Emɔs 2:1-16
2 “Dis na wetin Jiova se,‘“Bikɔs Moab dɔn sin igen ɛn igen,* a nɔ go chenj wetin a dɔn disayd,Bikɔs i bɔn di kiŋ na Idɔm in bon dɛn to ashis.
2 So a go sɛn faya pan Moab, ɛn i go bɔn di strɔng tawa dɛn we de na Kiriɔt;Moab go day pan di wɔ,We di pipul dɛn go de ala ɛn di ɔn de blo.’
3 Jiova se, ‘A go pul di rula* we de deƐn kil am wit ɔl in prins dɛn.’”
4 Dis na wetin Jiova se,‘Bikɔs Juda dɔn sin igen ɛn igen,* a nɔ go chenj wetin a dɔn disayd,Bikɔs dɛn nɔ gri fɔ obe Jiova in lɔ,Ɛn bikɔs dɛn nɔ gri fɔ du wetin i tɛl dɛn fɔ du;Bɔt dɛn bin de ful dɛnsɛf wit di sem lay dɛn we dɛn gret gret granpa dɛn bin de fala.
5 So a go sɛn faya pan Juda,Ɛn i go bɔn di strɔng tawa dɛn na Jerusɛlɛm.’
6 Dis na wetin Jiova se,‘Bikɔs Izrɛl dɔn sin igen ɛn igen,* a nɔ go chenj wetin a dɔn disayd,Bikɔs dɛn sɛl di wan we de du wetin rayt fɔ silvaƐn di po wan fɔ wan pia sandal.
7 Dɛn de mas mas di po wan dɛn,Ɛn dɛn nɔ de trit di ɔmbul wan dɛn di rayt we.
Wan man ɛn in papa de du mami ɛn dadi biznɛs wit di sem uman,Dis de dɔti mi oli nem.
8 Dɛn de ledɔm nia ɔlta dɛn pan klos dɛn we dɛn siz as garanti fɔ lon;Dɛn de tek di mɔni we dɛn fayn pipul dɛn wit ɛn bay wayn wit am ɛn drink am na dɛn gɔd dɛn os.’
9 ‘Bɔt a dɔnawe wit di Amɔrayt dɛn, a pul dɛn kɔmɔt bifo dɛn.Dɛn bin tɔl lɛk sida stik, ɛn dɛn bin strɔng lɛk ok stik.A dɔnawe wit dɛn kpatakpata, lɛk we dɛn de dɔnawe wit stik, in frut, ɛn in rut dɛn.
10 A pul una kɔmɔt na Ijipt,Ɛn a mek una waka na di wildanɛs* fɔ 40 ia,Fɔ mek una go gɛt di Amɔrayt dɛn land.
11 A mek sɔm pan una bɔypikin dɛn bi prɔfɛt dɛnƐn sɔm pan una yɔŋman dɛn bi Nazarayt dɛn.
Nɔto so i bi, E pipul dɛn na Izrɛl?’ Na dat Jiova se.
12 ‘Bɔt una kɔntinyu fɔ gi di Nazarayt dɛn wayn fɔ drink,Ɛn una kɔmand di prɔfɛt dɛn se: “Una nɔ fɔ prɔfɛsay.”
13 So a go nyamanyama una usay una de,Jɔs lɛk aw wagɔn* we gɛt bɔku bɔku wit* de nyamanyama ɛnitin we i waka pan.
14 Di wan we gɛt spid nɔ go gɛt say fɔ rɔn go,Di strɔng wan nɔ go gɛt in pawa igen,Ɛn nɔn pan dɛn fɛtman dɛn go ɛskep wit in layf.*
15 Di man we de fɛt wit bo nɔ go tinap,Di wan we ebul rɔn nɔ go ɛskep,Ɛn di man we de rayd ɔs nɔ go ɛskep wit in layf.*
16 Ivin di fɛtman we gɛt maynd pas ɔl in kɔmpin dɛnGo rɔnawe nekɛd wan da de de.’ Na dat Jiova se.”
Futnot Dɛn
^ Insay Ibru, “sin tri tɛm ɛn 4 tɛm.”
^ Insay Ibru, “jɔj.”
^ Insay Ibru, “sin tri tɛm ɛn 4 tɛm.”
^ Insay Ibru “sin tri tɛm ɛn 4 tɛm.”
^ I kin min ples we wanwan pipul dɛn ɔ plant de. Rid Baybul Wɔd dɛn Minin.
^ Dis na sɔntin we fiba ɔmɔlanke.
^ Wit na tin we pipul dɛn de it.
^ Ɔ “sol.”
^ Ɔ “sol.”
