Ве дәрәще бьдә бәр чʹәʹве хԝә: Тʹәне дӧ мәһ йә, ԝәки Аза у Макс һәв нас дькьн, ле әԝ ӧса дьфькьрә, кӧ тʹәмамийа әʹмьре хԝә ԝи нас дькә. Әԝана һәртʹьм смс һәвдӧрʹа дьшиньн у бь сьһʹәта һәврʹа хәбәр дьдьн. Йәк жь ԝан дәстпедькә хәбәрдане, ле йе дьн бәрдәԝам дькә ԝан фькьра! Ле Максрʹа нә кӧ тʹәне хәбәрдан лазьм ә.

Нава ԝан дӧ мәһада Аза у Макс тʹәне дәсте һәвдӧ дьгьртьн у пе пачкьрьне хатьре хԝә һәв дьхԝәстьн. Аза нахԝазә, ԝәки ортʹа ԝанда зедә тьштәки дьн һәбә, ле ӧса жи нахԝазә Макс жь дәсте хԝә бәрʹдә. Тʹәне кʹеләка ԝи әԝ хԝә бәдәԝ у лазьм һʹәсаб дькә. Хенщи ԝе йәке әԝ хԝәрʹа дьбежә: «Әз у Макс, әм һәвдӧ һʹьз дькьн . . .»

Һәрге тӧ ида гьһишти йи, сәва кӧ рʹасти кәсәки бейи, демәк тӧйе чаԝа хԝә ԝе дәрәщеда бьди кʹьфше?

Мәсәлә һәрге тӧ бьхԝази жь бахе банзди, сәва кӧ мина чʹьвика бьфьри, тӧйе зийане бьстини. Ԝе дәрәщеда тӧ ԛануна гравитасийайе инкʹар дьки. Анәгори ԝе йәке, һәрге тӧ нормед нав-намусийе найни сери, тӧ дькари зийане бьстини (1 Тʹесалоники 4:3).

Һәрге гӧһ нәдьнә ԛанунед Хԝәде, ахьри ԝе чаԝа бә? Кʹьтеба Пирозда те готьне: «Әԝе кӧ ԛавийе дькә, мьԛабьли бәдәна хԝә гӧна дькә» (1 Корьнтʹи 6:18). Гәло әԝ чь те һʹәсабе?

 Жь леколинкьрьнәке те кʹьфше, ԝәки гәләк хорт у кәчʹькед щаһьл, йед кӧ кʹәтьнә һәләԛәтийа сексуал пешийа зәԝаще, сәр хԝә тʹәхмин дькьн һьнә жь ԝан тьшта, чь кӧ жере ньвисар ьн.

• ПʹОШМАН ДЬБЬН. Һʹәчʹи зәʹф жь ԝан щаһьла, йед кӧ пешийа зәԝаще дькʹәвьнә һәләԛәтийа сексуал, паше гәләк пʹошман дьбьн.

• ИТʹБАРИЙЕ ӦНДА ДЬКЬН. Ахьрийе һәрдӧ жи һьндава һәвдӧ дәстпедькьн ӧса бьфькьрьн, «Хенщи мьн әԝ диса тʹәви кʹе кʹәтийә һәләԛәтийа сексуал?»

• ХӘМГИН ДЬБЬН. Дьле хԝәда һәр кәчʹьк дьхԝазә, ԝәки сәва ԝе хәм бькьн, нә кӧ сәва кʹара хԝә әԝе бьдьнә хәбате. Ле гәләк хорта тʹәхмин кьрьнә, ԝәки паши ԝе йәке ча кәчʹьке сәре хԝә перʹа данийә, әԝ ида ԝи хԝәш найе.

• Ньһа тʹәмам кьн: Гава тӧ ԛайил дьби бькʹәви һәләԛәтийа сексуал бе зәԝаща ԛануни, ӧса тӧ хԝә беһӧрмәт дьки у әԝ чь кӧ лапә ԛимәт ә ӧнда дьки (Рʹомайи 1:24). Бәдәна тә гәләк ԛимәт ә, һʹәрʹам нәкә!

Бьдә кʹьфше, ԝәки тӧ хԝә ԝе ԛануне дьгьри, йа кӧ һелан дькә «жь ԛавийе дур бьн» (1 Тʹесалоники 4:3). Ле чахе тӧ бькʹәви зәԝаще, һәләԛәтийа ортʹа жьн-мера ԝе бь ԛануни бькʹәвә пʹара тә. Ԝи чахи тӧйе жь тʹӧ тьшти хәмгин нәби, исафа тә ԝе тә нәчәрчьринә, тӧйе пʹошман нәби у тӧйе хԝә беһӧрмәт тʹәхмин нәки. Ӧса жи һәр тьштед дьнә нәбаш, йед кӧ дькарьн пешда бен жь бо һәләԛәтийа беԛануни, ԝе нәйнә сәре тә (Мәтʹәлок 7:22, 23; 1 Корьнтʹи 7:3).

• Гәло әԝ мәрьве, кӧ бь рʹасти тә һʹьз дькә, ԝе сьһʹәт-ԛәԝата тә у һʹале тәйи емосийали бькә бьн ԛәзийе?

• Гәло әԝе тә һелан кә бәрбь ԝе йәке, жь бо чь һәләԛәтийа тә тʹәви Хԝәде хьраб бә? (Ибрани 13:4).