Nav temamiya dinyayêda weke 70 mîlyon merivên ker hene û zêdetirî 200 zimanên ker-lala hene. Merivên ker gelek car xwe dilteng texmîn dikin. Ev yek ji kaniyên ku jêrê hatine dayînê eyan dibe:

•   “Nav temamiya dinyayêda mafê merivên ker û yên guhada giran, têne teribandinê”—National Association of the Deaf (U.S.).

•   “Hine welatên kesîbda merivên lapî feqîr, merivên ker in. Ewana nikarin înformasiyayê, xwendinê û xebata layîq bistînin”—World Federation of the Deaf.

 Nihêrandina Xwedê ser merivên ker çawa ye? Kitêba Pîrozda derheqa merivên ker çi tê gotinê? Çawa îro Şedên Yehowa alî wan dikin?

Çawa Xwedê Ser Merivên Ker Dinihêre

 Kitêba Pîroz dide kifşê, wekî Yehowa a Xwedê seva merivên ker xem dike. Ew dixwaze wekî meriv hindava wanda qenc bin û ku mecala wan hebe wekî zanebûnê derheqa Xwedê bistînin.

 Rêz: “Nifira li yê ker nekî” (Qanûna Kahîntiyê 19:14).

 Rêz: “Xwedê rastî jî firqiyê nake nava mileta” (Karên Şandiya 10:34).

 Rêz: “Îsa hemû gunda û bajara digeriya, . . . mizgîniya Padşatiyê bela dikir” (Metta 9:35).

 Rêz: “Ew [Îsa] heta kera jî dide bihîstinê û lala dide xeberdanê” (Markos 7:37).

 Rêz: “Wê gavê wê . . . guhên kera jî vebin” (Îşaya 35:5, ÎM).

 Ev çi tê hesabê: Yehowa soz da wekî merivên ker wê bibihên (Îşaya 29:18).

Çawa Şedên Yehowa Îro Alî Merivên Ker Dikin

 Şedên Yehowa nav temamiya dinyayêda mizgîniya Xwedê derheqa axiriyê merivên kerra gilî dikin. Em çi dikin seva ku ev şixul bînin sêrî? Em Kitêba Pîroz û vîdêoyên bona hînbûna Kitêba Pîroz ser 100 zimana zêdetir yên zimanên ker-lala derdixin. Em usa jî hînbûna Kitêba Pîroz û civata ser zimanên ker-lala derbaz dikin. Em ev her tişt bona merivên ku hewcê alîkariya Xwedê ne bêpere dikin. Gelo çima? Çimkî Îsa temî da: “We bêheq standiye, bêheq jî bidin” (Metta 10:8).

 Hûn dikarin wan edebyeta ji wan kaniya bi onlayn întêrnêtêda binihêrin yan jî li ser haceta xweye êlêktronîk bikişînin:

 JW.ORG. Li ser nîşana ziman bitikînin, yê ku li jora hemû rûpêlên malperê ye, seva ku binihêrin kîjan edebyet li ser zimanekî konkrêt ya ker-lala heye.

 JW Library Sign Language aplîkasiya. Evê aplîkasiyayê ser haceta xweye êlêktronîk bikişînin.

Kîjan Edebyetên bona Hînbûna Kitêba Pîroz Em Derdixin?

 Kitêba Pîroz li ser zimanê ker-lala. Nav temamiya dinyayêda Kitêba Pîroze pêşin ku bi temamî li ser zimanê ker-lala hatibû derxistinê, Kitêba Pîroze Welgerandina Dinya Teze bû ya ser zimanê ker-lala yê Amêrîkî. Kitêba Pîroze Welgerandina Dinya Teze bi temamî yan jî parên vê, niha îda li ser gelek zimanên ker-lala hatine welgerandinê. (Hûn dikarin çargoşêda “ Kitêba Pîroze Welgerandina Dinya Teze li ser Zimanê Ker-Lala” wan zimana bivînin yan jî bi onlayn Kitêba Pîroz binihêrin).

•   Binihêrin vîdêo Welgerandina Dinya Teze bi Temamî li ser Zimanê Ker-Lala yê Amêrîkî Hatiye Derxistinê û pêbihesin ku çi şixul tê kirinê seva ku Kitêba Pîroz li ser zimanê ker-lala bê derxistinê.

•   Seva ku bikaribin Kitêba Pîroz bixûnin, xwera JW Library Sign Language aplîkasiyayê bikişînin. Bi saya vê aplîkasiyayê hûnê bikaribin rêzên konkrêt ji Kitêba Pîroz li ser zimanê ker-lala bijbêrin.

•   Dmîtro û Vîta ker-lal in, lê zarên wan dikarin bibihên. Binihêrin ku ev malbet her roj ji nihêrandina Kitêba Pîroze li ser zimanê ker-lala çi karê distîne.

 Vîdêoyên ku Kitêba Pîroz hîn dikin. Şedên Yehowa vîdêoyên ser zimanê ker-lala derdixin, yên ku alî meriva dikin şîretên Kitêba Pîroz fem bikin û emirê xweda bidine xebatê, mesele bona . . .

•   Zewac û malbetê

•   Cahila

•   Zara

 Kûrsa hînbûna Kitêba Pîroz bi şexsî. Li gora dereca xwe bi saya alîkariya dersdarekî şexsî zanebûnê ji Kitêba Pîroz bistîne. Bixwaze ku tera nîşan kin ku çawa ev kûrsa hînbûna Kitêba Pîroz derbaz dibe, ya ku bêpere ye.

 Cêyson Sênahonin Fîlîpînêda dimîne. Pêbihesin ku çawa kûrsa Kitêba Pîroz alî wî kir heleqetiya baş tevî Xwedê saz ke.

 Marîo Antûnês, keşîşê dêrekî ji Hondûrasê bû. Pêbihesin ku çawa ewî karibû cabên pirsên xweye ser hîmê Kitêba Pîroz bistîne. Vê yekê ew serhatiya xweda gilî dike, navê kîjanî usa ne, “Pirsên Min Hê Zef bûn, ne ku Cab”.

 Civat û civatên mezin. Nav temamiya dinyayêda kom û civatên meye li ser zimanê ker-lala derbaz dibin. Em usa jî her sal bona lêkolîna Kitêba Pîroz civatên mezin li ser zimanê ker-lala derbaz dikin. Li ser wan civat û civatên mezin, gotar bona wan meriva jî têne welgerandinê, yên ku him kor him jî ker in, dêmek destê merivê kor û ker digirin û usa weldigerînin. Xêncî vê yekê, em bêpere edebyeta bi nivîsara Braîlê derdixin.

•   Civata nêzîkî xwe bivînin.

•   Pêbihesin ku kengê civatên meye mezin derbaz dibin.

•   Werin li ser civîna meye mexsûs, ya ku salê carekê derbaz dibe, li ser Êvara Bîranîna Mirina Îsa Mesîh.

 Xosê Lûîs Ayala Mêksîkayêda dimîne. Ev ker hate bûyînê û paşê jî kor bû. Pêbihesin ku çi alî wî kir, wekî ew bibe dersdarekî hoste ya Kitêba Pîroz.