Mu kizuwa kya 13 kya sabhalu ka 2024 o Seketa ya Nações Unidas Ngana António Guterres, mukumona kwila o masoladi a ixi ya Irão atakula jibomba mu ixi ya Izalayele, mwene wambe: “O kithangana kiki, kithangana kya kutululukisa o athu ki kithangana kya kuvudisa dingi o maka. Kithangana kya kuxinganeka ande dya kuzwela mba kubhanga kima.”

 O ita yamubhita mu ixi ya Izalayele ki yene ngo yamubhita ku mundu woso.

 “Tunde kyabhiti o ita ya kayadi ku mundu woso, o kuyibha ni ita kwa mu dibandekesa dingi mu ngongo, mukonda dya kiki mazunda ayadi a athu ku mundu amutala hadi mukonda dya ita.—Conselho de Segurança das Nações Unidas, kizuwa kya 26 ya mbeji ya Katatu ka 2023.

 Mu ixi ya Izalayele, Gaza, Siria, Azerbajão, Ucrânia, Sudão, Etiopia, Niger, Miamar ni Haiti, kwene kuyibha ni ita yavulu. a

 O ita yiyi yanda bhwa thembu kuxi? O kwila o jinguvulu atena kutubhekela paze? Ihi Izwela o Bibidya?

 Lelu, o ita i twa mumona kubhita ku mundu ilondekesa kwila kwakambe ngo, kikwanda kala dingi ita. O ita yiyi kifwa kikumbidilu kya kikanenu kyalungu ni kithangana ki twala. O Bibidya ixana o kithangana kiki kala: kithangana “kya dizubhilu dya mundu?”—Matesu 24:3.

•   “Mwanda kwivwa ita ni jingolokela ja ita. . . . Akwa ixi imoxi, anda bhânga mu ita, ni akwa ixi ya mukwá.”—Matesu 24:6,7.

 Phala kumona kyebhi o ita yamubhita lelu a ikanena kya mu Bibidya twa kudyondo tanga o milongi ni dyambu: “O que é o sinal dos “últimos dias” ou “fim dos tempos”?.

 O Bibidya yakanena kwila o ita ku mundu yanda bhwa. Nanyi wanda zubha o ita? Ko athu anda zubha o ita kana, maji o “ita ya kizuwa kya dikota kya Nzambi Muteni wa Yoso” o ita ya Alumajedone. (Dijingunwinu 16:14, 16) Bhukaxi ka itha yiyi Nzambi wanda kumbidila o kikanenu kya kubhangesa o athu ku mundu woso kukala ni paze kate ku hádya ni hádya.— Jisálamu 37:10, 11, 29.

 Phala kwijiya dingi yalungdu ni ita ya Nzambi yanda zubha o ita yoso ku mundu, twa kudyondo tanga o milongi ni dyambu: “O Ita ya Alumajedone Ihi?”