Сәва кӧ әм жь хԝәндьна Кʹьтеба Пироз дьһа зедә кʹаре бьстиньн, әм дькарьн щурʹә-щурʹә һащәтед бона лекʹолине бьдьнә хәбате. Ле нета мә нә тʹәне әԝ ә кӧ занәбуна хԝә зедә кьн. Әм дьхԝазьн дәрһәԛа Йаһоԝа хьзнед рʹӧһʹани бьвиньн у дьһа зедә ԝи һʹәз кьн. Бона ве йәке, әм дькарьн жь хԝә бьпьрсьн: «Әв пʹара Кʹьтеба Пироз дәрһәԛа Йаһоԝа чь мьн һин дькә?»

Мәсәлә, әм дькарьн дина хԝә бьдьне, кӧ дәрһәԛа һʹәзкьрьн, билани, һәԛи у ԛәԝата Йаһоԝа чь те готьне. Ле нә тʹәне әв һʹӧнӧред Йаһоԝа һәнә, гәләк һʹӧнӧред ԝийә дьн жи һәнә. Гәло кʹидәре тӧ дькари дьһа зедә информасийа бьвиньн?

Индекса Әʹдәбийәта Бьрща Ԛәрәԝьлийеда, ль бьнсәрийа «Йаһоԝа» у паше ль бьнсәрийа «Һʹӧнӧред Башԛә-башԛә», зедәтьри 50 һʹӧнӧр һатьнә дайине. Һʹӧнӧрәки бьжберә, кӧ хԝәндьна тәйә Кʹьтеба Пирозва гьредайи йә. (Һәрге сәр зьмане ԝә тʹәне Рʹебәрийа Лекʹолинкьрьне бона Шәʹдед Йаһоԝа һәйә, пешийе бьнсәрийа «Йаһоԝа Хԝәде» бьньһерʹә у паше бьнсәрийа «Һʹӧнӧред Йаһоԝа».)