MWE LUTLUT 47

Yac Kom Ahkolah Tari in Eis Bacptais?

PLAY

Kom lotwelah ma pucspucs kacl Jeova ke kom wi lutlut Bible. Sahp, kom orekmakihn ma kom lotwelah ac ekuhllah ohiyac pucspucs ke moul lom. Tuhsruhktuh, sahp oasr ma tulokihnkowi in wuhlelah moul lom nuh sin Jeova ac eis bacptais. Mwe lutlut se inge ac fah sramsramkihnyuck kuhtuh ma ma kuh in tulokihnkowi in eis bacptais ac kom ac kuhtanglah fuhkah ma inge.

1. Luhpahkah etwacack kom enenuh in etuh meet liki na kom eis bacptais?

Tuh kom in eis bacptais, kom enenuh in eis etwacack suwohs “ke ma pwacye.” (1 Timothy 2:4) Tiac kalmac pa kom enenuh in etuh top nuhke kihsen siyuck nuhkewa ke Bible meet liki kom eis bacptais. Mweyen finne mwet Christian suc bacptais tari ke pacl loes elos tahfwelah pac in lutlut ke Bible. (Colossae 1:9, 10) Tuhsruhktuh, kom enenuh in kahlwem ke mwe luti yohk srihpac luhn Bible. Kom fin tiac etuh fin fal tari luhpan etwacack lom, mwet elder ke congregation kuh in kahsre kom.

2. Meac kom enenuh in oruh meet liki kom eis bacptais?

Meet liki kom eis bacptais, kom enenuh in “auliyak ac forlah.” (Riti Orekma 3:19.) Kalmen ma inge pa kom enenuh in auliyak ke ma koluk kom oraclah meet, ac kom ac siyuck sin Jeova elan nuhnak muhnahs nuh sum. Kom oruh ke kuhiyom in moulkihn moul ke inkacnek ma ahkinsewowoye God ac tiac oruh ma el sruhnga. Sahyen ma inge, kom ac fah wi ke orekma luhn congregation oacna in wi ke miting ac fahkwack pweng wo oacna sie mwet lili suc soenna bacptais.

3. Efuh kom in tiac lwelah sahngweng lom in tulokihnkowi?

Kuhtuh sahngweng muh elos ac tiac ahkpwacyeye ma elos wuhlelah nuh sin Jeova. Pwacye, oasr pacl kom ac tahfonglac. Ma inge sikyak pac nuh sin mwet kuhlwacnsap oaru luhn Jeova in pacl luhn Bible. Tuhsruhktuh, Jeova el etuh lah mwet lal uh tiac suwohswohs. (Riti Psalm 103:13, 14.) El engan in liye lah kom kwacfeacng in oruh ma wo emeet lom, ac el fah kahsre kom. Pwacye, Jeova el ahkpwacyeye lah wacngihn kuhtwena ma “kuh in srikuhtlac liki luhngse [lal].”—Riti Rome 8:38, 39.

AHKYOHKYE LUTLUT LOM

Lotwelah lah kom ac kuhtanglah fuhkah liki kuhtwena ma ac tulokihnkowi in eis bacptais, ke kom ahkyohkye etwacack lom kacl Jeova ac ke kom eis kahsruh lal.

4. Ahkyohkye etwacack lom kacl Jeova

Luhpahkah etwacack lom kacl Jeova meet liki kom bacptais? Kom enenuh in etwacl na pwacye tuh kom kuh in luhngse Jeova ac etwacack lom inge ac mokle kom in ahkinsewowoyacl. Liye VIDEO se tuh kom in liye lah fuhkah mwet lutlut Bible fin facluh nohfohn oruh ma inge. Tohkohyang sramsramkihn kihsen siyuck se inge.

VIDEO: The Road to Baptism (3:56)

Ke video an, meac kahsruh kuhtuh mwet lutlut Bible in ahkoeltahllah nuhke bacptais?

Riti Rome 12:2, ac tohkohyang sramsramkihn kihsen siyuck inge:

Yac oasr nuhnak in ahlohloh lom ke kuhtuh mwe luti luhn Bible, kuh fin Mwet Loh luhn Jeova luti ke ma pwacye?
Fin oasr, meac kom kuh in oruh?

5. Kuhtanglah liki ma ac kuh in tulokihnkowi in eis bacptais

Ke pacl se ma kuht sulaclah in wuhlelah moul lasr nuh sin Jeova ac eis bacptais, oasr ma upac ma kuht sun. In liye sie mwe srihkasrak, liye VIDEO se, ac tohkohyang sramsramkihn kihsen siyuck inge.

VIDEO: Love for Jehovah Conquers Obstacles (5:22)

Ke video an, mwe kutong fuhkah Narangerel enenuh in kuhtanglah elan kuhlwacnsap nuh sin Jeova?
Luhngse lal nuh sin Jeova kahsrel fuhkah in kuhtanglah mwe kutong ma el sun?

Riti Soakas 29:25 ac 2 Timothy 1:7, ac tohkohyang sramsramkihn kihsen siyuck se inge:

Meac kuh in acse puhlaik nuh sesr in kuhtanglah mwe kutong?

6. Luhlahlfongi ke kahsruh luhn Jeova

Jeova elac kahsre kom in ahkinsewowoyacl. Liye VIDEO se, ac tohkohyang sramsramkihn kihsen siyuck inge.

VIDEO: Jehovah God Will Help You (2:50)

Ke video an, meac kutongyac sie mwet lutlut Bible in eis bacptais?
Meac el lotwelah ma ahkkweye luhlahlfongi lal nuh sin Jeova?

Riti Isaiah 41:10, 13, ac tohkohyang sramsramkihn kihsen siyuck se inge:

Efuh kom luhlahlfongi muh kom ac ahkpwacyeye ma kom fahk ke pacl se kom wuhlelah moul lom nuh sin Jeova?

7. Ahkyohkye srui lom nuhke luhngse luhn Jeova

Ke kom nuhnkuh yohk ke luhpan luhngse luhn Jeova nuh sum, kom ac sang kuloh nuh sel ac kom luhngse in kuhlwacnsuhpwacl ma pahtpaht. Riti Psalm 40:5, ac tohkohyang sramsramkihn kihsen siyuck se inge:

Mwe insewowo luhn Jeova fuhkah kom srui na pwacye?

Mwet pahluh Jeremiah el luhngse Jeova ac kahs lal, ac el ahksacohkye na pwacye kunohkohn in kuhlwacnsuhpuh Jeova. El fahk: “Kahs lom sie mwe engan nuh sihk ac mwe insewowo nuh insiuck, tuh nga pahngohnyuck ke Em, O Jeova.” (Jeremiah 15:16, BMK) Tohpohklah kihsen siyuck inge: