Гәләк кәс һе пешийа зәԝаще тʹәви һәв дьжин. Һьнәк ӧса дькьн сәва кӧ бьньһерʹьн һәла әԝана ль һәв тен йан на у дьфькьрьн кӧ бь ве йәке ахьрийеда ԝе бькарьбьн зәԝаща бәхтәԝар саз кьн. Гәло бь рʹасти фькьрәкә баш ә, ԝәки һе пешийа кӧ бьзәԝьщьн, тʹәвайи бьжин?

Ве готареда

•  Кʹьтеба Пироз чь дьбежә?

•  Гәло жийина тʹәви һәв дькарә ԝә бона зәԝаще һазьр кә?

•  Гәло жийина тʹәви һәв дькарә алийе материйалида кʹаре ԝәрʹа бинә?

•  Гәло жийина тʹәви һәв дькарә али ԝә бькә тедәрхьн, һун һәв тен йан на?

•  Гәло мәщаләкә дьһа баш һәйә?

•   Кʹьтеба Пироз сущдар дькә һәләԛәтийа сексуалийә пешийа зәԝаще. Мәсәлә, теда ньвисар ә: «Жь ԛавийе дур бьн» (1 Тʹесалоники 4:3; 1 Корьнтʹи 6:18). Әв ԛәдәхәкьрьн бона ԝана йә жи йед кӧ тʹәвайи дьжин сәва кӧ паше бьзәԝьщьн a. Принсипед Кʹьтеба Пироз дьпʹарезьн жь ве йәке, кӧ һʹәмлә дәрнәйен у жь ахьрийа дьнә хьраб хԝә дур бьгьрьн, кʹижан кӧ пешда тен чахе һе пешийа зәԝаще тʹәвайи дьжин.

•   Хԝәде зәԝащ саз кьрийә. Чахе әԝи зәԝащ саз кьр, гьлийед ӧса гот: «Ләма мере де у баве хԝә бьһелә, хԝә ль жьна хԝә бьгьрә у бьбьнә бәдәнәк» (Дәстпебун 2:24). Чахе мер у жьн сафи дькьн кӧ һьндава һәвда амьн бьминьн, әв йәк һʹимәкә лапә баш ә бона зәԝаща ԛәԝи, кӧ һʹәзкьрьн нав ԝеда һәбә.

 Һьнәк дьбежьн, бәле. Ԝана тʹьре кӧ һәрге тʹәвайи шьхӧле мале бькьн, у дина хԝә бьдьнә хәйсәтед һәв, ԝе бькарьбьн бона зәԝаще хԝә һазьр кьн. Ле бь рʹасти һʹиме фәрз бона зәԝаща бәхтәԝар амьни йә.

 Чаԝа кәчʹьк у хорт дькарьн һин бьн, кӧ шин у шайада тʹәви һәв бьн? Жийина тʹәви һәв пешийа зәԝаще, ԝәʹде кʹижани кӧ һәр кәс жь ԝан дькарә пьшта хԝә бьдә һәв у һәрʹә, методәкә баш нинә, кӧ зәԝаща ԛәԝи саз кьн. Ле дәԝсе һәләԛәти ортʹа кәчʹ у хорт дьһа ԛәԝи дьбьн, чахе әԝана сафи дькьн һәвдӧрʹа амьн бьминьн, у һәр тьшти дькьн кӧ проблемед ортʹа һәв сафи кьн.

 Фькьра сәрәкә: Кәчʹ у хорт, йед кӧ сафи дькьн пешийа зәԝаще тʹәви һәв бьжин, бь рʹасти хԝә бона ве йәке һазьр дькьн, ԝәки паше жь һәв бьԛәтьн, нә кӧ бькʹәвьнә зәԝаще.

 Принсипа Кʹьтеба Пироз: «Мәрьв чь дьчинә, ԝе жи дьчьнә» (Галати 6:7).

 Һьнәк дьбежьн, бәле. Ль гора һʹәсаба Pew Research Center, Дәԝләтед Йәкбуйида ԝәкә жь дәһә мәрьва чар, дәстпедькьн тʹәвайи бьжин жь бо мәʹнийед материйали, сәва кӧ бькарьбьн пʹәред хԝә һәвәки хԝәй кьн. Ле диса жи гәләк жь ԝан мәрьва дьбежьн, кӧ һазьр ниньн бьзәԝьщьн, чьмки пʹәра тʹера ԝан накьн.

