Әм дьнйакә ӧсада дьжин, йа кӧ тьштед баш һʹәсаб дькә хьраб, у йед хьраб ча тьштәки баш (Иш. 5:20). Ле йазьх, һьнә мәрьв тьштед ӧсава мьжул дьбьн, кʹижан кӧ Йаһоԝа нәфрʹәт дькә. Мәсәлә, һәләԛәтийа сексуал ортʹа дӧ мера, йан дӧ жьна. Щаһьлед мә дькарьн мәкʹтәбеда йан щийе дьнда рʹасти щерʹьбандьна бен, кӧ бькʹәвьнә бәр байе мәрьвед дәр-дор. Һун чаԝа дькарьн зарʹед хԝә һазьр кьн, ԝәки ԝан щерʹьбандьнада хԝә ԛәԝи бьгьрьн?

Нормед Йаһоԝа һини зарʹед хԝә бькьн (Ԛн.Кʹһ. 18:3). Зарʹед хԝә һин кьн, ԝәки Кʹьтеба Пироз дәрһәԛа сексе чь дьбежә. Һәмьки салед әʹмьре ԝанва гьредайи йә, һуне чь информасийайе ԝанарʹа бежьн, кӧ фәʹм бькьн (Ԛн.Дщ. 6:7). Пьрса бьдьнә хԝә: «Мьн зарʹед хԝә һин кьрийә, кӧ гәрәке чаԝа һʹьзкьрьне бьдьнә кʹьфше, чьма фәрз ә кʹьнще хԝә лайиԛ хԝә кьн у ԝәки мәрьв гәрәке һьндава намусийа һәв бь ԛәдьр бьн? Һәрге кәсәк зарʹед мьнрʹа порнографийайе нишан кә, йан бьхԝазә кӧ әԝана тьштәки хьраб бькьн, зарʹед мьн ԝе бьзаньбьн ве дәрәщеда чь бькьн?» Занәбун дькарә ԝана бьпарезә (Мтʹл. 27:12; Ԝз. 7:12). Чахе тӧ зарʹед хԝә һин дьки, ӧса тӧ һʹьзкьрьне һьндава пʹешкʹеша кӧ Йаһоԝа тʹәсмили тә кьрийә, дьди кʹьфше (Зб. 127:3).

БЬНЬҺЕРʹЬН ВИДЕО «БЬРА МАЛБӘТА ԜӘ ԚӘԜИ БӘ; ЗАРʹЕД ХԜӘ ЖЬ ҺʹӘМУ ЩУРʹӘ ЗӦЛМИЙЕ ХԜӘЙ КЬН» У ПАШЕ ЩАБА ԜАН ПЬРСА БЬДЬН:

• Чьма һьнә де-бав хԝә дьгьрьн жь ԝе йәке, кӧ зарʹед хԝә дәрһәԛа сексе һин кьн?

• Чьма де-бав гәрәке зарʹед хԝә «бь ширәт у һинкьрьна» Йаһоԝа һин кьн? (Әф. 6:4)

• Тʹәшкиләта Йаһоԝа кʹижан аликʹарийе дьдә де-бава, ԝәки зарʹед хԝә дәрһәԛа сексе һин кьн? (ԝ19.05 12, чаргошә)

• Чьма ԝе баш бә, ԝәки пешийа кӧ зарʹед тә рʹасти чәтьнайа бен, тӧ ԝана һазьр ки?