Гәло зандар дькарьн шьровәкьн кӧ гәрдун у жийина сәр ԝе ча пешда һатьнә? На. Һьнәк дьбежьн, ԝәки гәрдуннас дькарьн шьровәкьн, кӧ гәрдун ча пешда һатийә. Ле зандаре заньнгәһа Дартмуне, бь наве Марсело Глеисер, йе кӧ агностик ә дьбежә: «Әм ԛә нькарьн шьровәкьн, кӧ гәрдун ча пешда һатийә».

Фькьра ԝи щурʹәйи журналәкеда «Science News» һатийә ньвисаре: «Чәтьн ә шьровәкьн кӧ жийин сәр әʹрде бь рʹасти ча дәстпебуйә. Һʹәчʹи зәʹф геолож дьбежьн ԝәки зьнар у кәвьр-кӧчʹькед кӧ жь дәстпека әʹрде һәбунә, ида зудава тʹӧнәнә». Жь ван гьлийа те кʹьфше, ԝәки зандар ньзаньн, кӧ гәрдун у жийин ча пешда һатьнә.

Ле дьԛәԝьмә пьрс бал тә пешда те: «Һәрге жийина сәр әʹрде һатийә әʹфьрандьне, ԝәки ӧса нә Әʹфьрандар кʹи йә?» Дьбәкә тӧйе ӧса жи бьхԝази пебьһʹәси: «Һәрге Әʹфьрандаре бь һʹьзкьрьн һәйә, ле чьрʹа әԝ дьһелә әʹфринед ԝи, демәк мәрьв, бьчәрчьрьн? Чьрʹа әԝ дьһелә һаԛас щурʹә религийа һәбьн? Чьрʹа Хԝәде дьһелә мәрьвед кӧ дьбежьн ԝәки ԝи дьһʹәбиньн, һаԛас хьрабийе бькьн?»

Зандар нькарьн щаба ԝан пьрса бьдьн. Ле әв найе һʹәсабе кӧ һун нькарьн щаба ԝан пьрса бьвиньн. Бь рʹасти гәләк мәрьва щабед ԝан пьрса Кʹьтеба Пирозда дитьнә.

Һәрге һун дьхԝазьн пебьһʹәсьн, ԝәки чьма һьнә зандара Кʹьтеба Пироз леколин кьрьнә у баԝәр кьрьнә кӧ Әʹфьрандар һәйә, бькʹәвьнә малпәра мә jw.org. Бьньһерʹьн «ньһерʹандьн дәрһәԛа дәстпека жийине».