Һәвалзәԝаща тә ԛә щарәки тәрʹа готийә, ԝәки әԝ бәр хԝә дькʹәвә дәрһәԛа ве йәке, кӧ тӧ чьԛас вәдьхԝи? Һәрге бәле, һьнә тьшт һәнә кӧ тӧ гәрәке һьлди һʹәсаб.

Ве готареда

•  Вәхԝарьна ичкейә бь зедәйи хьраб сәр зәԝаще һʹӧкӧм дькә

•  Тӧ ичкева гьредайи йи?

•  Һаж сьстбуна хԝә һәбә

•  Тӧ чь дькари бьки

 Вәхԝарьна ичкейә бь зедәйи щурʹә-щурʹә проблемед сьһʹәт-ԛәԝатева гьредайи пешда тинә. Мәсәлә, нәхԝәшийед дьл, сироза щәгәре у кʹансәр. Ле вәхԝарьна зедә нә тʹәне проблемед сьһʹәт-ԛәԝатева гьредайи пешда тинә. Әԝ ӧса жи дькарә зәԝащеда проблема пешда бинә. Мәсәлә, зордари, проблемед пʹәрава гьредайи, нәмами, у һәвԛәтандьн.

 Кʹьтеба Пироз дьбежә кӧ вәхԝарьна ичкейә бь зедәйи, «мина мәʹра паше дьгәзә у мина тирәмәʹр әԝ ле дьдә» (Мәтʹәлок 23:32). Чаԝа дькари тедәрхи, һәла тӧ ичкева гьредайи йи йан на?

 Пьрсед кӧ жере тенә дайине, ԝе али тә бькьн тедәрхи һәла тӧ ичкева гьредайи йи, йан на:

•   Тәрʹа чәтьн дьбә контрол ки, кӧ чьԛас вәдьхԝи?

•   Тӧ тʹьме дьфькьри дәрһәԛа ве йәке, кӧ кʹәнге диса вәхԝи?

•   Һәрге зәԝаща тәда жь бо вәхԝарьна ичке проблем пешда тен, тӧ диса жи вәдьхԝи?

•   Гава тӧ сафи дьки кем вәхԝи, жь бо ве йәке тӧ хԝә хьраб тʹәхмин дьки?

•   Вәхԝарьна ичке бона тә у һәвалзәԝаща тә, дьбә мәʹнийа һәвнәфәʹмкьрьне?

•   Һьмбәри ԝәʹде бәре, тӧ ньһа һе зедә ичке вәдьхԝи?

•   Тӧ малда йан щийе хәбатеда дьзикава ичке вәдьхԝи?

 Һәрге щаба тә сәр йәк жь ԝан пьрса «бәле» йә, дьбәкә тӧ ида ичкева һати гьредане. Дьбәкә нәхԝәшийа ӧса щәм тә пешда һат, йа кӧ ча алкоһолизм әʹйан ә.

 Гәло һʹәвалзәԝаща тә бәр хԝә дькʹәвә жь бо ве йәке кӧ тӧ чьԛас вәдьхԝи? Һәрге әре, тӧ дьбәкә ве йәке һʹәсаб нәки ча проблемәкә мәзьн, йан жи дәстпеки хԝә рʹаст дәрхи. Тӧ дькари ве йәкеда йед дьн жи нәһәԛ ки, һәла һе һәвалзәԝаще хԝә жи, у гьлийед ӧса бежи:

•   «Һәрге тӧ һьндава мьнда дьһа баш буйайи, мьне вәнәхԝара».

•   «Һәрге хәбата тә жи ӧса гьран буйа мина йа мьн, тәйе жи вәхԝара».

•   «Әз зәʹф мәрьва нас дькьм, йед кӧ жь мьн зедәтьр вәдьхԝьн».

 Һәрге ви щурʹәйи хԝә рʹаст дәрдьхи, демәк вәхԝарьне ичкейә бь зедәйи сәва тә, жь бәхтәԝарийа зәԝаща тә фәрзтьр ә. Ле чь гәрәке һе фәрз бә?

