ДӘСТПЕБУН 22:6-да, те гьликьрьне ԝәки Бьраһим чь кьр, сәва кӧ щики дур ԛӧрбане бинә. Бьраһим «ԛьрше дийарийа тʹәвайишәԝате һьлда, да пьшта кӧрʹе хԝә Исһаԛ у хԝәха жи агьр у кʹер гьртьнә дәсте хԝә у һәр дӧ һәврʹа чун».

Кʹьтеба Пирозда найе готьне кӧ бәре мәрьва ча агьр ведьхьстьн. Гәло дьԛәԝьмә ԝәки Бьраһим агьр тʹәви хԝә дьбьр? Леколинкʹарәки гот ԝәки ӧса набә кӧ «ԝәʹде тʹәмамийа рʹеԝитийе агьр венәсә». Демәк, дьԛәԝьмә щәм Бьраһим у Исһаԛ һащәт һәбун, бь сайа чь жи ԝана дькарьбу агьр вехьстана.

Һьнәк мәрьв жи дьбежьн ԝәки нәһеса бу ԝәʹде бәре агьр вехьстана. Мәрьварʹа һе һеса бу кӧ жь щинаред хԝә һьлдьн кʹомьра вехьсти, нә кӧ хԝәха агьр вехьстана. Гәләк зандар дьфькьрьн, ԝәки Бьраһим тʹәви хԝә дәрданәк бьрьбу, дьбәкә кодька бь зьнщире, кʹидәре кӧ кʹомьре вехьсти һәбунә (Иша. 30:14). Паше, чахе жерʹа лазьм буйә, әԝи бь ԝан кʹомьра у ԛьршед зьһа карьбуйә агьр вехә.