MWE LUTLUT 50
Sucu Lom Kuh In Insewowo Fuhkah?—Ip Ahk 2
Tuhlihk uh mwe sang sin Jeova. El luhngse pahpah ac ninac elos in karihngihn mwe sang se inge. Pwacnacng, Jeova el acse kahs in kahsruh in kahsruh pahpah ac ninac in oruh ma inge. Kahs in kahsruh Lal inge kuh in kahsruh pac tuhlihk in oasr insewowo ke moul in sucu lalos.
1. Kahs in kahsruh fuhkah Jeova el sang nuh sin pahpah ac ninac?
Jeova el luhngse pahpah ac ninac in luhngse ac in sislah pacl yohk lalos nuh sin tuhlihk nahtuhlos. El luhngse pac pahpah ac ninac in karuhnguhnuhlos liki mwe sensen ac orekmakihn oakwuck wowo luhn Bible ke elos sang ahkpah nuh selos. (Soakas 1:8) El sapkihn pahpah nuhkewa: “Kowos in kaelos ac lotwelos elos in kapkapwack ke ohiyac luhn mwet luhlahlfongi.” (Riti Ephesus 6:4.) Jeova el insewowo fin pahpah ac ninac ahkos kahs in kahsruh lal in tuhfahlah tuhlihk nahtuhlos ac tiac mwet sahyac pa oruh kunohkohn na wo se inge.
2. Kahs in kahsruh fuhkah Jeova el sang nuh sin tuhlihk uh?
Jeova el sapkihn nuh sin tuhlihk: “Kowos in ahkos pahpah tomowos ac ninac kiowos pacl nuhkewa.” (Riti Colossae 3:20.) Ke tuhlihk uh ahkkahlwemye suhnak ac ahkos pahpah ac ninac kiyaclos, elos oruh Jeova, pahpah ac ninac kiyaclos in engan. (Soakas 23:22-25) Ke pacl se ma Jesus el tuhlihk srihsrihk, el ahkkahlwemye mwe srihkasrak wo nuh sin tuhlihk uh. El finne mwet suwohswohs ac pahpah ac ninac kiyacl tiacna, el ahkos ac suhnakuhnuhlos.—Luke 2:51, 52.
3. Sucu lom kuh in fototo fuhkah nuh sin God?
Wacngihn ahlohloh kac lah kom luhngse tuhlihk nuhtum an in luhngse Jeova oacna luhngse lom nuh sel. Kom ac oruh fuhkah ma inge? Ke kom oruh ma Bible uh fahk inge: “Luti kahs [luhn Jeova] inge nuh sin tuhlihk nuhtum. Alken in luti pacl kom oasr in lohm sum, pacl kom fuhfahsryucsr.” (Deuteronomy 6:7) Pwacye lah, ke pacl ma oasr ma kom luti nuh sin tuhlihk nuhtum, kom kalweni ma inge ke pacl puhs tuh elos in kaliyac. Pasis, fuhs se inge fahk nuh sum lah kom in suk pacl wowo lwen nuhkewa in luti tuhlihk nuhtum kacl Jeova. Wo in oasr pacl luhn sucu lom ke kais sie wik in tuhkweni lutlut ac alu nuh sin Jeova. Finne wacngihn tuhlihk nuhtuwos, ac wo nuh suwohs in sislah pacl ke kais sie wik in lutlutkihn Kahs luhn God.
AHKYOHKYE LUTLUT LOM
Nuhnkuh ahkwoyac ke ma kom kuh in oruh in kahsruh sucu lom in insewowo ac engankihn moul wowo.
4. Ahkpahye tuhlihk nuhtum ke luhngse
Tiac fihsracsr in sang ahkpah nuh sin tuhlihk uh. Bible uh kuh in kahsre kom fuhkah? Riti James 1:19, 20, ac tohkohyang sramsramkihn kihsen siyuck inge:
-
Pahpah ac ninac ac ahkkahlwemye fuhkah lah elos luhngse tuhlihk nahtuhlos ke elos sramsram nuh selos?
-
Ke pacl ma pahpah se kuh ninac se sang kai nuh sin tuhlihk nahtuhl, efuh kuh elos tiac enenuh in kasrkuhsrak? a
5. Loangelah tuhlihk nuhtum
In loangelah kuh karihngihn tuhlihk nuhtum, yohk srihpac kom in sramsram nuh sin kais sie tuhlihk ke fototo luhn mukul se ac muhtwacn se. Tuhsruhktuh, sahp kom ac mwekihn in sramsram nuh selos kac. Liye VIDEO se, ac tohkohyang sramsramkihn kihsen siyuck inge.
-
Efuh kuh upac nuh sin kuhtuh pahpah ac ninac in sramsram nuh sin tuhlihk nahtuhlos ke ohsun in mahno luhn mukul se ac muhtwacn se?
-
Ke inkacnek fuhkah kuhtuh pahpah ac ninac ahkuhtweyac ohsun in mahno luhn mukul se ac muhtwacn se nuh sin tuhlihk nahtuhlos?
In oacna ke ma palyeyuck tari, facl se ma oasr ye kolyuck lal Satan inge kuluklac liki na meet ah. Riti 2 Timothy 3:1, 13, ac tohkohyang sramsramkihn kihsen siyuck se inge:
-
Mwet koluk suc sramsramkihnyuck in fuhs 13 pa mwet suc ahkkolukye tuhlihk srihsrihk. Ke ma inge, efuh kuh yohk srihpac nuh sin pahpah ac ninac in luti tuhlihk nahtuhlos ke ohsun in mahno ac lah eltahl ac karuhnguhnuhltahlwacng sifacna fuhkah liki mwet koluk inge?
