Иса дьгот: «Ԝә беһәԛ стандийә, беһәԛ жи бьдьн» (Мт. 10:8). Әм әԝ тʹәми дьԛәдиньн чахе бе пʹәрә Кʹьтеба Пироз у әʹдәбйәтед дьн бәла дькьн (2 Кр. 2:17). Ԝан әʹдәбйәтада рʹастийед ԛимәт жь Хәбәра Хԝәде һатьнә ньвисандьне. Гәләк ԛәԝат у пʹәрә те хәрщкьрьне, сәва кӧ ԝан әʹдәбйәта нәшьр кьн у бьшиньн нав һʹәму щьвата. Ләма жи, әм гәрәке һьлдьн тʹәне һаԛас, чьԛас кӧ бь рʹасти жи мәрʹа лазьм ә.

Чахе тӧ әʹдәбйәта бәла дьки, һела һе ԝан щийада кʹидәре кӧ мәрьв зәʹф ьн, сәрԝахт бә (Мт. 7:6). Нета тә нинә кӧ тʹәне әʹдәбйәта бәла ки, ле хәбәрдане дәстпекә сәва кӧ тедәрхи һәла ԝи мәрьвирʹа һʹәԝас ә, йан на. Һʹәма сәр пьрсәк жь чаргоше, тӧ дькари щаба хԝә бьди у бежи «Әре»? Һәрге тӧ нькари тедәрхи һʹәԝаса мәрьв һәйә йан на, ԝе һе баш бә бәлавокәк бьһели. Ле һәрге мәрьв журнал йан әʹдәбйәтәк дьн жь мә бьхԝазә, һәмьки әме бь шабуне бьдьне (Мтʹл. 3:27, 28).