Kiene, i tena ku ku kuatekesa. O Bibidia, divulu diezala ni unjimu, i tambuijila o ibhuidisu ia beta-kota ku muenhu, iene i tena ku ku kuatekesa ku sanguluka kiavulu ni ku divua kiambote. Tala o ibhuidisu i tambuijila o Bibidia.

1.   O kuila kuene Muthu ua bhange o ngongo ioso? O Bibidia i zuela kuila Nzambi “ua bhanga ioso.” (Dijingunuinu 4:11) Kuma muéne ua tu bhange, tu tena ku dielela kuila Nzambi uejiia kiambote ihi i tua bhindamena ku muenhu phala tu tene ku sanguluka.

2.   O kuila Nzambi ua ngi zolo? Mu veji dia kuzuela kuila Nzambi uala dikanga dia athu, O Bibidia i zuela kuila, muéne “kana muthu ua mu kala dikanga.” (Ikalakalu 17:27) Muéne ua ku zolo, u mona ioso i bhita n’eie iu ua mesena kuila eie u zediua ku muenhu.—Izaia 48:17, 18; 1 Phetele 5:7.

3.   Kiebhi o kuijiia Nzambi ki ngi bhangesa ku divua kiambote? Nzambi ua tu bhange ni vondadi ia ku muijiia, ni kuijiia ué se mukonda diahi tuala ku muenhu. (Matesu 5:3) O vondadi ietu ia kuijiia Nzambi, ia lungu ué ni ku kala ni ukamba uambote ni muéne. Nzambi ua-nda ku besoala mukonda eie ua mesena ku muijiia, o Bibidia i zuela: “Zukamenu kua Nzambi, muène u mi zukama enu.”—Tiiaku 4:8.

 Jimidi ni jimidi ja athu a mono kuila o ku kala ni ukamba uambote ni Nzambi, ia a kuatekesa ku divua kiambote ku muenhu. O kuijiia Nzambi, kua-nda zubha o ibhidi iê ioso kana, maji o unjimu uê u tu sanga mu Bibidia ua-nda ku ku kuatekesa

•   Ku kala ni muiji ua sanguluka.

•   Ku dibhana kiambote ni akuenu.

•   Ku dibhana kiambote ni maka kála o ku bhondalala, kitadi, ni ku kata.

 Jingeleja javulu jene ué ni Bibidia maji ki jene mu kaiela o ilongesu ia Bibidia. Maji o ubhezelu ua kidi u kaiela kiambote o milongi ia Bibidia, ua-nda ku kuatekesa kuijiia Nzambi.