Mu kidi, diyala ni muhatu a bhita usuku kumoxi, sé kibhindamu kyoso-kyoso, kijimbwete kya dikota ki londekesa kwila, ene a bhange undumbu. Mu kiki, sé ki kwala kima ki jimbulula se mukonda dyahi a bhiti usuku kumoxi, o tufunga a tokala ku a fundisa.—1 Kolindo 6:18.

O kibuka kya tufunga a tokwesa kyambote o maka phala kumona se kubhinga mwene ku a fundisa mba kana. Mu kifika, o kwila ene a mu di tangesa? O kwila o tufunga a a kwatekesele kyá m’ukulu mukonda dya ukexilu wâ, wa ku di talatala? Mukonda dyahi a bhiti o usuku kumoxi? O kwila a di bakanene kyá? Ene akexile ni ndunge yengi inga kwa bhiti kima ka kifikile, kya bhangesa kubhita usuku kumoxi? (Ndongixi 9:11) Kwebhi kwa zeka? O maka oso ka difu, mu kiki, nange kukala ijimbwete mba minangu yengi i tena kukwatekesa o ukexilu wa tufunga kubatula o maka.

Kyoso o tufunga kya-nda bhongolola o ijimbwete mba minangu yoso, ene a-nda sola se kubhinga ku a fundisa mba kana.