Sean Gladwell/Moment via Getty Images
ҺʹЬШЙАР БЬМИНЬН!
Нав Тʹәмамийа Дьнйайе сәва Шәрʹ-Дәʹԝа 2 Трилйон Долар Зедәтьр Хәрщ Дьбә—Кʹьтеба Пироз Чь Дьбежә?
Сала 2022-да нав тʹәмамийа дьнйайеда хәрщед бона шәрʹ-дәʹԝа ӧса мәзьн бун, кӧ тʹӧ щар бәре тьште ӧса тʹӧнә бу у әв хәрщ гьһиштьнә 2.24 трилйон долар, һʹәчʹи зәʹф жь бо һʹьщумкьрьна Русйайе сәр Украине. Һʹәсабәкида йа мәһа Нисане сала 2023 (Stockholm International Peace Research Institute, SIPRI) дәрһәԛа сала 2022 ӧса ньвисийә:
Нава саләкеда хәрщед Әԝропайе бона ордийед әскәрийе «сәр 13 сәләфа мәзьн бун, чь кӧ пәй шәрʹе сар, демәк паши сала 1991, Әԝропайеда хәрще һәри мәзьн бу».
«Русйа...хәрщед хԝә ԝәкә сәр 9.2 сәләфа зедә кьр, жь бо чь жи әԝ хәрщед хԝәда нав һʹәму ԝәлатед дьнйайе жь щийе пенща дәрбази щийе сьсийа бу».
Щийе пешьн хәрщед әскәрийеда Дәԝләтед Йәкбуйи дьгьрә, чьмки «жь хәрщед тʹәмамийа дьнйайе бона әскәрийе, хәрщед ԝан 39 сәләф ә».
Зандарәки бь наве Нан Тийен, йе кӧ авторәки һʹәсабе SIPRI-йә, ӧса гот: «Әв йәк кӧ хәрщед бона әскәрийе нав тʹәмамийа дьнйайе ԝан салед пашԝәхтийеда ӧса мәзьн бунә, нишан дькә ԝәки әм дьнйакә тʹәвльһәвбуйи у хофда дьжин».
Кʹьтеба Пирозда дәрһәԛа рʹожед мә те готьне, ԝәки һәләԛәтийа ортʹа сәрԝеред дәԝләтед һәри ԛәԝи, ԝе чьԛас һәрʹә һе чәтьн бә, у ӧса жи теда те готьне кӧ чь дькарә әʹдьлайе пешда бинә.
Зедәбуна шәрʹ-дәʹԝа һатьбу пʹехәмбәртикьрьне
Кʹьтеба Пироз рʹожед мә нав дькә «дәма даԝийе», демәк рʹожед хьлазийе (Данийел 8:19, ИМ).
Кʹьтеба Данийелда һатьбу пʹехәмбәртикьрьне, ԝәки ԝи ԝәʹдәйида сәрԝеред дьнйайе йед һәри ԛәԝи ԝе һәврʹа бькʹәвьнә ләще. Әв сәрԝеред дьнйайе ԝе бона сәритийе «шәрʹ» бькьн, ԝәки щийе һәрʹи бьльнд бьгьрьн. Жь бо шәрʹе хԝә, әԝана ԝе гәләк «хьзнед» хԝә, демәк гәләк пʹәра хәрщ кьн (Данийел 11:40, 42, 43, ИМ).
Сәва кӧ һе зедә дәрһәԛа ве пʹехәмбәртийа жь Кʹьтеба Пироз пебьһʹәсьн, бьньһерʹьн видео «Пʹехәмбәртийа жь Данийел Сәре 11 кӧ Һатә Сери».
Әʹдьлайи чаԝа ԝе бе сәр әʹрде
Кʹьтеба Пирозда те готьне, ԝәки Хԝәде ԝе сәрԝертийед мәрьва бьдә гӧһастьне. Әԝ «ԝе пʹадшатийе кʹьфш кә, йе кӧ ԝе тʹӧ щар кʹӧта нәбә. У әв пʹадшати мьләте майинрʹа ԝе нәйе дайине. Әԝ ԝе әԝан һʹәму пʹадшатийа һурдәхԝәши кә у кʹӧта кә, ле хԝәха ԝе һʹәта-һʹәтайе бьминә» (Данийел 2:44, ДТʹ).
Йаһоԝа a Хԝәде ԝәхтәкә кьнда ве йәке ԝе бькә, чь кӧ дәсте тʹӧ һʹӧкӧмәтийа мәрьвада нинә, демәк әʹдьлайа һʹәта-һʹәтайе бинә сәр әʹрде. Ле гәло чаԝа? Пʹадшатийа Ԝийә әʹзмани ԝе һʹәму чʹәка у зордарийе бьдә һьлдане (Зәбур 46:8, 9).
Сәва кӧ һе зедә пебьһʹәсьн, дәрһәԛа ԝе йәке кӧ Пʹадшатийа Хԝәде ԝе чь бькә, бьхуньн готар «Бьн Сәрԝертийа Пʹадшатийа Хԝәде ԝе ‹Әʹдьлайи Гәләк бә›».
a Йаһоԝа наве Хԝәде йә (Зәбур 83:18).