 Принсипа Кʹьтеба Пироз: «Ле йе зәԝьщи» хәм дькә «кӧ чаԝа бькә ль жьна хԝә хԝәш бе» (1 Корьнтʹи 7:33).

•   Дина хԝә бьдә хәмед һәвалзәԝаща хԝә. Һәрге жи һәвалзәԝаща тә гәләк бәр хԝә дькʹәвә дәрһәԛа ве йәке, тӧ дькари һьнә гӧһастьна нав хԝәда бьки. Һәрге тӧ нькари гӧһастьна бьки у бәрдәԝам дьки вәхԝи һьнге жи гава һәвалзәԝаща тә бәр хԝә дькʹәвә, әв йәк дькарә нишана проблемәкә мәзьн бә.

   Принсипа Кʹьтеба Пироз: «Нәбә кӧ йәк кʹара хԝә бьгәрʹә, ле йа һәвале хԝә» (1 Корьнтʹи 10:24).

•   Һе зедә пебьһʹәсә. Сәва кӧ шәрʹда сәркʹәвә, әскәр гәрәке рʹьнд методед дьжмьне хԝә бьзаньбә. Анәгори ве йәке сәва кӧ һе зедә дәрһәԛа дьжмьне хԝә бьзаньби, тӧ гәрәке һе зедә дәрһәԛа алкоһолизме пебьһʹәси у ве йәке, кӧ чаԝа мәрьв ԝева тенә гьредане. Тӧ ӧса жи гәрәке пебьһʹәси, кӧ чь дькарә али тә бькә жь ве бьԛәти, у диса нәкʹәви ве тʹәльке.

   Принсипа Кʹьтеба Пироз: «Һʹәвза хԝә жь дьлһавьжийед бәдәне бькьн, кӧ мьԛабьли рʹӧһʹе ԝә шәрʹ дькьн» (1 Пәтрус 2:11).

•   Аликʹарийе бьхԝазә. Һьнә методед ԛәнщкьрьне һәнә, йед кӧ аликʹарийе дьдьн, ԝәки тʹәрка вәхԝарьна ичке бьдьн. Дькʹәвьнә нава ве йәке програмед ԛәнщкьрьне у нәхԝәшханед мәхсус. Тӧ ӧса жи дькари жь һәвале хԝәйи щерʹьбанди бьхԝази, ԝәки али тә бькә фәʹм бьки, кӧ чь мәʹнийед дьн диса һәнә, жь бо чь жи тӧ ичкева тейи гьредане. Һьм жи тӧ дькари аликʹарийе жь ԝи һьнге бьхԝази, гава тә диса бәрбь ичкәвәхԝарьне дькʹьшинә.

   Принсипа Кʹьтеба Пироз: «Һәвал һәр гав һʹьз дькә, бьра буйә бона рʹожа охьрме гьран» (Мәтʹәлок 17:17).

 Вәхԝарьна ичкейә бь зедәйи проблемәкә мәзьн ә, кʹижан кӧ тʹәне бь хԝәндьна готаре ԝе нәйе сафикьрьне. У нәжи тӧ дькари ԝе алт ки, һәрге тʹәне бежи «Әзе һьндьк вәхԝьм». Чь жи һәбә тӧ гәрәке фәʹм бьки, ԝәки әв йәк кӧ чаԝа тӧ ве проблеме сафи дьки, нә кӧ тʹәне сәр сьһʹәт-ԛәԝата тә һʹӧкӧм дькә, ле ӧса жи сәр зәԝаща тә.

 Һе зедә пебьһʹәсә: Ван готара бьхуньн у пебьһʹәсьн, кӧ чаԝа мәрьвед дьн карьбун тʹәрка ичке бьдьн.

 «Ида Йәки Сәрт Ниньм»

 «Әз Ида жь Хԝә Шәрм Накьм»

 «Мьн Кʹучʹада Дьжит»

 Ӧса жи бьньһерʹә видео «Әз жь Жийина Хԝә Вәстийам»