Әван готара али мә кьрьн, кӧ пебьһʹәсьн щаба ве пьрсе: «Бь рʹасти Хԝәде йәки Чаԝа нә?» Жь Кʹьтеба Пироз әм пеһʹәсийан, кӧ наве Хԝәде, Йаһоԝа йә у һӧнӧре ԝийи сәрәкә, һʹьзкьрьн ә. Мә ӧса жи шеԝьр кьр, ԝәки әԝи чь кьрийә у ԝе чь бькә бона һʹалхԝәшийа инсанәте. Диса гәләк тьшт һәнә, кӧ әм дькарьн дәрһәԛа Хԝәде пебьһʹәсьн, ле дьбәкә тӧ дьфькьри: «Әв йәк ԝе чь кʹаре мьрʹа бинә?»

Дәрһәԛа Йаһоԝа ӧса те готьне: «Гәр тӧ ль ԝи бьгәрә, әԝе хԝә бь тә бьдә дитьн» (1 Дирок 28:9). Чахе тӧ һе зедә пебьһʹәси, тӧйе тьштәки пʹьрʹ ԛимәт ԛазанч ки, демәк достийа незик тʹәви Йаһоԝа (Зәбур 25:14). Ле достийа ӧса чь кʹаре ԝе тәрʹа бинә?

Бәхтәԝарийа рʹаст. Сәр Йаһоԝа те готьне «Хԝәдейе хԝәзьли» (1 Тимотʹейо 1:11). Гава тӧ незики Йаһоԝа дьби у ль гора ԛьрара ԝи дьжийи, әв йәк һʹәму алийава тә бәхтәԝар дькә (Зәбур 33:12). Тӧйе ӧса жи бькарьби жийина хԝә бәхтәԝар ки у хԝә дур бьгьри жь ԝан тьштед кӧ дькарьн зийане бьдьнә тә. Те ӧса жи хәйсәт-һӧнӧред баш нав хԝәда пешда бини у тʹәви мәрийа әʹдьлайеда би. У паше тӧйе сәр хԝә тʹәхмин ки гьлийе зәбурбеж, кʹижан кӧ гот: «Ле бона мьн ԛәнщ ә, незики Хԝәде бьм» (Зәбур 73:28).

Аликʹари жь Хԝәде. Йаһоԝа соз дайә хьзмәткʹаред хԝә: «Әзе ширәтан бьдьмә тә у чʹәʹвед мьн ԝе ль сәр тә бә» (Зәбур 32:8, ДО). Әв те һʹәсабе, кӧ Йаһоԝа бона һәр хьзмәткʹаре хԝә, башԛә хәм дькә, у чьда әԝана һʹәԝщә нә дьдә ԝан (Зәбур 139:1, 2). Чахе достийа тә тʹәви Йаһоԝа бьшьдә, те ль сәр хԝә тʹәхмин ки, кӧ Әԝ тʹьме кʹеләка тә йә.

Ахьрийа пʹьрʹ баш. Йаһоԝа ида ньһа кʹьлита жийина бехәм у бәхтәԝар дьдә дәсте тә. Ле Әԝ ӧса жи дәри пешийа мә вәдькә, сәва әм ахьрийа пʹьрʹ баш бьстиньн (Ишайа 48:17, 18). Кʹьтеба Пироз дьбежә: «Әв ә жийина һ′әта-һ′әтайе, ԝәки әԝ тә нас кьн, чаԝа Хԝәдейе р′асти бешьрики-беһәвал у ӧса жи Иса Мәсиһе кӧ тә шандийә» (Йуһʹәнна 17:3). Ви ԝәʹде чәтьнда, Хԝәде һевийа баш дьдә мә, кʹижан кӧ бона мә ԝәк ләнгәре йә, у али мә дькә әм «һʹимгьрти у амьн» бьминьн (Ибрани 6:19).

Әв тʹәне мәʹник ә жь ԝан гәләк мәʹнийа, кӧ чьма фәрз ә һе рʹьнд Хԝәде нас кьн у достийа хԝә тʹәви ԝи бьшьдиньн. Әм бь дьл у щан тә тʹәглиф дькьн тʹәви Шәʹдед Йаһоԝа текли би, йан жи бона һе зедә әʹламәти бьстини, бькʹәвә малпәра мә йа jw.org.