Oacna ke toeni nuhkewa luhn congregation, toeni nuhke orekma in fahkwack, pa oakwuck wo sin Jeova ma ac kahsre kuht in ahkkweye sie sin sie ke luhngse ac orekma wo. (Heb. 10:24, 25) Lusen toeni se inge enenuh in oasr ke minit lihmekohsr nuhke itkohsr, wekuhnacng in oraclah oakwuck nuh sin u, in pakiyac territory, ac puhruhe. (Fin ma inge orek tukun miting luhn congregation, enenuh in fototo liki pacna.) Mwet kol el enenuh in ahkolah mwe sramsram na wo ma ac kahsruh na pwacye mwet lili suc ac fah wi ke orekma in fahkwack in lwen sacn. Ke sie mwe puhpuhlyuck, ke Saturday ma inkaiyen mwet lili tiac wi ke wik tari ac, sahp ac wo in sramsramkihn na ma kuht kuh in fahk nuh sin mwet in lohm uh. Meac kuhtuh pac sifac sahyac ma wo in ahkuhtweyucki?

• Sie pa kahs in kahsruh nuhke mwe sramsram ma oasr ke Moul in Christian ac Orekma in Luti Lasr uh

• Orekmakihnyuck fuhkah sie ma sikyak in pacl inge kuh news report in sramtwacack sie mwe sramsram

• Ac topukyucklac fuhkah sie kahs in lain ma kwacna orek

• Ac topukyucklac fuhkah nuh sin sie mwet suc tiac luhlahlfongi ke God, sie suc luhlahlfongi ke evolution, sie suc kahskahskihn kahs sahyac, kuh sie suc wi ke alu ma suhkwac oasr ke territory lom uh

• Orekmakihnyuck fuhkah sie feature ke jw.org website, JW Library^® app, kuh Bible

• Orekmakihnyuck fuhkah sie sin mwe rit kuh video ma oasr ke Teaching Toolbox

• Ac fuhkah in wi nuhke orekma in fahkwack, oacna in sang ma loh ke telefon, suhmuhslah lwacta, sang ma loh ke acn ma puhkantwen mwet we, sifwil fohlohk nuh yurin mwet, kuh lutlut Bible

• Kahs in acsmakihn nuhke karihngihn moul, ikihl kuh ahkfalye oakwuck lasr uh, ohiyac wo, kuh kuhtuh pac ma sahyac

• Sie mwe lutlut kuh sie video ke mwe rit se inge Kwacfeacng in Ahkwoye Inkacnek Lom in Rit ac Luti

• Fuhkah in ahkkweye ac kahsruh mwet lili suc wi kom ke orekma in fahkwack

• Sie ma suhmuhslah ma kuhpahsr nuhke orekma in fahkwack kuh sie experience na wo ke orekma in luti