Сәр тʹәмамийа дьнйайе мәрьв тʹәнебуне тʹәхмин дькьн у нькарьн хԝәрʹа һәвала бьвиньн. Һьнә експерт дьбежьн кӧ гава мәрьв али кәсед дьн дькә, әв йәк али ԝи дькә жь тʹәнебуне аза бә.

•   «Гава әм али кәсед дьн дькьн, йед кӧ һʹәԝще аликʹарийе нә, ԝи чахи әм хԝә һежа тʹәхмин дькьн у шабуне дьстиньн»—U.S. National Institutes of Health.

 Кʹьтеба Пироз ширәтед керһати дьдә, кӧ чаԝа али кәсед дьн бькьн. Һәрге әм ван ширәта бьдьнә хәбате әме жь тʹәнебуне хьлаз бьн.

 Мәрʹд бә. Мәщала бьгәрʹә кӧ тʹәви мәрьва ԝәʹдә дәрбаз ки, илаһи рʹу бь рʹу. Дәствәкьри бә у чь кӧ щәм тә һәйә тʹәви кәсед дьн пʹарәвәкә. Һәрге тӧ ӧса бьки, мәрьв ԝе жь тә рʹази бьн у һуне бьбьнә достед незик.

•   Принсипа Кʹьтеба Пироз: «Бьдьн, у ԝәрʹа жи ԝе бе дайине» (Луԛа 6:38).

 Али мәрьва бькә. Мәщала бьгәрʹә кӧ али ԝан мәрьва бьки, йед кӧ рʹасти чәтьнайа тен. Мәсәлә тӧ дькари рʹьнд гӧһ бьди ԝан, йан жи аликʹарийа практики бьди ԝан, чь кӧ ԝе баре ԝан сьвьк кә.

•   Принсипа Кʹьтеба Пироз: «Һәвал һәр гав һʹьз дькә, бьра буйә бона рʹожа охьрме гьран» (Мәтʹәлок 17:17).

 Сәва кӧ һе зедә пебьһʹәси, ԝәки чаԝа һәләԛәтийа баш тʹәви мәрьва хԝәй ки, бьхунә готар бь наве «Жийина Малбәте у Һәвалти».