Yac kom etuh?
Oasr video ac mwe lutlut ma oreklac sin Mwet Loh luhn Jeova in kahsruh pahpah ac ninac in luti tuhlihk nahtuhlos ke ohsun in mahno luhn mukul se ac muhtwacn se, ac in karuhnguhnuhltahlwacng liki mwet koluk. Ke sie mwe puhpuhlyuck, liye:
-
Protect Your Children (video)
-
“Teaching Your Child About Sex” (Awake! No. 5 2016)
6. Suhnakihn pahpah tomom ac ninac kiom
Tuhlihk srihsrihk ac tuhlihk fuhsr uh kuh in ahkkahlwemye suhnak nuh sin pahpah ac ninac kiyaclos ke inkacnek in sramsram lalos nuh selos. Liye VIDEO se, ac tohkohyang sramsramkihn kihsen siyuck inge.
-
Efuh kuh yohk srihpac nuh sin tuhlihk fuhsr se in ahkkahlwemye suhnak nuh sin pahpah ac ninac kiyacl ke sramsram lal?
-
El ac oruh fuhkah ma inge?
Riti Soakas 1:8, ac tohkohyang sramsramkihn kihsen siyuck se inge:
-
Ohiyac fuhkah sie tuhlihk fuhsr elac ahkkahlwemye ke pacl se pahpah kuh ninac kiyacl uh fahk nuh sel ma el enenuh in oruh?
7. Alu nuh sin Jeova oacna sie sucu
Sucu suc Mwet Loh luhn Jeova elos orekmakihn pacl ke kais sie wik in tuhkweni lutlut ac alu nuh sin God. Meac kom kuh in oruh ke pacl in tuhkweni lutlut luhn sucu inge? Liye VIDEO se, ac tohkohyang sramsramkihn kihsen siyuck inge.
-
Sucu se kuh in oraclah fuhkah oakwuck in oasr Family Worship lalos pacl nuhkewa?
-
Meac pahpah ac ninac kuh in oruh tuh lutlut luhn sucu lalos in mwe kahsruh ac mwe insewowo?—Liye petsac ke muhtwacwaciyen mwe lutlut se inge.
-
Efuh kuh oasr pacl upac nuh sin sucu lom in tuhkweni lutlut?
In acn Israel in pacl meet ah, Jeova el luhngse tuh kais sie sucu in sramsramkihn ma Suhmuhslah uh. Riti Deuteronomy 6:6, 7, ac tohkohyang sramsramkihn kihsen siyuck se inge:
-
Kom kuh in orekmakihn fuhkah oakwuck wowo se inge?
Ma kom kuh in oruh ke lutlut luhn sucu:
-
Ahkolah ke miting luhn congregation.
-
Rit ac sramsramkihn ma suhmuhslah in Bible ma sucu lom ac fah engankihn.
-
Fin oasr tuhlihk srihsrihk nuhtum, download kuh printiyac activity for children ke jw.org.
-
Fin oasr tuhlihk fuhsr nuhtum, sramsramkihn sie mwe lutlut nuh sin mwet fuhsr ke jw.org.
-
Luhmahlah sie mwe sramsram in Bible, komtacl ac tuhlihk nuhtumtacl an pa mwet in Bible ah.
-
Liye ac sramsramkihn sie video ke jw.org.
KUHTUH MWET UH FAHK: “Kuht arlac kahfofo ke orekma lasr, wacngihn pacl lasr in luti tuhlihk nuhtuhsr ke Bible.”
-
Meac kom ac fah fahk?
MA KUHT LOTWELAH
Jeova el luhngse pahpah ac ninac in luhngse, ahkpahye, ac karihngihn tuhlihk nahtuhlos; tuhlihk uh in suhnakihn ac ahkos pahpah ac ninac kiyaclos; ac sucu in tuhkweni lutlut ac alu nuh sel.
Kalweni
-
Pahpah ac ninac ac fah luti ac karihngihn fuhkah tuhlihk nahtuhlos?
-
Tuhlihk uh ac suhnakihn fuhkah pahpah ac ninac kiyaclos?
-
Sucu se kuh in eis ma wo fuhkah elos fin oakiyac pacl ke kais sie wik in tuhkweni lutlut Bible oacna sie sucu?
LIYE PAC MA INGE
Mwe lutlut fuhkah kom enenuh in luti nuh sin tuhlihk nuhtum ma ac kahsreltahl ke eltahl mahtuhlah?
Lotwelah ke kahs in kahsruh luhn Bible nuh selos suc karihngihn pahpah ac ninac kiyaclos suc mahtuh tari.
“What Does the Bible Say About Caregiving for Elderly Parents?” (Web article)
Liye lah meac kahsruh sie mukul suc tiac etuh tuhf tuhlihk.
Liye lah meac kuh in ahkkweye fototo luhn pahpah nuh sin tuhlihk mukul nahtuhltahl.
“How Can Fathers Stay Close to Their Sons?” (The Watchtower, November 1, 2011)
a In Bible, kahs se inge “kai” kalmackihn in luti, kolyuck, ac mwe ahksuwohs. Tuhsruhktuh, tiac kalmackihn nuhke muhlat upac kuh kai suhlallacl.—Soakas 4:1.
