Emɔs 3:1-15
3 “E di pipul dɛn na Izrɛl, una lisin to dis mɛsej we mi, Jiova, dɔn tɔk bɔt una, mɛsej bɔt di wan ol famili we a pul kɔmɔt na Ijipt:
2 ‘Pan ɔl di famili dɛn na di wɔl, na una nɔmɔ a dɔn sabi.
Na dat mek a go pɔnish una fɔ ɔl una sin dɛn.
3 Tu pipul dɛn go waka togɛda if dɛn nɔ mek apɔyntmɛnt?
4 Layɔn go ala na fɔrɛst we i nɔ si natin fɔ it?
Yɔŋ layɔn go mek sawnd na di say usay i de if i nɔ kech natin?
5 Bɔd go fɔdɔm na trap we de na grɔn we nɔbɔdi nɔ sɛt di trap?*
Trap de fak na grɔn we i nɔ kech natin?
6 If dɛn blo ɔn na siti, di pipul dɛn nɔ go frɛd?
If trɔbul apin na siti, nɔto Jiova dɔn du sɔntin?
7 Jiova we na di Masta We De Rul Ɔlman nɔ go du ɛnitinIf i nɔ tɛl in sikrit to di prɔfɛt dɛn we na in savant dɛn.
8 Di layɔn dɔn ala! Udat nɔ go fred?
Jiova we na di Masta We De Rul Ɔlman dɔn tɔk! Udat nɔ go prɔfɛsay?’
9 ‘Anawns am na di strɔng tawa dɛn na AshdɔdƐn na di strɔng tawa dɛn na Ijipt.
Tɔk se: “Una gɛda agens di mawntin dɛn na Sameria.Una si di kɔnfyushɔn we de deƐn di kruk we de apin insay de.”
10 Jiova se: “Di wan dɛn we yuz fɛt-fɛt ɛn wikɛdnɛs fɔ gɛda jɛntri na dɛn strɔng tawa dɛnNɔ no aw fɔ du wetin rayt.”’
11 So na dis Jiova we na di Masta We De Rul Ɔlman se,‘Ɛnimi go sɔrawnd di land,I go mek una nɔ gɛt trɛnk igen,Ɛn i go tek ɔl di tin dɛn we de na una strɔng tawa dɛn.’
12 Dis na wetin Jiova se,‘Jɔs lɛk we shɛpad de fɛt fɔ pul ship kɔmɔt na layɔn in mɔt we na tu fut ɔ wangren yes nɔmɔ i kin pul,Na so dɛn go jɔg di pipul dɛn na Izrɛl,Dat na, di wan dɛn we sidɔm na fayn bed dɛn ɛn fayn chia dɛn na Sameria.’
13 Jiova we na di Masta We De Rul Ɔlman ɛn di Gɔd we gɛt bɔku bɔku sojaman dɛn se, ‘Una yɛri ɛn wɔn* Jekɔp in famili.
14 ‘Bikɔs di de we a go pɔnish Izrɛl fɔ di bad tin dɛn we i du,*Na da sem tɛm de a go dɔnawe wit di ɔlta dɛn na Bɛtɛl,A go brok di ɔn dɛn na ɔl di ɔlta dɛn ɛn mek dɛn fɔdɔm na grɔn.
15 A go brok di os we dɛn de yuz kol sizin ɛn di os we dɛn de yuz dray sizin.’
‘Di ayvri os dɛn go pwɛl,Ɛn di pawaful* os dɛn go pwɛl.’ Na dat Jiova se.”
Futnot Dɛn
^ Ɔ i kin bi, “we bet nɔ de?”
^ Ɔ “tɔk agens.”
^ Ɔ “fɔ in kraym dɛn.”
^ Ɔ i kin bi, “Ɛn bɔku.”
