“Kyoso kingexile ngi monandenge, phangyami ya diyala wakexile mu ngibeta ni kungixinga izuwa yoso. Kyoso kingakazala, o manya mwadi wami wakexile we mungibhanga kyayibha. Mwene ni ukowami wa diyala kiyadi kyâ akexile mu ngibhanga kala ngi mubhika. Mukonda dyahi kiki ngamesenene kudijibha.”—Madhu, a India.

 O Kidyandu Kya Sawidi mu Ngongo Yoso kyambe kiki: “Mu ngongo yoso o ahatu ene mu abhanga kyayibha.” Akondala kwila ku kitatu kya ahatu, umoxiku amubeta kya, mba amute kya phanda.

 Se kiki kyakubhiti kya, nange ukala ni hele ya kuya kididi kyosokyoso mukonda wandabanza kwila kwenyoko anda kubetaku we, mba kukuxinga jindaka mba kukuta phanda. Mukonda dya kuyibha ni usweya wene mubhanga o athu ku ahatu, eye nange ubanza kwila athu avulu amona ‘o ahatu kwila kale ni valolo’. Maji o kwila Nzambi ubhana valolo ku ahatu?

 Bibidya yamba kiki: “Nzambi mwene wabhange o diyala ni muhatu.”—Dimatekenu 1:27.

 Kilombolola kwila: Nzambi wabhange o mayala ni ahatu. Phala mwene kikale o diyala kikale o muhatu kiyadi kyâ asoko mu kukala ni valolo ni ku axila. Kikyene ngo, mwene wamesena kwila o munumi “azole o muhatu wê kala kya dizolo mwene,” katokala kutumina o muhatu ni undanda, kamuxinga jindaka ne kumubeta. (Efezu 5:33; Kolose 3:19) Mu kidi, Nzambi wamesena kwila o ahatu akala kyambote.

 “Kyoso kingexile ngi monandenge, jindandu jami angite phanda. Kyoso kingatenesa 17 dya mivu, phatala yami wangitangela kwila se ngidituna kuzeka-ne, weji ngikaya ku salu. Kyoso kingakulu, mwadi wami, ni jitata ni azukami mu dyembu, kakexile mu ngixila. Maji kupholo dya kwenda, ngadilongo yalungu ni Jihova, b o Mubhangi. Mwene uxila o ahatu. Kiki kyangikwatekesa kudivwa kwila mwene wangizolo ni kwila ngala ni valolo bhu mesu mê.”—Maria, Argentina.

 Bibidya yamba kiki: “Sayi-phe dikamba dibeta kota, o phange ndenge.”—Jisabhu 18:24.

 Kilombolola kwila: O dikamba dya kidi, wanda kukwatekesa. Se wamono kwila kiki kyanda kukwatekesa, tangela muthu uwamudyelela, mutangele yoso yakukala ku muxima.

 “Mu 20 amivu kingitangela muthu kwila angitele phanda mukulu. Mukonda dya kiki, mu kukula kwami, kingisangulukile, ngexile ni hele yavulu ni kukata kwa muxima. Maji kyoso kingatangela muthu yoso yabhitile ku mwenyu wami, ngadivu kyambote, muthu mwenyú wangivu kyambote.”—Elif, Türkiye.

 Bibidya yamba kiki: “Hele yenu yoso xilenu-yu Nzambi, mukonda mwene wene mu milanga.”—1 Phetele 5:7.

 Kilombolola kwila: Kyoso ki usamba, Nzambi ukwivwa. (Jisálamu 55:22; 65:2) Kuma mwene ukulanga, mwene utena kukukwatekesa kudivwa kwila eye wala ni valolo yavulu.

 “O kudilonga yalungu ni Jihova, kwangikwatekesa kusosolola o ndolo ingakexile mu divwa. Lelu ngitena kya kusamba kwa Nzambi ni kumutangela yoso yangikala ku muxima. Mwene wadifu ni dikamba wejiya o ndolo iwamukwivwa.”—Ana, Belize.

 Bibidya yamba kiki: “Jihova . . . Eye ukala u dilemba dya jihukunyi ni abhika, phala o muthu wa tunda ku mavu kadikake dingi kinene, anga uya ni kukwatesa woma.” —Jisálamu 10:​17, 18.

 Kilombolola kwila: Kwakambe ngo bhofele, Nzambi wandazubha o kuyibha kwoso kate mwene ni kuyibha ni usweya ene mu bhanga ku ahatu.

 “O kwijiya kwila Jihova kwakambe ngo, wanda zubha o kuyibha kwene mubhanga o athu ku ahatu ni ku ilumba, o kwijiya kuku yedi kala milongo mu fidila. Kwene mungibhana kutululuka kumuxima.”—Roberta, Mexico.

 Phala kwijiya dingi yalungu ni kyebhi o Bibidya itubhana kidyelelu, mukonda dyahi eye utena kudyelela ku yoso itanga o Bibidya ni kyebhi o Jimbangi ja Jihova kyene mu kwatekesa mu kaxi ka Bibidya, bhinga mubhinge phala kukukunda kubhata.

 Katula kopya ya mbandu yiyi.