Kua bhiti kiá mivu iavulu tundé kia mateka o Jimbangi ja Jihova kulonga o Bibidia, ku i bhanga, ni ku ji uanena athu. Maji tua mono kuila kua bhingile ku i lungulula mu madimi éngi ni mu izuelu ia bhebhuluka phala athu oso, “eze mu kuijiia o kidi,” mukonda kiene kia mesena Nzambi. (1 Timote 2:3, 4) Kienhiki ku muvu ua 1950, tua mateka kulungulula o Bibidia ietu mu izuelu ia lelu, o Tradução do Novo Mundo. O Bibidia íii ene mu i lungulula kiambote mu 130 ia madimi ndenge.

Kua bhingile Bibidia ki i bhonzo ku i tendela. O madimi ene mua lungulula thembu joso, mu ji Bibidia muala izuelu iokulu, i bhonza ku i tendela. A sange ué mikanda ia Bibidia iokulu izuela o kidi mu madimi a Hebalaiku, Alamaiku, ni Ngeleku, a kuatekesa kutendela kiambote o Bibidia.

Kua bhingile ilomboluelu, maji ia tokalele ku xila o Mak’â Nzambi. Mu veji dia kulungulula o izuelu ia Mak’â Nzambi, o asoneki a Bibidia a tokalele kusoneka ngó ia kexile-mu. Maji saí ji Bibidia, o dijina di kola, Jihova, ka di soneka-mu.

Kua bhingile muene Bibidia i bhana kijingu kua Nzambi. (2 Samuuele 23:2) Mu Tradução do Novo Mundo, o dijina Jihova ka di katula, diene di moneka-mu 7.000 dia veji kala kiala mu Mikanda iokulu ia Bibidia, kala kia kilondekesa bhabha. (Jisálamu 83:18) Mukonda dia kutokuesa o Bibidia mu mivu iavulu, kima kiambote kutanga o Bibidia íii, mu tu sanga o ibanzelu ia Nzambi. Kienhiki ki kale uala ni Bibidia, Tradução do Novo Mundo, mba kana, tua kusuinisa kukala ni kifua kia kutanga o Mak’â Jihova izuua ioso.—Josuué 1:8; Jisálamu 1:2, 3.

• Mukonda diahi tua mono kuila kua bhingile ku lungulula o Bibidia?

• Ukexilu uahi uambote u tu tendelesa kua ió a mesena kuijiia o vondadi ia Nzambi?