ДӘРСА 03
Тӧ Итʹбарийа Хԝә Кʹьтеба Пироз Тини?
Кʹьтеба Пирозда гәләк соз у ширәт һәнә. Дьбәкә тәрʹа һʹәԝас ә кӧ пебьһʹәси Кʹьтеба Пироз чь һин дькә, ле тӧ хԝә жь ве йәке дур дьгьри. Гәло һежа йә тӧ итʹбарийа хԝә соз у ширәтед ве кʹьтеба кәвьн бини? Тӧ дькари ԝе йәке баԝәр бьки, чь кӧ Кʹьтеба Пироз дәрһәԛа жийина бәхтәԝар дьбежә? Бь милйона мәрьва итʹбарийа хԝә ве кʹьтебе анинә. Тӧ жи дькари ве йәкеда избат би.
1. Гәло Кʹьтеба Пироз, кʹьтеба чʹирока йә йан рʹастийе дьбежә?
Кʹьтеба Пироз рʹастийе дьбежә (Ԝаиз 12:10). Әԝ дәрһәԛа мәрьв у ԛәԝьмандьнед реали гьли дькә (Бьхунә Луԛа 1:3; 3:1, 2). Гәләк тʹәрихзан у археолож избат бунә, ԝәки ԝәʹдә, мәрьв, щи у һьнә ԛәԝьмандьн, дәрһәԛа кʹижана Кʹьтеба Пирозда те готьне, рʹаст ьн.
2. Әм чьма дькарьн бежьн, ԝәки Кʹьтеба Пироз иро жи керһати йә?
Кʹьтеба Пирозда гәләк тьштед ӧса һатьнә ньвисаре, дәрһәԛа кʹижана һе тʹӧ кәси ньзаньбу. Мәсәлә, әԝ дәрһәԛа тьштед зандарийе дьбежә у тьштед ӧса, чь кӧ ԝи чахи ԛә баԝәр нәдькьрьн. Чь жи һәбә, зандарийа иройин избат дькә, ԝәки Кʹьтеба Пироз рʹаст ә. Гьлийе ве кʹьтебе тʹьме «һʹимгьрти нә» у «сәр рʹастийе» нә (Зәбур 111:8).
3. Әм чьма дькарьн баԝәр бькьн, ԝәки чь кӧ Кʹьтеба Пироз дәрһәԛа ахьрийе дьбежә, рʹаст ә?
Кʹьтеба Пирозда те пʹехәмбәртикьрьне a дәрһәԛа ԝан ԛәԝьмандьна, «чь кӧ һе нәбуйә» (Ишайа 46:10). Әве кʹьтебе дәрһәԛа гәләк ԛәԝьмандьнед тʹәрихийе, йед кӧ һьнге һе нәһатьбун сери, рʹаст пʹехәмбәрти кьрийә. Әв кʹьтеб ӧса жи һур бь һур һʹале дьнйа иройин шьровәдькә. Ве дәрседа әме чәнд пʹехәмбәртийед Кʹьтеба Пироз шеԝьр кьн. Гәләк әʹщебмайи йә, кӧ әв пʹехәмбәрти чаԝа рʹаст у һур бь һур һатьнә сери!
КʹУР ЛЕКОЛИН КӘ
Пебьһʹәсә кӧ чаԝа зандари избат дькә, ԝәки Кʹьтеба Пироз рʹаст ә, у чәнд пʹехәмбәртийед мәхсус леколин кә.
4. Зандари избат дькә, ԝәки Кʹьтеба Пироз рʹаст ә
Ԝәʹде бәре гәләк мәрьв баԝәр дькьрьн, ԝәки әʹрд сәр тьштәки сәкьнийә. Вехә ВИДЕО.
Дина хԝә бьдьне, ԝәки 3 500 сал пешда кʹьтеба Ибода чь һатийә ньвисаре. Бьхунә Ибо 26:7, у паше әве пьрсе шеԝьр кә:
-
Чьма әв йәк кӧ әʹрд сәр тʹӧ тьшти дардакьри нинә, әʹщебмайи йә?
Ԝәкә 200 сал пешда дәрһәԛа зьвьрʹока аве гәләк тьшт ньзаньбун. Ле дина хԝә бьде, ԝәки бь һʹәзара сал пешда Хәбәра Хԝәдеда дәрһәԛа ве йәке чь һатийә ньвисаре. Бьхунә Ибо 36:27, 28, у паше ԝан пьрса шеԝьр кә:
-
Тӧ чь дьфькьри дәрһәԛа ԝе йәке, кӧ Кʹьтеба Пироз зьвьрʹока аве чаԝа шьровәдькә?
