On Lal Solomon 3:1-11
3 Fong nukewa ke nga oan fin mwe oan kiuk uh
Nga nunkal su nga lungse yohk;
Nga sokol, ac tia ku in konalak.
2 Nga ac tukakek ac som forfor in siti uh;
Nga ac fahsr sasla inkanek nukewa
Ac sokol su nga lungse yohk.
Na nga sokol, ac tia ku in konalak.
3 Mwet topang su forfor taran siti uh elos liyeyuyak.
Na nga siyuk selos, “Kowos tiana liye kawuk se luk ah?”
4 Nga tufahna som lukelos, na nga konalak.
Nga sruokilya ac tia lungse fuhlella
Nwe ke na nga pwanulla nu in lohm sin nina kiuk,
Nu infukil se na nga tuh isusla we.
5 Mutan Jerusalem, kowos in wulema nu sik
Ke inen kosro mui ac kato inima uh,
Lah kowos fah tia lusrong pacl in pwar lasr uh.
On Soko Aktolkwe
Verse Lun Mutan Se
6 Mea se fosryak yen mwesis uh me, oana sru in kulasr soko,
Ac keng fohlo oana foulin myrrh ac franku
Ma mwet kuka uh kukakin?
7 Solomon el a tuku ingo—utuk na el fin mwe muta lal uh;
Mwet mweun onngoul pa atlol tuku.
Elos pa solse ma ku oemeet inmasrlon mwet mweun lun Israel.
8 Elos nukewa pisrla ke orekmakinyen cutlass;
Elos mwet na pah ke mweun uh.
Kais sie selos us cutlass natul,
Akola na nu ke kutena mwe lokoalok ma ac sikyak ke fong.
9 Utuk Tokosra Solomon fin sie mwe muta fulat,
Su orekla ke sak ma wo oemeet Lebanon.
10 Kosrusru kac uh nukla ke silver,
Ac nuknuk akul uh ke gold oan fac.
Ma loeyen mwe muta uh nukla ke nuknuk sroninmutuk,
Su tutalla arulana wo sin mutan Jerusalem.
11 Mutan in Zion, fahsru liyel Tokosra Solomon.
El sunya tefuro se su nina kial tuh oakiya fin sifal
Ke len in marut lal,
Ke len in engan ac pwar lal.
