Psalm 23:1-6
[Psalm lal David]
Mwet Shepherd Mutal Lasr
23 LEUM GOD El mwet shepherd luk;
Wanginna ma nga ac kena kac.
2 El oru nga in ona in ima folfol insroa;
El kolyula nu sisken kof mihs.*
3 El akkeyala ngunik.
El kolyu inkanek suwoswos ke Inel.*
4 Nga finne fufahsryesr infahlfal lun ngunin misa
Nga ac fah tia sangeng ke kutena ma koluk;
Tuh kom wiyu.
Sak lom ac sikal* lom akwoyeyu.
5 Kom akoo sie tepu nu sik
Ye mutun mwet lokoalok luk.
Kom mosrwela sifuk ke oil;
Cup luk kahkla.
6 Pwaye wo ac lungkulang fah wiyu in len nukewa in moul luk;
Ac nga ac fah muta in lohm sin LEUM GOD ma pahtpat.
Footnotes
^ Fwack 7:17
^ ke Inel: in oana El wulela.
^ sak ... sikal: sak in puok kosro sulallal; sikal in pwen sheep uh.