-
Әԝ рʹезед кӧ тә ньһа хԝәнд, баԝәрийа тә һьндава Кʹьтеба Пироз ԛәԝи дькьн?
5. Кʹьтеба Пироз дәрһәԛа ԛәԝьмандьнед фәрз пʹехәмбәрти кьрийә
Бьхунә Ишайа 44:27–45:2, у паше әве пьрсе шеԝьр кә:
-
Ԝәкә 200 сал пешда Кʹьтеба Пирозда дәрһәԛа ԝеранкьрьна Бабилоне чь һатьбу пʹехәмбәртикьрьне?
Тʹәрихи дьбежә, ԝәки сала 539 Б.Д.М. b Корәш Пʹадше Фарьсе тʹәви ордийа хԝә Бабилон зәфт кьр. Ԝана рʹийа чʹәме кӧ бажар дьпараст, гӧһастьн у ава дора бажер мьчʹьԛи. Һьнге дәргед бажер вәкьри мабун у әскәр бе шәрʹ кʹәтьнә бажер у зәфт кьрьн. Ида 2 500 сал зедәтьр дәрбаз буйә у һʹәта иро дәԝса Бабилоне тʹәне кәвьр-кӧчʹьк ьн. Дина хԝә бьде һәла Кʹьтеба Пироз чь пʹехәмбәрти кьрийә.
Бьхунә Ишайа 13:19, 20, у паше әве пьрсе шеԝьр кә:
-
Әв пʹехәмбәртийа дәрһәԛа Бабилоне ча һатә сери?
Бабилона ԝеранкьри Ираԛеда (рʹожа иройин)
6. Кʹьтеба Пироз дәрһәԛа ԝәʹде мә жи пʹехәмбәрти кьрийә
Кʹьтеба Пироз дьбежә, ԝәки әм «рʹожед ахьрийеда» дьжин (2 Тимотʹейо 3:1). Дина хԝә бьде Кʹьтеба Пироз дәрһәԛа ԝи ԝәʹдәйи чь пʹехәмбәрти кьрийә:
Бьхунә Мәтта 24:6, 7, у паше әве пьрсе шеԝьр кә:
-
Кʹьтеба Пироз дәрһәԛа рʹожед ахьрийе чь пʹехәмбәрти кьрийә?
Бьхунә 2 Тимотʹейо 3:1-5, у паше ԝан пьрса шеԝьр кә:
-
Ль гора пʹехәмбәртийа Кʹьтеба Пироз, рʹожед ахьрийеда мәрьв ԝе чь щурʹәйи бьн?
-
Ль гора ван рʹеза, тӧ иро кʹижан хәйсәт-һʹӧнӧра нава мәрьвада дьвини?
ҺЬНӘ МӘРЬВ ДЬБЕЖЬН: «Кʹьтеба Пироз кʹьтеба чʹирока йә.»
-
Дьһа зәʹф чь тә дьдә баԝәркьрьне, ԝәки Кʹьтеба Пироз рʹастийе дьбежә?
ТʹӘМАМКЬРЬН
Тʹәрихи, зандари у пʹехәмбәрти избат дькьн, кӧ Кʹьтеба Пироз рʹастийе дьбежә, ләма жи тӧ дькари итʹбарийа хԝә ве кʹьтебе бини.
Ԝәкʹьландьн
-
Гәло Кʹьтеба Пироз, кʹьтеба чʹирока йә йан рʹастийе дьбежә?
-
Кʹьтеба Пироз кʹижан тьштада ль гора зандарийе рʹаст ә?
-
Бь тʹәхмина тә Кʹьтеба Пироз дәрһәԛа ахьрийе пʹехәмбәртийе дькә? Шьровәкә.
ҺЕ ЗЕДӘ ПЕБЬҺʹӘСӘ
Гәло Кʹьтеба Пирозда алийе зандарийеда шаши һәнә?
«Гәло ль гора Зандарийе, Кʹьтеба Пироз Рʹаст ә?» (Готара жь малпәре)
Чь избат дькә, кӧ әм рʹожед ахьрийеда дьжин?
«Шәш Пʹехәмбәртийед Кʹьтеба Пироз, кӧ бәр Чʹәʹве Мә Тенә Сери» («Бьрща Ԛәрәԝьлийе», 1 Гӧлане, 2011)
Пебьһʹәсә кӧ пʹехәмбәртийа Кʹьтеба Пироз дәрһәԛа Империйа Йунани чаԝа һатә сери.
Пебьһʹәсә, кӧ чаԝа пʹехәмбәртийед Кʹьтеба Пироз ньһерʹандьна мәрьвәки сәр Кʹьтеба Пироз гӧһаст.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
