Kuht arlacna engan ke sie brochure ac puk sasuc ma kuht kuh in orekmakihn in lutlut Bible! Kuht puhruhe nuh sin Jeova in ahkinsewowoye kwacfeacng lasr in oruh mwet tuhma lutlut pucspucs. (Mt. 28:18-20; 1Cor. 3:6-9) Kuht ac orekmakihn fuhkah mwe rit sasuc inge?

Ke srihpen puk se inge Engankihn Moul Ma Pahtpaht! ahkkahlwemye inkacnek in luti sasuc, kom in ukwe oakwuck wo inge ke kom ahkolah ac oruh lutlut Bible nuh sin mwet. *

• Riti mwe lutlut se, ac siyuck kihsen siyuck uh

• Riti ma suhmuhslah ma enenuh in “rit,” ac kahsruh mwet lutlut se in kahlwem lah fuhkah in orekmakihn ma inge

• Sritaclkihn ac sramsramkihn video uh, orekmakihn kihsen siyuck ma ahkkahlwemyeyuck

• Srihke in lutlutkihn kais sie mwe lutlut ke kais sie pacl in lutlut

Ke orekma in luti, ahkkahlwemye meet an brochure in liyeyuck luhpan luhngse luhn mwet in lutlut. (Liye pohk se inge “ Ac Fah Kihtakatlah Fuhkah Brochure se inge Engankihn Moul Ma Pahtpaht! ke Ohsun Se Meet” ke sra 16.) Kom ac mwet lutlut se lom an fin lutlutkihn tari brochure se inge, ac el luhngse in tahfwelah na in lutlut, sang puk sacn ac muhtwacwacack ke mwe lutlut 04. Kom fin muhtwacwacack tari in lutlut nuh sin sie mwet orekmakihn puk inge Baibel el Luti kuh Luhngse luhn God, kom kuh in ekuhllah nuhke puk se inge Engankihn Moul Ma Pahtpaht! ac liye lah piyac sapta se kom kuh in muhtwacwacack kac an.

LIYE VIDEO SE INGE WELCOME TO YOUR BIBLE STUDY, AC TOHKOHYANG TOHPOHKLAH KIHSEN SIYUCK INGE:

• Meac mwet lutlut sacn ac fah lotwelah ke puk sasuc se inge?

• Efuh kom enenuh in ahkkahlwemye video se inge nuh sin mwet lutlut sasuc se?

• Finsrak fuhkah kom ac ahkkweye mwet lutlut lom in oakiyac ac sun?—Liye chart se inge “ Mwe Lutlut Yohk ac Ma Kuh In Orek Ke Kais Sie Section” ke sra 16