 Жийина тʹәви һәв пешийа зәԝаще ахьрийа дьн жи тинә, илаһи бона кʹӧлфәта. Мәсәлә, гава кәчʹ у хорт жь һәв дьԛәтьн, гәләк щара ӧса дьбә кӧ жьн тʹәне дьминә у тʹәне зарʹа мәзьн дькә.

 Фькьра сәрәкә: Ахьрийа хьраб жь жийина тʹәви һәв пешийа зәԝаще, һе зедә йә, нә кӧ кʹара ԝе.

 Принсипа Кʹьтеба Пироз: «Әз Йаһоԝа, Хԝәдайе тә мә, кʹижан кӧ тьштед ԛәнщ тә һин дькә» (Ишайа 48:17, ДТʹ).

 Һьнәк дьбежьн, бәле. Кʹьтебәкеда бь наве Fighting for Your Marriage те готьне, ԝәки «мәрьвед кӧ пешийа зәԝаще тʹәвайи дьжин, фәʹм накьн ԝәки ԝанрʹа һе чәтьн дьбә жь һәв бьԛәтьн». Чьрʹа? Һьнәк жь ԝан йед кӧ тʹәвайи дьжин, тедәрдьхьн кӧ әԝана һәв найен. Ле чьмки жь бо һьнә щабдарийа кӧ щәм ԝана һәнә, мәсәлә, һʹәйԝане ԝанә мале, пʹәре кʹьре йан һʹәмләбуна кӧ һивийе нибун, әԝана мәщбур дьбьн тʹәви һәв бьминьн b. Ве кʹьтебеда Fighting for Your Marriage диса ӧса те готьне: «Һьнә мәрьв йед кӧ бьхԝәстана һе пешийа зәԝаще жь һәв бьԛәтийана, йәкә дькʹәвьнә зәԝаще, чьмки ӧса ԝанарʹа дьһа һеса йә».

 Фькьра сәрәкә: Жийина тʹәви һәв пешийа зәԝаще дькарә нә кӧ али тә бькә сафикьрьна баш бьки, ле бь рʹасти дьһа чәтьн бькә кӧ тʹәрка һәләԛәтийа хьраб бьди.

 Принсипа Кʹьтеба Пироз: «Йе аԛьл хьрабийе кӧ дьбинә һʹәвза хԝә дькә, ле йе дьлсах пешда дьчьн у зьраре дьбинә» (Мәтʹәлок 22:3).

 Тӧ дькари хԝә дур бьгьри жь ве хофийе, кʹижан кӧ пешда те жь жийина тʹәви һәв пешийа зәԝаще у бь ве йәке зәԝащәкә бәхтәԝар саз ки. Чь щурʹәйи? Һәрге тӧ хԝә ль нормед Кʹьтеба Пирозә зәԝащева гьредайи бьгьри. Пешийа кӧ бькʹәвьнә зәԝаще у дәстпекьн ча жьн-мер бьжин, епʹещә ԝәʹдә вәԛәтиньн, сәва кӧ һәвдӧ рʹьнд нас кьн. Гава һәвалзәԝащ хԝәрʹа дьжбери, ԝе баш бә сәр һʹиме ԝе йәке бьжбери, ԝәки ԛимәт у баԝәрийа ԝә мина һәв бьн, нә кӧ сәр һʹиме бәдәԝбуна ԝи йан ԝе.

 Кʹьтеба Пирозда һәнә ширәтед кӧ дькарьн али тә бькьн, ԝәки һʹиме зәԝаща бәхтәԝар у ԛәԝи дайни c. Мәсәлә, Кʹьтеба Пирозда һәнә принсипед кӧ дькарьн али ԝә бькьн, ԝәки . . .

•   жь ԛавийе у зьнекʹарийе бьрʹәвьн

•   хәйсәт-һʹӧнӧред ӧса пешда биньн, кӧ бьбьнә һәвалзәԝащәки баш

•   ԝәʹде һәвнаскьрьне дина хԝә бьдьне, һәла һун һәв тен йан на

 Сәва кӧ һе зедә дәрһәԛа ԝан тʹема пебьһʹәсьн, бькʹәвьнә jw.org у бьньһерʹьн «Зәԝащ у Малбәт».

 Принсипа Кʹьтеба Пироз: «Тʹәмамийа ньвисаре жь бина бәр Хԝәде йә у керһати йә бона һинкьрьне» (2 Тимотʹейо 3:16).