O Sobha ia Mundu a mu Londekesa

SAÍ kizuua Jezú uambela athu kuma: “O sobha ia mundu iú a-nda ku mu kaia.” Mu kithangana kia mukuá muéne uambe, ‘o sobha ia mundu ka ngi tundu,’ ni kuila “o sobha ia mundu iú a mu êlesa kiá.” (Nzuá 12:31; 14:30; 16:11) Jezú ua kexile mu zuela nanhi?

Mu ku xinganeka mu izuelu ia Jezú, ia lungu ni “sobha ia mundu iú,” tu mona kuila muéne ka kexile mu zuela Tat’ê, Jihova Nzambi. Nanhi-phe “o sobha ia mundu iú?” Kiebhi kia-nda mu “kaia,” ni kiebhi kia-nda mu ‘fundisa?’

“O Sobha ia Mundu iú” u di Londekesa

Kála ki dinanza o mutuameni ua jibandi mukonda dia kutena kuê, o Diabhu ua tendala Jezú, o Mon’â Nzambi. Kia zubha ku mu londekesa o “mautuminu moso a ngongo,” Satanaji ua mu kanene ku mu bhana o ujitu iú: “Ngi ku bhana o u kota uoso ni maungana ma jixi joso jiji, mukonda eme-muène a ngi [bhana nau]; uoso eme nga mu andala, muène ngi mu bhana [nau]. Kala kiki, se u ngi bheza [lumoxi] bhu pholo iami, moso muene ma kala mê-eie.”—Luka 4:5-7.

Se o Diabhu uexile ngó o dimatekenu dia kuiibha, kála kiene mu zuela o athu, kiebhi ki tueji jimbulula o tendasá ia bhange kua Jezú? O kuila Jezú akexile ku mu tendala ku kibanzelu kia iibha, mba ku kibanzelu kia kexile ku muxima uê kioso kia zubha o ku mu batizala? Se kiki kiexile muene kidi, kiebhi ki tueji zuela kuma “muène ka moneka kituxi?” (1 Nzuá 3:5) Jezú ka ditunu kuila o Diabhu muene ua mu tumina o ngongo, maji uambe kuila, “o sobha ia mundu,” uambe ué kuila, muéne “kijibhangânga,” “mukua makutu.”—Nzuá 14:30; 8:44; The New Jerusalem Bible.

Kua bhitile kiá 60 a mivu, kioso Kristu kia disange ni Diabhu, o poxolo Nzuá ua lembalesa o Jikidistá, kuila o Diabhu uala ni kutena, kioso kiambe: “O mundu uoso-phe ua zeka mua kadiaphemba ió mukua ku tondalesa.” Nzuá uambe ué kuila, “mukua kunganala o mundu uoso.” (1 Nzuá 5:19; Dijingunuinu 12:9) O Bibidia izuela ni kidi kioso kuma, muéne “o sobha ia mundu.” Maji katé kuebhi muéne ua mu nganala o mundu?

O Sobha ia Mundu ua Bhana Kutena ku Makamba mê

Mu ku soneka ia lungu ni ita ia Jikidistá mu ku zokela o kixikanu kiâ, o poxolo Phaulu ua londekesa o jinguma jâ. “Kuma o kulua kuetu ki kua ku di lua ni athu mu xitu, maji tu lua ni ifuxi ia jinzumbi ja phulu ku ididi ia diulu, tu lua ni atumini, tu lua ni akutende, tu lua ni enexi a kithangana kia kitombe’iki mu ngongo.” (Efezo 6:12) Kienhiki, muéne uambe kuila o ku luua kuku, ki kua ku luua ni athu mu xitu, maji ku luua ni “kitombe’iki mu ngongo.”

Kála kilondekesa o ji traduções modernas da Bíblia, “ifuxi ia jinzumbi,” ki ia mu zuela o dimatekenu dia kuiibha, maji athu mu nzumbi. Saí ji bibidia ji jimbulula kuila, “jinzumbi ja iibha ja tungu mu ididi ia kitombe, ku diulu” (Revised Standard Version), “ifuxi ia jinzumbi ja iibha ku diulu” (A Bíblia de Jerusalém), “jinzumbi jala ni kutena  ku diulu” (A Nova Bíblia Inglesa). Kienhiki o Diabhu ua mu tumina o ji-anju ja bhukumuka, “ja xi o kididi kia a tokala” ku diulu—Juda 6.

O divulu dia Daniiele, dizuela kiebhi kiene mu tumina o “jisobha ja ngongo” o mundu, tundé ukulu. Kioso kia tundile o Jijudé ku ubhika mu Babilonha ku muvu ua 537 A.K.K. mu ku vutuka mu Jeluzaleme, o polofeta Daniiele ua a bhingila mu musambu mu semana jitatu. Kienhiki Nzambi ua tumikisa anju phala ku tululukisa o polofeta, iu ua mu jimbulula se mukonda diahi muéne ua lalekele. Ua mu ambela: “Maji o kilôlo kia utuminu ua Pélesa, ua ngi batuile ku pholo mu makuinhi a iiadi a izuua ni [kizuua] kimoxi.”—Daniiele 10:2, 13.

