Кʹьтеба Пироз дьбежә, ԝәки Хԝәде дәʹԝа дькә кӧ мәрьв «жь ԛавийе дур бьн» (1 Тʹесалоники 4:3). Хәбәра «ԛави» Кʹьтеба Пирозда те хәбьтандьне нәамьнийа мер у жьна һьндава һәвда, һомосексуалти у һәләԛәтийа сексуал ортʹа дӧ мәрьва, кʹижан кӧ тʹәвайи зәԝащеда ниньн.

•  Чьма бона Хԝәде фәрз ә, ԝәки мер у жьнед кӧ тʹәвайи дьжин зәԝащеда бьн?

•  Гәло лазьм ә кӧ хорт у ԛиз пешийа зәԝаще тʹәви һәв бьжин, кӧ тедәрхьн әԝ лайиԛи һәв ьн йан на?

•  Чь лазьм ә, сәва кӧ зәԝащ ԛәԝи бә?

• Хԝәде сазкʹаре зәԝаще йә. Хԝәде зәԝаща пешьн һьнге саз кьр, гава Һеԝа да Адәм (Дәстпебун 2:22-24). Хԝәде нәдьхԝәст кӧ мер у жьнед нәзәԝащеда тʹәви һәв бьжин.

• Хԝәде занә бона мәрийа чь һе баш ә. Ль гора ԛьрара Хԝәде зәԝащ әв һәйә һәләԛәтийа һәрһәйи, жь кʹижане һʹәму нәфәред мале кʹаре дьстиньн у хԝә хԝәйикьри тʹәхмин дькьн. Ԝәрен мәсәләке шеԝьр кьн. Мәсәлә ча рʹебәрийа жь нәщар али мә дькә рʹаст долапе (шкаф) тʹоп кьн, ӧса жи рʹебәрийа Хԝәде али мә дькә малбәта хԝә бәхтәԝар кьн. Чь кӧ Хԝәде дьбежә, тʹьме бона кʹара мә йә (Ишайа 48:17, 18).

• Һәләԛәтийа сексуал пешийа зәԝаща ԛануни ахьрийа хьраб тинә. Мәсәлә әв һәйә һʹәмләбуна бе хԝәстьн, нәхԝәшийед гьран у бьринед емосийали.

• Хԝәде һәләԛәтийа сексуал дайә бәнда кӧ жийина тʹәзә жь ԝан пешда бе. Бона Хԝәде жийин пироз ә у мәщала зарʹанине пʹешкʹеш ә жь ԝи. Әԝ дьхԝазә ԝәки әм әԝе пʹешкʹеше ԛимәт кьн у ԛәдьре нормед ԝи йед һьндава зәԝаще бьгьрьн (Ибрани 13:4).

Чахе хорт у ԛиз нахԝазьн щабдарийе һьлдьн сәр хԝә у пешийа зәԝаще тʹәви һәв дьжин, әԝ йәк ԝе али ԝан нәкә малбәта бәхтәԝар саз кьн. Ле бь рʹасти һәләԛәтийа дӧ мәрьва һьнге ԛәԝи дьбә, гава һәрдӧ жи һьндава һәвда амьн ьн у тʹәвайи чәтьнайа сафи дькьн. a Зәԝаща бь ԛануни һәләԛәтийа жьн-мер дьшьдинә (Мәтта 19:6).

Зәԝаща беԛьсур тʹӧнә. Ле һәрге мер у жьн принсипед Кʹьтеба Пироз дьдьнә хәбате, зәԝаща ԝан ԝе бь рʹасти бәхтәԝар бә. Жере чәнд принсип һатьнә дайине:

• Бәре пешьн дәрһәԛа һʹәԝще һәвалзәԝаще хԝә бьфькьрә (1 Корьнтʹи 7:3-5; Филипи 2:3, 4).

• Һьндава һәвда һʹьзкьрьне у ԛәдьр бьдьнә кʹьфше (Әфәси 5:25, 33).

• Гьлийе хԝә контрол кьн (Мәтʹәлок 12:18).

• Һьндава һәвда бь сәбьр бьн у зу бьбахшинә һәв (Колоси 3:13, 14).