Ke pacl se ma Jeova el orekuhtlac, el acse nuh sesr sie mwe sang na wowo​—pa kuh lasr in sramsram. Yac yohk srihpac nuh sel lah inkacnek fuhkah kuht orekmakihn mwe sang se inge? Ahok! (Riti James 1:26.) Pwacnacng, ke inkacnek fuhkah kuht ac orekmakihn kuh se lasr in sramsram inge ke sie inkacnek ma ac fah ahkenganye Jeova?

1. Kuht ac orekmakihn kuh lasr in sramsram fuhkah?

Bible uh fahk nuh sesr in “ahkkweye sie sin sie ac kahsruh sie sin sie.” (1 Thessalonica 5:11) Yac oasr mwet kom etuh suc enenuh mwe ahkkweye? Meac kom kuh in oruh in ahkkweyelos? Kom fahk nuh selos lah elos yohk srihpac nuh sum. Sahp, kom kuh in fahk nuh selos lah meac kom luhngse kaclos. Yac oasr ma suhmuhslah kom nuhnkuh muh kuh in ahkkweye mwet suc kom etuh? Oasr ma suhmuhslah pucspucs kom kuh in orekmakihn. Esam pac lah inkacnek in sramsram lom kuh in ahkkweye na pwacye mwet sahyac uh. Ke ma inge, sramsram ke inkacnek kuhlwacng pacl nuhkewa.​—Soakas 15:1.

2. Kain in kahskahs fuhkah kuht enenuh in fahsr liki?

Bible uh fahk: “Kowos in tiac lwelah kahs fohkfohk in som liki oacluwos.” (Riti Ephesus 4:29, BMK.) Kalmen ma inge pa kuht tiac orekmakihn kahs koluk kuh kahs in ahkkulukye mwet ac fahk ma kuh in ahkngalye mwet sahyac uh. Kuht fahsr liki pac lwesrihk ac ahkkulukye mwet sahyac uh.​—Riti Soakas 16:28.

3. Meac ac fah kahsre kuht tuh kuht in kahskahs ke sie inkacnek ma ac ahkkweye mwet sahyac uh?

Inkaiyen pacl uh, ma kuht fahk uh pa ma oan ke insiacsr ac nuhnak lasr. (Luke 6:45) Pwacnacng, kuht enenuh in ahkpahye kuht sifacna in nuhnkuh ke ma wo pucspucs​—ma suc suwohs, ma suc nwacsnwacs, ma suc ohi, ac ma suc pwengpweng wo. (Philippi 4:8) Tuh in oruh ohinge, kuht enenuh in sulaclah ahkwoyac mwe ahkengan ac kawuck lasr. (Soakas 13:20) Oacyacpac yohk kahsruh kuht fin nuhnkuh meet liki kuht kahskahs. Nuhnkuh lah fuhkah kahs lom kuh in kahsruh kuh ahkkulukye mwet sahyac uh. Bible uh fahk: “Kahs fakfuck uh kuh in kantweyac sie mwet oacna cutlass, a kahs lahlmwetmwet uh kuh in unwelah.”​—Soakas 12:18.

 AHKYOHKYE LUTLUT LOM

4. Karihngihn kahs lom

Kuhtuh pacl uh, kuht fahk ma ma kuht ac auli tohkoh. (James 3:2) Riti Galatia 5:22, 23, ac tohkohyang sramsramkihn kihsen siyuck inge:

• Piyac kac sin ohiyac inge kom kuh in puhruhe kac in kahsre kom in karihngihn kahs lom? Ohiyac inge kuh in kahsre kom fuhkah?

Riti 1 Corinth 15:33, ac tohkohyang sramsramkihn kihsen siyuck se inge:

• Kawuck lom ac mwe ahkengan kuh in kahsruh kuh ahkkulukye inkacnek in sramsram lom fuhkah?

Riti Ecclesiastes 3:1, 7, ac tohkohyang sramsramkihn kihsen siyuck se inge:

• Pacl ngac wo in tiac kahskahs kuh soano sie pacl wo in kahskahs?

 5. Fahk ma wo ke mwet sahyac uh

6. Kom in kuhlwacng ke kom sramsram nuh sin sucu lom

 MA KUHT LOTWELAH

Kahs lasr kuh in kahsruh kuh ahkkulukye mwet uh. Pwacnacng, kuht enenuh in nuhnkuh ahkwoyac ke ma kuht ac fahk, pacl ngac kuht fahk ma inge, ac ke inkacnek fuhkah kuht fahk ma inge.

Kalweni

• Meac kuhtuh inkacnek ma kom kuh in orekmakihn kahs in sang kahsruh mwet sahyac uh?

• Kain in kahs fuhkah kom luhngse in fahsr liki?

• Meac kuh in kahsre kuht in kahskahs ke inkacnek kuhlwacng ac mwe ahkkweye pacl nuhkewa?