MWE LUTLUT AHK 18

Oasr Ma Mwet Suc Lohng Kom an ac Lotwelah

PLAY

1 Corinth 9:19-23

MA KOM KUH IN ORUH: Pihrihk nuhnak luhn mwet suc lohng kom an, tuh elos in kuh in puhla muh oasr mwe lutlut yok srihpac ma elos lotwelah kac.

Nuhnkuh ke ma mwet suc lohng kom an etuh tari. Kahsreltahl in lotwelah kuhtuh pac mwe lutlut sasuc ke mwe sramsram lom an, liki na in sifwil kalweni ke ma eltahl etuh tari.

Sa na in ahksahfyelah mwe lutlut ma eltahl etuh tari kac an, tuhsruhktuh eis pacl lom in ahkuhtweyac ma sasuc yohk srihpac ke mwe sramsram lom an.
Oruh research lom ac nuhnkuh yohk kac. Fin kuh, orekmakihn ma ma elos soenna lohng, kuh ma sikyak ke pacl inge in ahkuhtweyac mwe lutlut yohk srihpac sacn. Nuhnkuh yohk ke mwe sramsram lom an ac lah fuhkah ma inge kuhpahsr nuhke mwe lutlut ma kom luhngse in ahkkahlwemye an.

Nuhnkuh ahkwoyac ke mwe lutlut sacn. Siyuck sum sifacna kihsen siyuck inge: Efuh ma se inge pwacye? Nga ac kuh in ahkpwacyeye fuhkah ma se inge? Luhlahlfongi fuhkah luhn mwet inge ma oruh eltahl in tiac insese ke ma se inge? Ma se inge sikyak ngac? Kuht ac orekmakihn fuhkah ke moul lasr uh? Kom fin siyuck ac tohpohklah kihsen siyuck ohinge ke mwe sramsram lom an, mwet uh ac luhngse in ahkyohkye etwacack lalos uh.
Ahkkahlwemye lah pweng lom an ac kuh in kahsruh. Ahkuhtweyac lah fuhkah ma yohk srihpac ke Ma Suhmuhslah uh kuh in kahsruh mwet suc lohng kom an ke moul lalos ke lwen nuhkewa. Sramsramkihn kuhtuh ma sikyak ke moul, ke ohiyac, ac mukuikui luhn mwet uh ma mwet suc lohng kom an kwacna liye ac nuhnkuh yohk kac.

KWACFEACNG IN AHKWOYE INKACNEK LOM IN RIT AC LUTI

Kosraean

Rit ac Luti—Oasr Ma Mwet Suc Lohng Kom an ac Lotwelah

https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png

th mwe lutlut 18 sra 21