Ԝә рʹьнд дина хԝә да готаред жь «Бьрща Ԛәрәԝьлийе» йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Аԛуб 5:11 дьбежә кӧ Йаһоԝа гәләк «рʹәʹм ә». Әм жь ви һʹӧнӧре ԝи чь кʹаре дьстиньн?

Йаһоԝа рʹәʹм ә, әԝ шашийед мә дьбахшинә. Ӧса жи, ль гора Аԛуб 5:11, Йаһоԝа бь дьл һазьр ә кӧ али мә бькә. Ԝе баш бә кӧ әм жи чʹәʹв бьдьнә ԝи (ԝ21.01, рʹупʹ. 21).

Йаһоԝа чьма һʹӧкӧм дайә һьнә кәса?

Чьмки әԝ малбәта хԝә һʹьз дькә. Бь сайа сәритийе, малбәта Йаһоԝа организә йә у әʹдьлайеда йә. Ӧса жи, бь сайа сәритийе, малбәта Йаһоԝада әʹдьлайи һәйә у һәр кәс занә кӧ гәрәке кʹе сафикьрьнед хьлазийе бькә у ван сафикьрьна бинә сери (ԝ21.02, рʹупʹ. 3).

Гәрәке әм апликасийед бона шандьн у стандьна смса чьрʹа бь билани бьдьнә хәбате?

Һәгәр кәсәк апликасийед бона шандьн у стандьна смса дьдә хәбате, гәрәке әԝ һаш жь хԝә һәбә кӧ әԝ тʹәви кʹе дькʹәвә хәбәрдане. Ле һәгәр кʹомед мәзьн саз дькьн ԝәки һәврʹа хәбәр дьн, әв йәк дьһа чәтьн ә (1 Тимотʹейо 5:13). Ӧса жи, бь сайа ван апликасийа дькарьн информасийа нәизбаткьри бәла бьн. Хенщи ве йәке, дьбәкә һьнә кәс хушк-бьра бона нетед хԝәйә арш-вершийе бьдьнә хәбате (ԝ21.03, рʹупʹ. 31).

Гәло Хԝәде чьрʹа изьн да ԝәки Иса Мәсиһ һаԛас еше бькʹьшинә у бьмьрә?

Сәбәба пешьн әв бу кӧ гәрәке Иса Мәсиһ сәр стуне бьһата дардакьрьне, сәва кӧ Щьһуйа жь ньфьрʹ хьлаз бькә (Галати 3:10, 13). Йа дӧда, Йаһоԝа Иса һазьр дькьр ԝәки әԝ бьбә Сәрәккʹаһин. Йа сьсийа жи, әв йәк кӧ Иса Мәсиһ һʹәта мьрьне амьн ма, избат кьр ԝәки мәрьв дькарә нава тәнгасийед гьранда жи амьн бьминә (Ибо 1:9-11). (ԝ21.04, рʹупʹ. 16-17).

Һәгәр ԝәʹде хьзмәтийе гәләк мәрьв малда ниньн, гәло тӧ дькари чь бьки?

Тӧ дькари ван сьһʹәта һәрʹи бал ԝан, кʹәнге әԝана малда ньн. Ӧса жи, тӧ дькари щики дьн хьзмәт бьки. Йан жи, тӧ дькари методәкә дьн бьди хәбате, мәсәлә тӧ дькари бь сайа нәʹма хьзмәт ки (ԝ21.05, рʹупʹ. 15-16).

Әв готьна Паԝлосе шанди чь те һʹәсабе: «Әз бь Ԛануни бона Ԛануне мьрьм»? (Галати 2:19)

Ԛануна Муса әшкәрә нишан кьр кӧ мәрьв гӧнәкʹар ьн. Ӧса жи, Ԛануне щьмәʹта Исраел бәрбь Мәсиһ дьбьр (Галати 3:19, 24). Бь сайа Ԛануне, Паԝлосе шанди Иса Мәсиһ ԛәбул кьр. Бь ви щурʹәйи, әԝ «бона Ԛануне мьр», демәк әԝ ида нә бьн һʹӧкӧме Ԛануна Мусада бу (ԝ21.06, рʹупʹ. 31).

Йаһоԝа алийе сәбреда чьрʹа мәсәләкә баш ә?

Йаһоԝа ван тьшта сәбьр дькә: Беһӧрмәткьрьна наве ԝи, мьԛабьлибуна һьмбәри сәрԝертийа ԝи, рʹабәрибуна һьнә зарʹед ԝи, дәрәԝед Мире-щьна, еш у кӧл-дәрдед хьзмәткʹаред ԝи, һʹьзрәта сахкьрьна достед ԝийә мьри, зедәбуна бенамусийе у хьрабкьрьна тʹәбийәте (ԝ21.07, рʹупʹ. 9-12).

Усьв алийе сәбреда чь мәсәлә һишт?

Усьв алийе бьред хԝәда рʹасти нәһәԛийе һат. Паше, Мьсреда бӧхдан авитьнә ԝи у сәр гәләк сала кьрьнә кәле (ԝ21.08, рʹупʹ. 12).

Һагай 2:6-9, 20-22 бәʹса чь һʹәжандьна симболик дькә?

Мьләтед дьнйайе мьзгина дәрһәԛа Пʹадшатийе ԛәбул накьн, ле гәләк мәрьв алийе рʹастийе дьгьрьн. Зутьрәке, мьләтед кӧ сәрԝертийа Йаһоԝа ԛәбул накьн, ԝе ԝәʹде һʹәжандьна хьлазийе бенә ԛьрʹкьрьне (ԝ21.09, рʹупʹ. 15-19).

Гава әм мьзгине бәла дькьн, гәрәке әм чьрʹа нәԝәстьн?

Йаһоԝа дина хԝә дьдә хирәта мә, у хьзмәта мә ль ԝи хԝәш те. Һәгәр әм сьст нәбьн у нәԝәстьн, әме жийина һʹәта-һʹәтайе бьстиньн (ԝ21.10, рʹупʹ. 25-26).

Кʹьтеба Ԛануна Кʹаһинтийе сәре 19 чаԝа али мә дькә кӧ әм ль гора ве ширәте бьжин: «Пироз бьн нава һʹәму рʹабун-рʹуньштьна хԝәда»? (1 Пәтрус 1:15)

Ча те кʹьфше әв рʹез готьнед Ԛануна Кʹаһинтийе 19:2 дьԝәкʹьлинә. Ԛануна Кʹаһинтийе сәре 19-да гәләк дәрс һәнә, йед кӧ дькарьн али мә бькьн ԝәки әм ль гора ширәта жь 1 Пәтрус 1:15 бьжин (ԝ21.12, рʹупʹ. 3-4).