Psalm 54:1-7
[Psalm lal David tukun mwet tuku Ziph me nu yorol Saul a fahk nu sel la David el wikwik oan in acn selos.]
Sie Pre Ke Molela Liki Mwet Lokoalok*
54 O God, moliyula ke ku lom;
Aksukosokyeyu ke ku lulap lom!
2 Lohng pre luk, O God;
Porongo kas luk.
3 Mwet inse fulat elos tuku in lainyu,
Ac mwet sulallal elos srike in uniyuwi—
Mwet su tia akfulatye God.
4 Tusruk God El mwet kasru luk.
Leum El mwe loango luk.
5 Lela tuh God Elan lain mwet lokoalok luk ke ma koluk lalos sifacna.
El ac fah kunauselosla mweyen El oaru.
6 Nga ac fah engan in oru mwe kisa nu sum, O LEUM GOD;
Nga fah sot kulo nu sum
Mweyen kom wo.
7 Tuh kom moliyula liki ongoiya luk nukewa,
Ac nga liye ke mwet lokoalok luk elos kutangyukla.
Footnotes
^ Sifa 1 Sam 23:19; 26:1
