MWE LUTLUT 09

Kaluckyang Nuh Yurin God ke Inkacnek luhn Puhruhe

PLAY

Yac oasr pacl kom suk ke kahs in kahsruh nuhke moul lom? Yac oasr kihsen siyuck yohk lom ma kom luhngse in topukyucklac? Yac kom enenuh mwe ahkwoye nuhke ma upac lom? Yac kom luhngse in fototoyang nuh sin Jeova? Puhruhe uh kuh in kahsre kom. Tuhsruhktuh, meac inkacnek wo in puhruhe? Yac God el lohng puhruhe nuhkewa? Meac kom kuh in oruh tuh God el ac lohng ke puhruhe lom an? Kuht in ahkutweyac.

1. Nuh sin suc kuht enenuh in puhruhe, ac meac kuht kuh in puhruhe kac?

Jesus el luti lah kuht enenuh in puhruhe nuh sin Pahpah tuhmwacl muhkwena. Jesus el puhruhe nuh sin Jeova. El fahk: “Ke ma inge kowos puhruhe ohinge: ‘Pahpah tuhmwacsr suc inkuhsrao . . . ’” (Matthew 6:9) Ke kuht puhruhe nuh sin Jeova, kuht ahkkweye fototo lasr nuh sel.

Ke kuht puhruhe, kuht kuh in siyuck ke ma nuhkewa. Tuhsruhktuh, tuh God elan lohng puhruhe lasr inge, ma inge enenuh in fal nuhke ma luhngse lal. Bible uh fahk: “El lohng kuht ke kuht siyuck sel ke kuhtwena ma suc fal nuhke ma luhngse lal.” (1 John 5:14) Jesus el ahkkahlwemye ma ma kuht kuh in siyuck ke puhruhe. (Riti Matthew 6:9-13, BMK.) Sahyen in puhruhe nuhke mwe elyah lasr sifacna, kuht enenuh pac in sang kuloh nuh sin God ke ma nuhkewa el acse nuh sesr. Ac kuht kuh pac in puhruhe elan kahsruh mwet sahyac.

2. Kuht enenuh in puhruhe fuhkah?

Bible uh ahkkweye kuht in “fahkwacng ma oan ke insiacsr” nuh sin God. (Psalm 62:8, NW) Pwacnacng, puhruhe lasr uh enenuh in ma tuhkuh ke insiacsr. Kuht kuh in puhruhe ke puhsra yohk kuh wacngihn puhsra, ac ke kuhtwena luhmah kuh ohiyac ma ahkkahlwemye suhnak nuh sin Jeova. Kuht kuh in puhruhe ke pacl nuhkewa ac acn nuhkewa.

3. God el topuk puhruhe lasr uh fuhkah?

El tohpohklah puhruhe uh ke inkacnek pucspucs. Jeova el orekmakihn Kahs lal, Bible, in tohpohklah kihsen siyuck lasr uh. In rit Kahs luhn God ac kuh in “sang lahlmwetmwet nuh sin mwet nihkihn.” (Psalm 19:7; riti James 1:5.) El kuh in acse nuh sesr inse mislac ke kuht sun ma upac. Ac el kuh in mokle mwet lal uh in kahsre kuht ke pacl kuht enenuh ma inge.

AHKYOHKYE LUTLUT LOM

Tuni lah fuhkah kom kuh in puhruhe ke sie inkacnek ma ahkinsewowoye God. Ac liye lah fuhkah puhruhe uh kuh in kahsre kom.

4. Puhruhe ma God el lohng

Kuht ac etuh fuhkah fin God el lohng puhruhe lasr uh? Liye VIDEO se.

VIDEO: Does God Listen to All Prayers?—Excerpt (2:42)

Jeova el luhngse kuht in puhruhe nuh sel. Riti Psalm 65:2, ac tohkohyang sramsramkihn kihsen siyuck inge:

Kom nuhnkuh muh God suc “Topuk puhruhe” el luhngse kom in puhruhe nuh sel? Efuh kom tohpohklah ohingacn?

Kuht fin luhngse God elan lohng puhruhe lasr uh, kuht enenuh in moulkihn moul fal nuhke oakwuck suwohswohs lal uh. Riti Micah 3:4 ac 1 Peter 3:12, ac tohkohyang sramsramkihn kihsen siyuck se inge:

Kuht etuh fuhkah na pwacye lah Jeova el ac lohng puhruhe lasr uh?

Ke pacl in mweun, kewana u ma wi kac uh puhruhe nuhke kuhtanglah. Yac fal in luhlahlfongi muh God el ac tohpohklah puhruhe inge?

5. Puhruhe lasr uh enenuh in tuhkuh ke insiacsr

Lutiyuck nuh sin mwet uh muh eltahl kuh in kalweni puhruhe lalos orekmakihn oacna sie kahs. Tuhsruhktuh, yac pa inge ohiyac ma God el luhngse kuht in puhruhe nuh sel? Riti Matthew 6:7, ac tohkohyang sramsramkihn kihsen siyuck se inge:

Kuht kuh in taran fuhkah kuht in tiacna kalweni “kahs pucspucs” ke pacl nuhkewa ke puhruhe lasr uh?

Kais sie lwen, nuhnkuh ke sie mwe insewowo ma kom eis, ac sang kuloh nuh sin Jeova kac. Oruh ma inge lwen nuhkewa ke lusen wik se, tuh ma kom ac fah ahkkahlwemye ke puhruhe lom ac tiac oacna sie.

Sie pahpah wo el luhngse tuhlihk nahtuhl in fahkwack nuh sel ma el puhla na pwacye. Ke inkacnek oacpacna, Jeova el luhngse kuht in fahk ma tuhkuh ke insiacsr ke kuht puhruhe nuh sel

6. Puhruhe uh mwe sang sin God me

Puhruhe uh kuh in kahsre kuht fuhkah, yohkna ke pacl kuht sun ma upac? Liye VIDEO se.

VIDEO: Prayer Helps Us to Cope (1:32)

Bible uh wuhlelah lah puhruhe uh kuh in kahsre kuht in oasr nuhnak ac inse mislac. Riti Philippi 4:6, 7, ac tohkohyang sramsramkihn kihsen siyuck inge:

Finne puhruhe uh tiacna eislah ma upac lasr uh pacl nuhkewa, tuhsruhktuh ma inge kahsre kuht fuhkah?
Meac kuhtuh ma kom luhngse in fahk ke puhruhe lom?

Yac kom etuh?

Kahs se inge “amen” kalmackihn “lwelah ma inge in orek” kuh “in ohinge.” Muhtwacwacack in pacl luhn Bible, mwet uh fahk “amen” ke sahflahiyen puhruhe uh.—1 Chronicle 16:36.

7. Oraclah pacl in puhruhe

Kuhtuh pacl uh, ke srihpen kuht arlacna kahfofo kuht muhlkuhnlah in puhruhe. Fuhkah sacohkiyen puhruhe nuh sel Jesus? Riti Matthew 14:23 ac Mark 1:35, ac tohkohyang sramsramkihn kihsen siyuck inge: