MUKONDA DYAHI KIMA KYAMBOTE KUBHANGA KIKI: O Mulongexi wa Katunda, Jihova, u tu bhana o milongi ya beta-kota. Mwene u tu longa kyebhi ki tu tena kukala ni ukexilu wambote ku mwenyu ni ku tu pelepalala phala kukala ni mwenyu wambote ku hádya sé kufuta kima! (Iz 11:6-9; 30:20, 21; Dij 22:17) O milongi i tu bhana Jihova, i tu kwatekesa we kutula kwa akwetu o njimbu i bhulula o myenyu.—2Ko 3:5.

KYEBHI KI TU TENA KUBHANGA KIKI:

• Sota kukala ni idifwa ya kulenduka ni kutetuluka.—Jis 25:8, 9

• Xikina ku ku longa kwa Jihova kindala, mu ku kumbidila o jimbandu ja ku bhana mu yônge mu kaxi ka semana

• Xinda jimbambe mu nzumbi.—Fi 3:13

• Bhanga ngunzu phala u tambule dingi mawulongelu engi.—Fi 3:8

TALA O VIDYU MABESÁ EJILA MU KU TU LONGA KWA JIHOVA, MU KUSULUKA TAMBWIJILA O IBHWIDISU YA KAYELA:

• Ibhidi yebhi ya tolola o aboki phala kudilonga o Xikola ya Akunji a Utuminu?

• Ilongesu yahi i bhana o Xikola ya Akunji a Utuminu?

• Kyebhi o jiphange mu kilunga kya tena kukwatekesa yó a bhange o Xikola ya Akunji a Utuminu mu ku kumbidila o ikalakalu yâ ya ubhe?

• Ihi ya bhingi phala o muthu kudilonga o Xikola ya Akunji a Utuminu (O Utuminu wa Nzambi wa mu Tumina Kyá, difwe 189)

• Xikola jebhi dingi ji wa mesena kudilonga mu kilunga kya Jihova?