Ль гора һʹәсабед Дәԝләтед Йәкбуйи, кʹижан кӧ нәхԝәшийава гьредайи йә, ниве ԝан мәрьва жь кʹижана һатьбу пьрскьрьне, йед кӧ 15 һʹәта 19 сали бун, секса оралива мьжул бунә. Ньвискʹарәки бь наве Шарлед Ейзам кʹьтеба хԝәда «Oral Sex Is the New Goodnight Kiss», ӧса дьбежә: «Чахе тʹәви щаһьла хәбәр дьди [дәрһәԛа секса орали], әԝана дьбежьн ԝәки ве йәкеда тьштәки хьраб тʹӧнә у нә жи һʹәсаб дькьн кӧ бь рʹасти әв секс ә».

•  Тӧ чь дьфькьри?

•  Избати чь дьдьнә кʹьфше?

•  Чьма әв йәк фәрз ә?

 Щаба ԝан пьрса бьдә:

1.   Гәло ԛиз дькарә жь секса орали һʹәмлә бьминә?

   1.   Әре

   2.   На

2.   Гәло секса орали дькарә зийане бьдә сьһʹәт-ԛәԝате?

   1.   Әре

   2.   На

3.   Гәло секса орали бь рʹасти секс ә?

   1.   Әре

   2.   На

 Щабед хԝә бәрамбәри ԝан щаба бькә:

1.   Гәло ԛиз дькарә жь секса орали һʹәмлә бьминә?

    Щаб: На. Әԝ мәʹник ә жь бо чь жи гәләк мәрьв дьфькьрьн кӧ йан чь секса орали тʹӧ зийане найнә.

2.   Гәло секса орали дькарә зийане бьдә сьһʹәт-ԛәԝате?

    Щаб: Әре. Әԝед кӧ секса оралива мьжул дьбьн, дькарьн нәхԝәш кʹәвьн бь зәрька зәр у зәрька рʹәш (һепотит А йан Б), ӧса жи әԝана дькарьн нәхԝәш кʹәвьн бь нәхԝәшийа ВИЧ (HIV), һерпес, һонорей, кондиломийа у сифилис.

3.   Гәло секса орали бь рʹасти секс ә?

    Щаб: Әре. Һʹәму кьред тʹәви органед щьнси йе мәрьвәки дьн, мәсәлә, һәләԛәтийа сексуал, секса орали у анали, у мьздана органед щьнси йе мәрьвәки дьн, әԝ һʹәму тьшт те һʹәсабе секс.

 Ԝәрә әм һьнә рʹезед жь Кʹьтеба Пироз шеԝьр кьн, кʹижан тʹема секса оралива гьредайи нә.

 Кʹьтеба Пирозда те готьне: «Хԝәстьна Хԝәде әԝ ә, кӧ һун һʹәлал бьн, жь ԛавийе дур бьн» (1 Тʹесалоники 4:3).

 Хәбәра орижинал йа кӧ һатийә ԝәлгәрʹандьне ча ԛави, те һʹәсабе һʹәму кьред сексуал, кʹижан кӧ жь зәԝаще дәр тенә кьрьне. Дькʹәвьнә нава ве йәке һәләԛәтийа сексуал, секса орали у анали, ӧса жи мьздана органед щьнси йе мәрьвәки дьн. Бенамуси йан ԛави дькарә ахьрийа хьраб пәй хԝә бинә. Ле һе хьраб әԝ ә, кӧ бәндә достийа хԝә тʹәви Хԝәде ӧнда дькә (1 Пәтрус 3:12).

 Кʹьтеба Пирозда те готьне: «Әԝе кӧ ԛавийе дькә, мьԛабьли бәдәна хԝә гӧна дькә» (1 Корьнтʹи 6:18).

 Секса орали дькарә зийана физики, рʹӧһʹани у емосийали бьдә. Кʹьтебәкеда «Talking Sex With Your Kids», ӧса те готьне: «Мәрьв дькарә хԝә нәһәԛ кә, пʹошман бә у хԝә бехԝәйи тʹәхмин кә у ӧса жи бьфькьрә кӧ бона кʹефа хԝә әԝ данә хәбате. Әԝан һәста нә тʹәне әԝ мәрьв сәр хԝә тʹәхмин дькьн, йед кӧ дькʹәвьнә һәләԛәтийа сексуалийә тʹәбийәти. Һәрге мәрьв зәԝащеда нинә, һʹәму щурʹә секс емосийед хьраб пешда тиньн. Секс дьминә секс».

 Кʹьтеба Пирозда те готьне: «Әз Йаһоԝа, Хԝәдайе тә мә, кʹижан кӧ тьштед ԛәнщ тә һин дькә» (Ишайа 48:17, ДТʹ).

 Тӧ баԝәр дьки ԝәки ԛанунед Хԝәде дәрһәԛа сексе, бь рʹасти кʹаре тәрʹа тиньн? Йан тӧ дьфькьри ԝәки әв ԛанун азайа тә синор дькьн? Бьдә бәр чʹәʹве хԝә тӧ рʹекә дьрежрʹа дьчи сәр кʹижани кӧ гәләк әʹрәбә дьчьн тен, кʹидәре кӧ нишанед бона ажотьне, синоркьрьн у ԛәдәхәкьрьна ажотьна ләз һәнә. Ча тӧ дьфькьри, әԝ нишан тә синор дькьн, йан тә хԝәй дькьн? Чь ԝе бьԛәԝьмә һәрге тӧ у ажованед дьн ԝан нишана һьлнәдьнә һʹәсаб?

 Нишанед бона рʹе әм дькарьн бәрамбәри нормед Хԝәде бькьн. Һәрге тӧ ԝана һьлнәди һʹәсаб, тӧйе ахьрийа кьред хԝә бьстини (Галати 6:7). Кʹьтебәкеда «Sex Smart», ӧса те готьне: «Чьԛас һе зедә тӧ баԝәри у ньһерʹандьна хԝә дьди алики, у ԝан тьшта дьки чь кӧ тʹәхмин дьки ԝәки әԝ нәрʹаст ьн, һаԛас тӧ чʹәʹве хԝәда беԛимәт дьби. Ле һәрге тӧ ль гора нормед Хԝәде бьжийи, тӧйе мәрьвәки нав намус би у хԝәйе исафа тʹәмьз би» (1 Пәтрус 3:16).