ನ್ಯಾಯಸ್ಥಾಪಕರು 17:1-13
-
ಮೀಕನ ಮೂರ್ತಿಗಳು, ಅವನ ಪುರೋಹಿತ (1-13)
17 ಎಫ್ರಾಯೀಮ್‌ ಬೆಟ್ಟದ ಪ್ರದೇಶದಲ್ಲಿ+ ಮೀಕ ಅನ್ನೋ ಒಬ್ಬ ಮನುಷ್ಯ ಇದ್ದ.
2 ಅವನು ತನ್ನ ತಾಯಿಗೆ “ನಿನಗೆ ನೆನಪಿದ್ಯಾ, ಯಾರೋ ನಿನ್ನಿಂದ 1,100 ಬೆಳ್ಳಿ ಶೆಕೆಲ್‌ನ ಕದ್ದಿದ್ರು. ಕದ್ದವ್ರ ಮೇಲೆ ನೀನು ಶಾಪ ಹಾಕಿದ್ದೆ. ನಾನು ಕೇಳಿಸ್ಕೊಂಡೆ. ಇಲ್ಲಿ ನೋಡು! ಆ ಬೆಳ್ಳಿ ನನ್ನ ಹತ್ರನೇ ಇದೆ. ಅದನ್ನ ಕದ್ದಿದ್ದು ನಾನೇ” ಅಂದ. ಅದಕ್ಕೆ ಅವನ ತಾಯಿ “ಯೆಹೋವ ನನ್ನ ಮಗನನ್ನ ಆಶೀರ್ವಾದ ಮಾಡ್ಲಿ” ಅಂದಳು.
3 ಆಗ ಅವನು 1,100 ಬೆಳ್ಳಿ ಶೆಕೆಲ್‌ನ ತಾಯಿಗೆ ವಾಪಸ್‌ ಕೊಟ್ಟ. ಆದ್ರೆ ಅವನ ತಾಯಿ “ಈ ಬೆಳ್ಳಿನ ನನ್ನ ಕೈಯಾರೆ ಯೆಹೋವನಿಗೆ ಕೊಡ್ತೀನಿ. ಇದ್ರಿಂದ ನೀನು ನಿನಗಾಗಿ ಒಂದು ಕೆತ್ತಿದ ಮೂರ್ತಿ ಮತ್ತೆ ಒಂದು ಲೋಹದ ಮೂರ್ತಿ* ಮಾಡಿಸ್ಕೊಬೇಕು ಅನ್ನೋದು ನನ್ನಾಸೆ.+ ಆಗ ಈ ಬೆಳ್ಳಿ ನಿಂದಾಗುತ್ತೆ” ಅಂದಳು.
4 ಬೆಳ್ಳಿ ಸಿಕ್ಕ ತಕ್ಷಣ ಮೀಕನ ತಾಯಿ ಅದ್ರಿಂದ 200 ಬೆಳ್ಳಿ ಶೆಕೆಲ್‌ ತಗೊಂಡು ಮೂರ್ತಿ ಮಾಡೋರಿಗೆ ಕೊಟ್ಟಳು. ಅದ್ರಿಂದ ಒಂದು ಕೆತ್ತಿದ ಮೂರ್ತಿ, ಒಂದು ಲೋಹದ ಮೂರ್ತಿ ಮಾಡಿದ. ಅದನ್ನ ಮೀಕನ ಮನೇಲಿ ಇಟ್ರು.
