបុត្ររបស់ព្រះ បានបញ្ជាក់ម្ដងហើយម្ដងទៀតអំពីសារៈសំខាន់នៃនាមរបស់ព្រះ។ ជាឧទាហរណ៍ លោកបានអធិដ្ឋានទៅព្រះយេហូវ៉ាថា៖«សូមឲ្យនាមរបស់លោកបានបរិសុទ្ធ»។—ម៉ាថាយ ៦:៩; យ៉ូហាន ១៧:៦
អស់អ្នកដែលស្គាល់ ហើយប្រើនាមរបស់ព្រះ ពួកគេកំពុងចាប់ផ្ដើមជំហានដំបូងក្នុងការមានចំណងមិត្តភាពជាមួយនឹងព្រះយេហូវ៉ា។ (ទំនុកតម្កើង ៩:១០; ម៉ាឡាគី ៣:១៦) ការមានចំណងមិត្តភាពបែបនេះអាចជួយពួកគេឲ្យទទួលប្រយោជន៍ពីសេចក្ដីសន្យារបស់ព្រះ ដែលថា៖‹ដោយព្រោះគាត់បានយកខ្ញុំជាទីស្រឡាញ់ នោះខ្ញុំនឹងជួយឲ្យរួច ខ្ញុំនឹងតាំងឡើងយ៉ាងខ្ពស់ ពីព្រោះគាត់បានស្គាល់ឈ្មោះខ្ញុំ›។—ទំនុកតម្កើង ៩១:១៤
គម្ពីរទទួលស្គាល់ថា៖«មានអ្នកនៅស្ថានសួគ៌ឬនៅផែនដីដែលគេហៅថា‹ព្រះ› ដូចជាមាន‹ព្រះ›ជាច្រើននិង‹ម្ចាស់›ជាច្រើន»។ (កូរិនថូសទី១ ៨:៥, ៦) ទោះជាគម្ពីរទទួលស្គាល់យ៉ាងនោះក៏ដោយ តែគម្ពីរបញ្ជាក់យ៉ាងច្បាស់ថាមានព្រះពិតតែមួយប៉ុណ្ណោះ មាននាមថាយេហូវ៉ា។—ទំនុកតម្កើង ៨៣:១៨
a បណ្ឌិតខ្លះខាងភាសាហេប្រឺចូលចិត្តប្រើឈ្មោះរបស់ព្រះថា«យ៉ាវេ» (Yahweh)។
b ឈ្មោះកាត់របស់ព្រះថា«យ៉ា» មានប្រហែល៥០ដងក្នុងគម្ពីរ រួមបញ្ចូលទាំងឈ្មោះថា«ហាឡេលូយ៉ា» ឬ«អាឡេលូយ៉ា» ដែលមានន័យថា«ចូរសរសើរយ៉ា»។—ការបើកបង្ហាញ ១៩:១
លោកអ្នកក៏ប្រហែលជាចូលចិត្តដែរ
សេចក្ដីបង្រៀនសំខាន់ៗក្នុងគម្ពីរ
តើព្រះមាននាមឬទេ?
ព្រះមានឋានៈជាច្រើនដូចជា ព្រះដ៏មានគ្រប់ព្រះចេស្តា ព្រះដែលជាអ្នកបង្កើត និងព្រះអម្ចាស់ជាដើម។ វីដេអូនេះបង្ហាញអំពីនាមរបស់ព្រះផ្ទាល់ដែលបានត្រូវប្រើជាង៧.០០០ដងក្នុងគម្ពីរបរិសុទ្ធ។
