“Temamiya nivîsarê ji bîna ber Xwedê ye” (2 Tîmotêyo 3:16).

Hûn dikarin bistînin cabên rast li ser pirsên ferz (Metelok 2:1-5).

Rêberiya rast, seva jîyîna herrojî (Zebûr 119:105).

Gumana baş seva axiriyê (Romayî 15:4).

Belê, û seva vê yekê sê menî hene:

• Hevgirêdan. Kitêba Pîroz nava 1 600 sala zêdetir, bi destê 40 meriya hatiye nivîsandinê, û ewana cûre-cûre meriv bûn. Rast e geleka ji wana hev nas nedikirin, lê yeke temamiya Kitêba Pîrozda têmek derbaz dibe, kîjan ku hevva girêdayî ye!

• Terîxiya rast. Terîxzanên dinyayê gelek car kêmasiyên cimeta xwe vedişêrin. Lê nivîskarên Kitêba Pîroz helal û milûk bûn, ewana him derheqa şaşiyên xwe, him jî derheqa şaşiyên cimeta xwe dinivîsîn (2 Dîrok 36:15, 16; Zebûr 51:1-4).

• Pêxembertiya rast. Kitêba Pîrozda, hê 200 sal pêşiya vê yekê hatibû pêxembertîkirinê derheqa wêranbûna şeherekî kevin, dêmek Babîlon (Îşaya 13:17-22). Li wir ne ku tenê hatibû gotinê wekî çi cûreyî ev şeher wê bê wêrankirinê, lê usa jî navê wî merivî hatibû eyankirinê, yê ku gerekê ev şeher zeft kira! (Îşaya 45:1-3)

  Hene pêxembertiyên din jî, yên ku hûr bi hûr hatine sêrî. Bi rastî jî, ev hemû tişt îzbat dikin, ku ev kitêb Xebera Xwedê ye! (2 Petrûs 1:21)