Әв һинкьрьнед жь К′ьтеба Пироз, йед кӧ тӧ ида пеһ′әсийайи, һьлбәт һ′әзкьрьна тә һьндава Хԝәде ԛәԝи кьрийә. Ле сәва кӧ ве һ′әзкьрьне һе ԛәԝи ки, лазьм ә диса ԛәԝате бьди хәбате (1 Пәтрус 2:2). Ә′мьре тәйи һ′әта-һ′әтайе т′әвгьредайә бь ве йәке, һәла тӧйе бәрдәԝан ки бь һинбуна К′ьтеба Пироз незики Хԝәде би, йан на. Бьхунә Йуһ′әнна 17:3; Щьһуда 21.

Һәгәр тӧ бәрдәԝан ки бьстини занәбуне дәрһәԛа Хԝәде, баԝәрийа тә жи ԝе ԛәԝи бә. Баԝәрбун ԝе али тә бькә, ԝәки дьле Хԝәде ша бьки (Ибрани 11:1, 6). Әв йәк ԝе һелана бьдә тә, ԝәки гӧнед хԝә бьди р′ийе хԝә у ә′мьре хԝә бәрбь башбуне бьгӧһези. Бьхунә К′аред Шандийа 3:19.

Һьлбәт тӧйе бьхԝази мәрийар′а гьли ки дәрһәԛа ԝе йәке, чь кӧ тӧ һин буйи. Әм гьшк жи шан ә дәрһәԛа мьзгинийа Хԝәде хәбәр дьн. Ԝә′де һинбуна К′ьтеба Пироз, тӧйе ӧса жи һин би ча К′ьтеба Пироз бьди хәбате, ԝәки баԝәрийа хԝә һьндава Йаһоԝа Хԝәде у мьзгинийа ԝи, мәрийар′а р′ьнд шьровәки. Бьхунә Р′омайи 10:13-15.

Гәләк мәрийа ида дәстпекьрьн бона мьзгинийа Хԝәде һәвалед хԝәр′а йан жи бьра-пьсмамед хԝәр′а гьли кьн. Ле фәсал бә. Дәԝса ԝе йәке кӧ мәрийар′а бежи, ԝәки һ′әбандьна ԝана нәр′аст ә, һе баш ә ԝәки ԝанар′а дәрһәԛа созед Хԝәде хәбәр ди. Ӧса жи бьра дь бира тәда бә, ԝәки ль сәр мәрийа дьһа зә′ф һ′ӧкӧм дьбә нә кӧ гьлийед мә, ле шьхӧлед мәйи баш у мәрифәтбуна мә. Бьхунә 2 Тимот′ейо 2:24, 25.

Һинбуна Хәбәра Хԝәде ԝе али тә бькә, ԝәки һәләԛәтийа тә т′әви Йаһоԝа Хԝәде һе ԛәԝи бә. Бь сайа ве йәке тӧйе бькарьби  һе незики ԝи би. Те бьби п′ара ԝи, демәк бь р′астийе жи бьби нәфәре малбәта Хԝәде. Бьхунә 2 Корьнт′и 6:18.

Һәгәр тӧ бәрдәԝан бьки һинбуна Хәбәра Хԝәде, тӧйе һин би чаԝа ԛанун у ширәтед К′ьтеба Пироз бьԛәдини (Ибрани 5:13, 14). Жь Шә′дед Йаһоԝа кәсәкир′а бежә, ԝәки т′әви тә һинбуна К′ьтеба Пироз дәрбаз бә, бь к′ьтеба «Чь һин дькә К′ьтеба Пироз?». Чьԛас һе зә′ф тӧ жь Хәбәра Хԝәде һин би, һаԛас ә′мьре тә ԝе һе бәхтәԝар бә. Бьхунә Зәбур 1:1-3; 73:27, 28.

Йаһоԝа һәйә Хԝәдайе бәхтәԝарбуне у хԝәзьлийе, һ′әму мьзгини у ә′ламәтийед баш жь ԝи тен. Һәгәр тӧ незики щьмә′та Хԝәде би, бь ԝе йәке те незики Хԝәде би (Ибрани 10:24, 25). Һәгәр дь алийе хԝәда тӧ һ′әму тьшти бьки, ԝәки Йаһоԝа Хԝәде ша бьки, тӧйе ә′мьре һ′әта-һ′әтайе ԛазанч ки. Бь р′астийе жи, мәрьв незики Хԝәде бә, жь ве четьр т′ӧ тьшт нә һәйә, нә жи ԝе һәбә. Бьхунә 1 Тимот′ейо 1:11; 6:19.