Meac mwe sang se ma wo emeet kom in sang nuh sin tuhlihk nuhtum uh? Arlac puhkantwen ma eltahl enenuh oacna luhngse, kahsruh, ac karihngihnyuck lom. Tuhsruhktuh, mwe sang se ma sacohk emeet ma kom kuh in sang nuh seltahl uh pa etwacack kacl Jeova ac ma pwacye suc oasr ke Bible. (John 17:3) Kain in etwacack inge ac kuh in kahsruh tuhlihk nuhtum an in luhngse Jeova. Ac kahsrel pac in ke kuhlacnsapuh Jeova ke insiacl kewa, el finne srackna srihk.​—Matthew 21:16.

Pahpah ac ninac pucspucs eltahl konwacack lah tuhlihk srihsrihk uh luhngse lohng, yohk na ke fototo mwe lutlut uh. Pwacnacng kuht arlac engan in oraclah mwe rit se inge, Mwe Lutlut Luhk Ke Bible. Kais sie mwe lutlut kac uh oreklac kom in luti tuhlihk nuhtum an ke inkacnek ma fihsracsr nuh seltahl in kahlwem kac. Petsac ac kahs nuhkewa kac uh oreklac na nuh sin tuhlihk srihsrihk, suc matwacltahl oasr ke yac tolu nuh ten. Oasr kahs in kahsruh ke kais sie mwe lutlut nuh sin pahpah ac ninac. Puk se inge, Mwe Lutlut Luhk Ke Bible tiac mwe sritacl se nuh sin tuhlihk nuhtum an. Tuh, oreklac kom in wi tuhlihk nuhtum an riti ac ma in kahsre komtacl in sramsram nuh sin sie sin sie.

Kuht etuh na pwacye lah mwe rit se inge ac kahsre kom in luti tuhlihk nuhtum an ma pwacye ke Bible ke pacl se el kapkapack, ahok muhtwacwack ke el “tuhlihk me.”​—Luo Timothy 3:14, 15.

Mwet lili wiyom,

Un Mwet Elder suc Karihngihn Congregation Nuhkewa Fin Facluh Nohfohn