Ль гора Нучәйед Католики, ԝәʹде әʹйда кӧ дера Пәтрусе Пирозда, 25 Адаре, сала 2022-да дәрбаз бу, Папа Франсис сәре хԝә бәр һәйкәла Мәрйәме дани. Әԝи «чʹәʹве хԝә дада, сәре хԝә бәржер кьр у дьле хԝәда дӧа кьр». Әԝи «лавайа Мәрйәме кьр», кӧ әʹдьлайе бькә нав мәрьва. Әʹламәтийа Нучәйед Ватикани жи дьбежә, ԝәки «Папа Мәрйәмерʹа дӧа дькьр, дьле кʹижане беԛьсур ә, сәва кӧ әʹдьлайи бькʹәвә ортʹа мәрьва, илаһи ортʹа Русйайе у Украинайе».

 Һун чь дьфькьрьн? Гәло рʹаст ә ԝәки әм һʹәбандьнеда шькьла бьдьнә хәбате? Һәла дина хԝә бьдьнә һьнә рʹезед Кʹьтеба Пироз:

•   «Тʹӧ пʹути мина дьлԛе тьштәкида хԝәрʹа ченәки, нә жор ль әʹзмен, нә жер ль сәр әʹрде, нә жи нава авед бьн әʹрдеда. Бәр тʹӧ пʹути та нәби у хӧламтийа ԝан нәки, чьмки әз Хӧдан [Йаһоԝа, ДТʹ] Хԝәдейе тә Хԝәдеки кʹӧмрʹәш ьм» (Дәркʹәтьн 20:4, 5). a

•   «Ле пʹутед ԝан зерʹ у зив ьн, кьред дәстед мерьв ьн. Дәве ԝан һәнә накʹельмьн, чʹәʹвед ԝан һәнә набиньн, гӧһе ԝан һәнә набьһен, позе ԝан һәнә бине һьлнадьн. Дәстед ԝан һәнә напʹәлиньн, ньгед ԝан һәнә әԝ нагәрʹьн у жь гәԝрийа хԝә дәнг дәрнахьн. Йед ԝан чедькьн ԝе бьбьнә мина ԝан у ӧса жи һʹәмуйед кӧ ԝанда гӧман ьн» (Зәбур 115:4-8).

•   «Әз Йаһоԝа мә, наве мьн әв ә у әзе рʹумәта хԝә нәдьм йәки дьн у пәсьне хԝә нәдьм пʹута» (Ишайа 42:8, ДТʹ).

•   «Жь пʹутпʹарьстийе бьрʹәвьн» (1 Корьнтʹи 10:14).

•   «Хԝә жь пʹутпʹарьстийе хԝәй кьн» (1 Йуһʹәнна 5:21).

 Сәва кӧ һе зедә пебьһʹәсьн дәрһәԛа ԝе йәке, кӧ Кʹьтеба Пирозда чь те готьне бона хәбьтандьна пʹута һʹәбандьнеда, бьньһерʹьн готар «Ньһерʹандьна Кʹьтеба Пироз; Пʹут» йан жи бьньһерʹьн видео «Гәло Хԝәде Ԛәбул Дькә ԝәки Һʹәбандьнеда Пʹута Бьдьнә Хәбате?»

 Дьԛәԝьмә ԝәрʹа ӧса жи һʹәԝас бә пебьһʹәсьн кӧ Кʹьтеба Пирозда чь те готьне дәрһәԛа ԝан тʹема:

•   «Кʹьтеба Пироз Дәрһәԛа Мәрйәма Бькʹьр Чь Дьбежә?»

•   «Гәло Лазьм ә Мәрйәма Бькʹьррʹа Дӧа Бькьн?»

•   «Гәло Нишан у Кʹәрәмәт жь Хԝәде нә?»

•   «Гәло ԝе Чаԝа сәр Әʹрде Әʹдьлайи Һәбә?»

Photo credit: Vincenzo Pinto/AFP via Getty Images