Çaxê bende ji civatê tê derxistinê, bi vê yekê civat tê xweykirinê û yê gunekar jî dikare xwe rast ke (1 Kr. 5:6, 11). Çaxê em vê derecêda piştgiriya safîkirina Yehowa dikin, em hizkirinê didine kifşê. Lê çi cûreyî hizkirin tê kifşê? Ne çaxê merivê meyî hizkirî ji civatê tê derxistinê, dilê me û dilê birên ji komîtêya dîwankirinê ser wî dişewite!

Ya lape ferz ew e, ku bi wê yekê em hizkirina xwe hindava navê Yehowa û normên wîyî pîroz didine kifşê (1 Pt. 1:14-16). Em usa jî hizkirina xwe hindava yê ji civatê derxistî didine kifşê. Rast e ev safîkirin dikare dilê meriya bêşîne, lê bi rastî ev “berê edilayiyê ji jiyîna rast” tîne (Îbr. 12:5, 6, 11). Hergê em berdewam kin tevî yê ji civatê derxistî yan yê ku xwexa civat hîştiye, xeber din, usa emê şixulê Yehowa pê hişê xwe bikin (Yêr. 30:11). Em hîviyê ne, wekî ew meriv wê vegerin cem Bavê meyî dilovan. Lê heta hingê em berdewam dikin piştgiriya safîkirina Yehowa bikin û her tiştî dikin ku heleqetiya xwe tevî Yehowa qewî xweyî kin (Îş. 1:16-18; 55:7).

BINIHÊRIN VÎDÊO DRAMAYÊ “BI TEMAMIYA DILÊ XWE AMINIYÊ XWEYÎ DIKIN”, Û PAŞÊ CABA WAN PIRSA BIDIN:

• Çaxê zar ji Yehowa dûr dikeve, ev yek çi êşê dê-bavara tîne?

• Civat çawa dikare piştgiriya neferên malêye amin bike?

• Kîjan serhatiya Kitêba Pîroz nîşan dike, wekî çiqas ferz e ku aminiya me Yehowara ji aminiya hindava neferên malê qewîtir be?

• Em çi cûreyî aminiya xweye hindava Yehowa ser aminiya hindava malbetêra digirin?