5 ಮೀಕ ಒಂದು ಗುಡಿ ಕಟ್ಟಿಸಿದ್ದ. ಒಂದು ಏಫೋದನ್ನ,+ ಮನೆದೇವರುಗಳ ಮೂರ್ತಿಗಳನ್ನ+ ತಯಾರಿಸಿ ಅದ್ರಲ್ಲಿಟ್ಟ. ತನಗೋಸ್ಕರ ಪುರೋಹಿತನಾಗಿ ಸೇವೆ ಮಾಡೋಕೆ ತನ್ನ ಮಕ್ಕಳಲ್ಲಿ ಒಬ್ಬನನ್ನ ನೇಮಿಸಿದ.+
6 ಆ ಕಾಲದಲ್ಲಿ ಇಸ್ರಾಯೇಲ್ಯರಿಗೆ ರಾಜ ಇರಲಿಲ್ಲ.+ ಪ್ರತಿಯೊಬ್ರೂ ತಮಗೆ ಸರಿ ಅನ್ಸಿದ್ದನ್ನ ಮಾಡ್ತಿದ್ರು.+
7 ಆಗ ಯೆಹೂದದ ಬೆತ್ಲೆಹೇಮಲ್ಲಿ+ ಲೇವಿ ಕುಲದ ಒಬ್ಬ ಯುವಕ ಇದ್ದ.+ ಸ್ವಲ್ಪ ಕಾಲ ಅವನು ಯೆಹೂದದಲ್ಲಿದ್ದ.
8 ಆಮೇಲೆ ಯೆಹೂದದ ಬೆತ್ಲೆಹೇಮನ್ನ ಬಿಟ್ಟು ಬೇರೆ ಜಾಗ ಹುಡುಕ್ತಾ ಹೋದ. ಹೀಗೆ ಅವನು ಪ್ರಯಾಣಿಸ್ತಾ ಎಫ್ರಾಯೀಮಿನ ಬೆಟ್ಟ ಪ್ರದೇಶಕ್ಕೆ ಬಂದಾಗ ಅವನಿಗೆ ಮೀಕನ+ ಮನೆ ಸಿಕ್ತು.
9 ಆಗ ಮೀಕ “ನೀನು ಎಲ್ಲಿಂದ ಬರ್ತಾ ಇದ್ದೀಯಾ?” ಅಂತ ಕೇಳಿದಾಗ “ನಾನು ಯೆಹೂದದ ಬೆತ್ಲೆಹೇಮಿಂದ ಬರ್ತಿದ್ದೀನಿ. ನಾನೊಬ್ಬ ಲೇವಿ. ಇರೋಕೆ ಒಂದು ಜಾಗ ಹುಡುಕ್ತಾ ಇದ್ದೀನಿ” ಅಂದ.
10 ಅದಕ್ಕೆ ಮೀಕ ಅವನಿಗೆ “ನನ್ನ ಜೊತೆನೇ ಇದ್ದು ನನಗೆ ಸಲಹೆಗಾರನಾಗಿ,* ಪುರೋಹಿತನಾಗಿ ಸೇವೆಮಾಡು. ನಿನಗೆ ಊಟ, ಒಂದು ಜೊತೆ ಬಟ್ಟೆ, ವರ್ಷಕ್ಕೆ 10 ಬೆಳ್ಳಿ ಶೆಕೆಲ್‌ ಕೊಡ್ತೀನಿ” ಅಂದ. ಆಗ ಆ ಲೇವಿ ಒಳಗೆ ಹೋದ.
11 ಹೀಗೆ ಆ ಲೇವಿ ಮೀಕನ ಜೊತೆ ಇರೋಕೆ ಒಪ್ಕೊಂಡ. ಮೀಕ ಆ ಯುವಕನನ್ನ ತನ್ನ ಸ್ವಂತ ಮಗನ ತರ ನೋಡ್ಕೊಂಡ.
12 ಆ ಲೇವಿನ ತನಗೋಸ್ಕರ ಪುರೋಹಿತನಾಗಿ ಸೇವೆ ಮಾಡೋಕೆ ನೇಮಿಸಿದ.+ ಅವನು ಮೀಕನ ಜೊತೆನೇ ಇದ್ದ.
13 ಆಗ ಮೀಕ “ಈಗ ಯೆಹೋವ ನನಗೆ ಖಂಡಿತ ಒಳ್ಳೇದನ್ನ ಮಾಡ್ತಾನೆ. ಯಾಕಂದ್ರೆ ಒಬ್ಬ ಲೇವಿ ನನ್ನ ಪುರೋಹಿತ ಆಗಿದ್ದಾನೆ” ಅಂದ.
