2011ರಲ್ಲಿ ಯೆಹೋವನ ಸಾಕ್ಷಿಗಳು 5,700 ಜನರಿಗೆ ಓದಲು ಬರೆಯಲು ಕಲಿಸಿಕೊಟ್ಟರು.

ಕಳೆದ 25 ವರ್ಷಗಳಲ್ಲಿ ನಾವು 9,000ಕ್ಕೂ ಹೆಚ್ಚು ಜನರಿಗೆ ಓದಲು ಬರೆಯಲು ಕಲಿಸಿಕೊಟ್ಟಿದ್ದೇವೆ.

2002ರಿಂದ ಈಚೆಗೆ ಸುಮಾರು 12,000ದಷ್ಟು ಮಂದಿ ತಮ್ಮ ಅಕ್ಷರಜ್ಞಾನದಲ್ಲಿ ಅಭಿವೃದ್ಧಿ ಮಾಡಿದ್ದಾರೆ. 82ರ ಹರೆಯದ ಆಗ್ನೆಸ್‌ ಎಂಬವರು ಹೇಳ್ತಾರೆ: “ಸಭೆಯಲ್ಲಿ ಓದುಬರಹ ಕಲಿಸೋ ತರಗತಿಗಳು ನಡೆಯುತ್ತೆ ಅಂತ ಕೇಳ್ದಾಗ ನನಗೆ ಎಷ್ಟು ಖುಷಿಯಾಯ್ತು ಗೊತ್ತಾ? ಮೊದಲ ಪಾಠ ನನ್ನ ಹೆಸರು ಬರೆಯೋಕೆ ಹೇಳಿಕೊಟ್ಟರು!”

55ರ ಪ್ರಾಯದ ಯೆಹೋವನ ಸಾಕ್ಷಿಯೊಬ್ಬರು ಹೀಗೆ ಹೇಳ್ತಾರೆ: “ಅಪ್ಪಅಮ್ಮ ನನ್ನನ್ನು ಶಾಲೆಗೆ ಕಳಿಸಲಿಲ್ಲ. ನಾನು ಓದುಬರಹ ಕಲಿಯುತ್ತೇನೆ ಅಂತ ಕನಸುಮನಸ್ಸಲ್ಲೂ ಯೋಚಿಸಿರಲಿಲ್ಲ.”

ಕಳೆದ 15 ವರ್ಷಗಳಲ್ಲಿ ಓದುಬರಹ ಕಲಿತವರ ಸಂಖ್ಯೆ 19,000. ಫೆಲೀಜಾರ್ಡ ಎಂಬವರು ಹೇಳ್ತಾರೆ: “ನಾನೀಗ ಬೇರೆಯವರ ಹತ್ರ ಬೈಬಲ್‌ ಬಗ್ಗೆ ಮಾತಾಡುವಾಗ ನಾನೇ ಬೈಬಲ್‌ ತೆರೆದು ವಚನ ಓದ್ತೀನಿ. ಅಕ್ಷರ ಕಲಿಯೋ ಮುಂಚೆ ಇದೆಲ್ಲ ಮಾಡಕ್ಕಾಗ್ತಿರಲಿಲ್ಲ.”

ನಮ್ಮ ಬ್ರಾಂಚ್‌ ಆಫೀಸ್‌ ಹೇಳುವುದು: “ಈ ದೂರದ ದ್ವೀಪಗಳಲ್ಲಿ ಇರುವ ಎಷ್ಟೋ ಜನರಿಗೆ ಶಾಲೆಗೆ ಹೋಗುವ ಅವಕಾಶನೇ ಇರುತ್ತಿರಲಿಲ್ಲ. ಅದರಲ್ಲೂ ಬರೀ ಕೆಲವೇ ಹೆಣ್ಣು ಮಕ್ಕಳಿಗೆ ವಿದ್ಯಾಭ್ಯಾಸ ಕೊಡಿಸುತ್ತಿದ್ದರು. ಹಾಗಾಗಿ ನಾವು ನಡೆಸುವ ಈ ತರಗತಿಗಳಿಂದಾಗಿ ಮಹಿಳೆಯರಿಗೆ ಬಹಳ ಪ್ರಯೋಜನವಾಗುತ್ತಿದೆ. ಈ ಕೋರ್ಸ್‌ ಮುಗಿಯುವಾಗ ಅನೇಕರಲ್ಲಿ ಹೊಸ ಆತ್ಮವಿಶ್ವಾಸ ತುಂಬುತ್ತಿದೆ.”