Бәле, у Кʹьтеба Пироз гәләк избатийед ве йәке дьдә, кӧ Хԝәде бь рʹасти һәйә. Әв кʹьтеб мә һелан дькә, ԝәки баԝәрийа хԝә һьндава Хԝәде, нә кӧ чʹәʹвгьрти ль гора һинкьрьнед религийа пешда биньн, ле фәʹме хԝә бьдьнә хәбате (Рʹомайи 12:1; 1 Йуһʹәнна 5:20). Жь кʹәрәма хԝә дина хԝә бьдьн һьнә избатийа, йед кӧ жере тенә дайине, у ль сәр һʹиме Кʹьтеба Пироз ьн:

•   Тʹәрбәтийа гәрдунеда у жийина ль сәр ԝе, дьдә кʹьфше ԝәки Әʹфьрандар һәйә. Кʹьтеба Пирозда те готьне: «Фәʹмдари йә, һәр маләк бь дәсте йәки те чекьрьне, ле йе һәр тьшт әʹфьрандийә, Хԝәде йә» (Ибрани 3:4). Рʹаст ә әв ньһерʹандьн логики йә, ле бона мәрьвед хԝәнди әв избатийа ԛайим ә. a

•   Хԝәстьна һʹәму мәрийа һәйә, кӧ фәʹм бькьн ԝәки нета жийине чьда нә. Әв хԝәстьн һьнге жи ӧнда нәбә, гава һʹәԝщед мәрьвайи физики тенә тʹәмамкьрьне. Хенщи ве йәке, әв хԝәстьн ӧса жи хԝәстьна кӧ Хԝәде нас бькьн у ԝи бьһʹәбиньн, Кʹьтеба Пирозда те навкьрьне ча һʹәԝщед рʹӧһʹани (Мәтта 5:3; Әʹйанти 4:11). Әв һʹәԝщед рʹӧһʹани нә тʹәне избат дькьн кӧ Хԝәде һәйә, ле ӧса жи ԝәки Әʹфьрандар мә һʹьз дькә у дьхԝазә ԝәки әм әԝ һʹәԝщед хԝә тʹьжә бькьн (Мәтта 4:4).

•   Пʹехәмбәртийед Кʹьтеба Пироз һатьбун ньвисаре гәләк ԛьрʹна пешда, пешийа кӧ әԝ һатьнә сери. Ԛәԝьмандьнед жь ԝан пʹехәмбәртийа рʹастә-рʹаст ԝәʹде кʹьфшкьрида һатьнә сери. Әв йәк кӧ әԝ пʹехәмбәрти ӧса рʹаст һатьбун сери, һәла һе тьштед бьчʹукда жи, избат дькьн, ԝәки әв һʹәму тьшт жь мәрьв нибу (2 Пәтрус 1:21).

•   Ньвискʹаред Кʹьтеба Пироз тьштед ӧса дәрһәԛа зандарийе заньбун, чь кӧ бона мәрьвед ԝан чаха әʹщебмайи бу. Мәсәлә, ԝәʹде бәре гәләк мәрьв баԝәр дькьрьн, кӧ әʹрд сәр филәке, бәразәке, сәр га йан жи сәр һәйванәки дьн сәкьнийә. Ле Кʹьтеба Пирозда һатьбу ньвисаре, кӧ Хԝәде әрʹд сәр тӧ тʹьшти дарда нәкьр у әԝ һʹәԝеда нә (Ибо 26:7). Һьм жи Кʹьтеба Пироз дәрһәԛа әʹрде рʹаст шьровәдькә у дьбежә, кӧ әԝ гьровәр ә (Ишайа 40:22). Гәләк мәрьв дьбежьн ԝәки ньвискʹаред Кʹьтеба Пироз жь бина бәр Хԝәде дьньвисин, ләма жи ԝанарʹа әʹщебмайи бу, кӧ Кʹьтеба Пироз дәрһәԛа тьштед ӧса дьгот, чь кӧ гәләкарʹа һе әʹйан нибу.

•   Кʹьтеба Пироз щаба гәләк пьрсед чәтьн дьдә у гава мәрьв щаба ԝан пьрса навиньн, әԝана дьбьнә атеист. Мәсәлә: Һәрге Хԝәде һʹьзкьрьн ә у йәки Һьмзор ә, ле чьма дьнийайеда һаԛас зӧлми у чәрчьрандьн һәйә? Чьма гәләк щар жь бо религийайе, мәрьв тьштед хьраб дькьн, нә кӧ баш? (Тито 1:16).