Nanhi uexile o ‘kilamba kia Pelesá?’ O anju ka kexile múia mu disanga ni sobha Silu mukua Pelasá, mukonda mu kithangana kieniókio, muéne ua xikinine Daniiele, ni mundu uê. Kienhiki, kiebhi o sobha kieji tena ku fidisa o anju mu semana jitatu, se anju imoxi ngó mu usuku ua jibha 185.000 ia masoladi? (Izaia 37:36) O kilamba iú mukua Pélesa, nange a mu tumine kua Diabhu, uexile dimonho, ua kexile mu tumina o utuminu ua Pélesa. Kienhiki o musoso, uambe ué kuila o anju ia Nzambi, iambe kuila muéne ua tokalele ku vutuka phala ‘ku zoka ni kilamba’ kia akua Pélesa, ni dimonho dia mukua, ‘o kilamba kia Ngeléxia.’—Daniiele 10:20.

Ihi i tu longa? I tu longa kuila, saí muene “jisobha ja mundu,” ilamba ia madimonho a mu tumina o mundu kumoxi ni sobha iâ, Satanaji. Maji-phe ene a mesena ku bhanga ihi?

O Sobha ia Mundu ua Londekesa o Pholo iê ia Kidi

Mu divulu dia Dijingunuinu, o poxolo Nzuá ua tange kiebhi Jezú, o Kota dia Ji-anju kia tolola o Diabhu, ni ibhidi iahi ia bheka mu ngongo, tundé kia mu kaie ku diulu. Tua tange: “Lamba dienu mu ngongo . . . mukonda Diabhu ua mi tulukila ni njinda iavulu, kuma muène uejiia kuila o thembu iê ia butu kia.”

Kiebhi o Diabhu kia londekesa o njinda iê? Kála o jibandi ji kaiela o ilongesu ia mutuameni, phala ‘ku jibha,’ o Diabhu ni madimonho mê, a bhanga ioso phala ku buika o ixi ni athu oso ala-mu. Mu kuijiia kuila o thembu iê ia butu kiá, muéne ua mu suínisa o athu ku mesena jimbote javulu, kala ji tu sanga koxi a mavu—mukonda dia kiki a mu zanga o ixi, phala ku katula o jimbongo ja ixi, kiki kiene mu ta o muenhu ua athu mu iluezu.—Dijingunuinu 11:18; 18:11-17.

Tundé ku dimatekenu dia ngongo, tuene mu mona o kutena kua Diabhu ku jinguvulu, ni ku jingeleja. O divulu dia Dijingunuinu dilondekesa o jinguvulu kála iama, Diabhu ua a bhana o “kutena kuê.” Izuela ué o ukamba ua jinguvulu ni jingeleja, izuela kuila ene a ta phánda mu nzumbi. (Dijingunuinu 13:2; 17:1, 2) Xinganeka ngó, o hadi, o ubhika, o ita, o kathombo, iene mu jibha jimidi ni jimidi ja athu. O kuila saí muthu ua iuka u tena kuzuela kuila, o ima ia iibha iene ku mundu, o athu a i bhanga mu nguzu iâ ngó? Anga saí athu mu nzumbi ene mu ku a bhangesa ku bhanga o ima íii?

O Bibidia ilondekesa o muthu uene mu longesa o jinguvulu ja mundu. Ki kale ua k’ijiia, mba kana, o mundu uene mu londekesa o ukexilu ua ‘nguvulu iê, ni milongi iê.’ Maji thembu ikuxi ia kambe phala o Diabhu kueha o utuminu ua mundu?

O Izuua ia Sukidila-ku ia Diabhu

O Jikidistá, ku hama ia dianga, a bhana ngolokela ia lungu ni disukilu dia Diabhu. Kioso o maxibulu kia tangela Jezú kuila a  kaie o madimonho, muéne uambe: “Kiene muene! Eme nga [mono Satanaji] ua lauka ku diulu kala nzaji.” (Luka 10:18) Mu kuzuela kiki, Jezú ua sangulukile mukonda ueji tolola o nguma ia mundu iú, kioso kieji vutuka ku diulu, kála Mingedi o kota dia ji-anju. (Dijingunuinu 12:7-9) O Bibidia izuela kuila kiki kia bhiti muene ku diulu, ku muvu ua 1914. *

Tundé o thembu ienioió, o Diabhu uejiia kuila o thembu iê ia butu kiá, a-nda mu buika. Sumbala ‘o mundu uoso uala mu ku tena kuê,’ muéne ka mu tena ku nganala athu oso. O Bibidia ia a longo kuijiia se mu kidi Diabhu nanhi, ni iebhi o jindunge jê. (2 Kolindo 2:11) Kienhiki athu enhá a katula mbote iavulu mu izuelu ia Phaulu ia sonekena ku Jikidistá: “O Nzambi, otho ia paze ietu, kindala uanda ku titidila [Satanaji] bhoxi dia inama ienu.” *—Loma 16:20.

Kua kambe ngó, Diabhu a-nda mu buika! Bhu kaxi ka utuminu ua Kristu, o athu a iuka a-nda bhanga o kibhuna kia inama ia Nzambi, o ixi, ku kala palaízu. Ki kua ka kala usuéia, luímbi, ni athu a di zemba. O Bibidia iamba: “O ima ia bhiti kiá ki bhu kala dingi ku i banza.” (Izaia 65:17) Kisangusangu kia dikota phala ió a-nda ku a bhulula ku sobha íii ia mundu uene mu di sueka ku utuminu uê!

[Tanga mu luji]

[Kilombuelelu ku bandu 9]

Bhu kaxi ka utuminu ua Kristu, o athu a iuka a-nda bhanga o kibhuna kia inama ia Nzambi, o ixi, ku kala palaízu