Дькарьн бежьн, ԝәки һʹале мә жи һәма ӧса нә, чьмки һәр кәс жь мә ԝе зутьрәке бьбә шәʹде ԛәԝьмандьна ӧса, ль сәр кʹижани Иса гот, тәнгасийа мәзьн (Мәтта 24:21). Әме нькарьбьн жь тәнгасийа мәзьн, хԝәха хԝә хьлаз кьн. Ле тьштәки әм дькарьн бькьн кӧ хԝә бьпарезьн. Гәло әв чь йә?

Гава Иса Мәсиһ сәр Чʹийе даннасин дькьр, әԝи гот: «Ле һун бәри һәр тьшти ль Пʹадишаһийа Хԝәде у ль рʹастдарийа ԝи бьгәрʹьн» (Мәтта 6:33, ИМ). Чь щурʹәйи әм дькарьн әве йәке бькьн?

Бәри пешьн Пʹадшатийа Хԝәде бьгәрʹьн. Әв те һʹәсабе кӧ Пʹадшатийа Хԝәде сәва мә гәрәке жь һәр тьшти фәрзтьр бә (Мәтта 6:25, 32, 33). Чьрʹа әм тʹәви ве фькьре ԛайил ьн? Чьмки жь ԛәԝата мәрийа дәр ә, проблемед инсанәте сафи кьн. Тʹәне Пʹадшатийа Хԝәде дькарә һʹәму проблемед мәрийа сафи кә.

Рʹастийа ԝи бьгәрʹьн. Әм гәрәке һʹәму тьшти бькьн, кӧ ль гора ԛанун у принсипед Хԝәдейи рʹаст, бьжин. Чьма? Чьмки гава әм хԝәха сәва хԝә сафи дькьн чь йә рʹаст у нәрʹаст, әв тʹӧ кʹаре найнә (Мәтʹәлок 16:25). Ле гава әм бь нормед Хԝәде дьжин, ӧса әм нә тʹәне дьле Хԝәде ша дькьн, ле ӧса жи жийина хԝә һеса у бәхтәԝар дькьн (Ишайа 48:17, 18).

Бәрдәԝам кьн бьгәрʹьн. Пʹадшатийа Хԝәде у рʹастийа ԝи. Иса гот фәсал бьн, чьмки һьнәке бьхальфьн у бьфькьрьн, кӧ ԝе бькарьбьн хԝә бь сайа пʹәра хьлаз кьн.  Һьнәк жи ԝе гәләк ԝәʹдә у ԛәԝата хԝә ль сәр ԝе йәке хәрщ кьн, кӧ проблемед хԝәйи һәррʹожи сафи кьн у ԝәʹде ԝан ԝе тʹӧнә бә кӧ Пʹадшатийа Хԝәде бьгәрʹьн (Мәтта 6:19-21, 25-32).

Хенщи ԝе йәке, Иса соз дайә ԝәки әԝед кӧ пьштгьрийа Пʹадшатийа Хԝәде дькьн ԝе ида ньһада һәр тьшти чьда һʹәԝщә нә бьстиньн, у ахьрийе жи ԝе кʹәрәмед һәрһәйи бьстиньн (Мәтта 6:33).

Рʹаст ә пәйчуйед Иса ԛьрна йәкеда Пʹадшатийа Хԝәде у рʹастийа ԝи дьгәрʹийан, йәкә ԝана хьлазийа һәр кӧл-дәрде хԝә нәдитьн. Ле әԝана һатьнә хԝәйкьрьне. Чь щурʹәйи?

Әԝана бь нормед Хԝәдейи рʹаст дьжитьн, у һатьнә хԝәйкьрьне жь ԝан тәнгасийа, рʹасти кʹижана һатьн әԝ мәрьв, йед кӧ хәбара Хԝәде инкʹар дькьрьн. Баԝәрийа ԝанә ԛайим һьндава һатьна Пʹадшатийа Хԝәде али ԝан кьр, кӧ ԝана бәр һʹәму проблема тәйах кьрьн. Хԝәде жи «зорайийа ԛәԝате» да ԝан (2 Корьнтʹи 4:7-9).

Мәсиһийед ԛьрна йәке гӧрʹа тʹәмийа Иса кьрьн, кӧ бәри пешьн Пʹадшатийе бьгәʹрьн. Әԝана мьзгинийа хере дәрһәԛа Пʹадшатийа Хԝәде әʹлам дькьрьн (Колоси 1:23). Гәло кәсәк иро әве йәке дькә?

Бәле! Шәʹдед Йаһоԝа фәʹм дькьн, ԝәки ԝәʹдә һьндьк майә кӧ Пʹадшатийа Хԝәде әве дьнйа зӧлм кʹӧта кә. Әԝана ԛәԝата хԝә дьдьнә хәбате кӧ әве тʹәмийа Иса бьԛәдиньн: «У әв Мьзгинийа П′адшатийе ԝе ль нав т′әмамийа дьнйайе бе даннасинкьрьне, кӧ һ′әму мьләтар′а бьбә шә′дәти у һьнге хьлази ԝе бе» (Мәтта 24:14).

Тӧйе чаԝа әве мьзгинийе ԛәбул ки? Әм тә һелан дькьн, чʹәʹв бьди Мәкәдонийа, бьнәлийед бажаре Бәройайе. Чахе ԝана жь Паԝлосе шанди мьзгинийа дәрһәԛа Пʹадшатийа Хԝәде бьһист, әԝана «бь дьл у щан» әв йәк ԛәбул кьрьн. Паше әԝана «һәр р′ож ньвисарада к′ур дьбун», сәва кӧ избат бьн, ԝәки әв бь рʹасти Хәбәра Хԝәде йә. Һьм жи әԝана ль гора занәбуна хԝәйә тʹәзә дьжитьн (Кʹаред Шандийа 17:11, 12).

Тӧ жи дькари ӧса бьки. Һәрге бәри пешьн тӧ Пʹадшатийа Хԝәде у рʹастийа ԝи бьгәрʹи, те ида ньһада щи сьтʹаре бьвини у хԝәйкьри би. Ахьрийе жи те ләзәте бьвини жь әʹдьлайи у бехофийа һәрһәйи.