ТʹЕМА ЖЬ РʹУЙЕ ЖУРНАЛЕ | СӘВА ЧЬ ИСА ЧӘРЧЬРИ У МЬР?
Гәло Әԝ Йәк бь Рʹастийе Ԛәԝьми?
Бьһаре сала 33 Д.М., Исайе Ньсрәте һатә кӧштьне. Ԝи нәһәԛ дькьрьн кӧ йан чь әԝ мьԛабьли сәрԝерийе дәрте. Әԝ бехԝәдети кʹӧтан у сәр стуна щәфе дардакьрьн. Әԝ бь щәфа мьр. Ле Хԝәде ԝи жь мьрьне рʹакьр у паши 40 рʹожи, Иса вәгәрʹийа ль әʹзмана.
Әԝ әʹламәтийа фәрз жь чар кʹьтебед пешьн жь Мьзгини йә, кʹижан ӧса жи те навкьрьне ча Пәймана Ну. Ле әԝ тьшт бь рʹастийе ԛәԝьмин? Әԝ пьрсәкә гәләк фәрз ә. Чьмки һәрге әԝ тьшт нәԛәԝьмийә, ԝәки ӧса нә баԝәрийа Мәсиһийа пʹучʹ ә у баԝәрийа һьндава жийина һʹәта-һʹәтайе жи чʹирʹок ә (1 Корьнтʹи 15:14). Алийе дьнва жи һәрге сәрһатийа дәрһәԛа Иса рʹасти ԛәԝьмийә, демәк әԝ йәк ахьрикә гәләк баш ԝе бинә, у тӧ жи дькари жь ԝе йәке кʹаре бьстини. Ләма ԝәрә әм пебьһʹәсьн әԝ һʹәму тьшт бь рʹастийе ԛәԝьминә, йан на.
ӘԜ ԚӘԜЬМАНДЬН ЧЬ НИШАН ДЬКЬН
Сәрһатийа дәрһәԛа Иса жь чар кʹьтебед пешьн жь Пәймана Ну әԝ нә мина чʹирокед нә реали нә. Әԝ сәрһати гәләк тʹәрбәт һатийә ньвисаре у ԝе сәрһатийеда әʹламәтийед һур жи һатьнә ньвисаре. Мәсәлә, дь ԝе сәрһатийеда ньвисар ә навед гәләк щийа, кʹижан кӧ рʹожа иройин жи дькарьн бьвиньн. Дь ԝе сәрһатийеда те гьликьрьне бона мәрьвед реали, дәрһәԛа кʹижана ньвискʹаред нә мәсиһи хԝәха избат дькьн (Луԛа 3:1, 2, 23).
Дь ԛьрʹна йәке у дӧдада ньвискʹаред нәмәсиһи жи гьли дькьрьн дәрһәԛа Иса. * Иса һәма бь ԝи щурʹәйи һатә кӧштьне, чаԝа кӧ ԝи чахи Рʹомайа мәрьве сущдар дькӧштьн. Кӧштьна Иса чаԝа ньвисар ә дь чар кʹьтебед пешьн жь Пәймана Нуда тʹәвгьредайи йә тʹәви методед кӧштьнед Рʹомайа ԝәʹде бәре. Хенщи ԝе йәке, әԝ ԛәԝьмандьн тʹәвгьредайи йә тʹәви избаткьрьнед кӧ бь рʹастийе ԛәԝьминә у һәла һе жи дьдьнә кʹьфше шашийед шагьрта (Мәтта 26:56; Луԛа 22:24-26; Йуһʹәнна 18:10, 11). Әԝ һәр тьшт избат дькьн кӧ әԝед Мьзгини ньвисинә, мәрьвнә дьлпʹак бунә у дәрһәԛа Иса һʹәму тьшт рʹаст ньвисинә.
ЛЕ ЧЬ ӘМ ДЬКАРЬН БЕЖЬН ДӘРҺӘԚА РʹАБУНА ИСА ЖЬ МЬРЬНЕ?
Рʹаст ә гәләк мәрьв баԝәр дькьн кӧ Иса дьжит у мьр, ле һәнә мәрьв дӧдьли дьбьн кӧ әԝ һатийә сахкьрьне. Сәре серида һәла һе шагьртед Иса жи баԝәр нәкьрьн кӧ әԝ ԝәгәрʹийа жийине (Луԛа 24:11). Ле, чахе ԝана паши сахкьрьне Иса дь щурʹә-щурʹә дәрәщада дитьн, әԝана ида дӧдьли нибун. Мәсәлә, щарәке ԝәкә 500 мәрьва Исайе сахбуйи дитьн (1 Корьнтʹи 15:6).
Рʹаст ә шагьртед Иса дькарьбун бенә гьртьне у кӧштьне, ле ԝана диса жи бь мерхаси һʹәмуйарʹа гьли дькьрьн дәрһәԛа рʹабуна Иса жь мьрьне, һәла һе ԝанарʹа жи кʹе Иса кӧшт (Кʹаред Шандийа 4:1-3, 10, 19, 20; 5:27-32). Һәрге шагьрта сәд сәләфи баԝәр нәкьрана кӧ Иса жь мьрийа рʹабуйә, ԝана ӧса бь мерхаси ԝе гьли нәкьра дәрһәԛа ԝи. Бәле әԝ йәк кӧ Иса рʹасти жь мьрьне һатә рʹакьрьне, ԛәԝате дьдә һʹәму Mәсиһийед рʹаст, ԝәки мерхас бьн бәр чәтьнайа.
Әʹламәтийед жь Пәймана Ну, дәрһәԛа мьрьн у рʹабуна Иса жь мьрьне йә, әԝ әʹламәти избат дькьн кӧ әԝ ньвисар рʹаст ьн. Һәрге әм бьхуньн у кʹур дина хԝә бьдьнә ԝан әʹламәтийа, әԝ йәк ԝе мә бьдә баԝәркьрьне, кӧ әԝ ԛәԝьмандьн бь рʹастийе ԛәԝьминә. Баԝәрийа тә ԝе һе ԛәԝи бә, һәрге тӧ фәʹм бьки чьрʹа әԝ һәр тьшт ԛәԝьминә. Дәрһәԛа ԝе йәке дь тʹема дьнда ԝе бе шьровәкьрьне.
^ абз. 7 Татсит һатә буйине незики сала 55 Д.М., әԝи ньвиси кӧ «наве [Мәсиһийа] һатийә һьлдане жь наве Мәсиһ йе кӧ ԝәʹде һʹӧкӧмәтийа Тибәриус һатә кӧштьне бь дәсте Понтийе Пилато». Дәрһәԛа Иса ӧса жи гьли дькьрьн Светони у Усьве Флавиус (ԛьрʹна йәкеда); у ӧса жи Плиние Бьчʹук сәрԝере Битенйайе (дәстпебуна ԛьрʹна дӧдада).
