Joɛl 1:1-20
1 Na dɛn wɔd ya Jiova tɛl Joɛl,* we na Pɛtuɛl in bɔypikin, fɔ tɔk:
2 “Una di bigman dɛn, una lisin,Una ɔl we de na di land,* una pe atɛnshɔn.
Ɛnitin lɛk dis dɔn apin insay una tɛmƆ insay una gret gret granpa dɛn tɛm?
3 Una tɛl una bɔypikin dɛn bɔt am,Ɛn lɛ una bɔypikin dɛn tɛl dɛn yon bɔypikin dɛn bɔt am,Ɛn lɛ dɛn bɔypikin dɛn tɛl di ɔda jɛnɛreshɔn.
4 Wetin di grasɔpa* dɛn we bigyay lɛf,Di grasɔpa dɛn we machɔ dɔn it am;Wetin di grasɔpa dɛn we machɔ lɛf,
Di grasɔpa dɛn we nɔ gɛt wiŋ dɔn it am;
Ɛn wetin di grasɔpa dɛn we nɔ gɛt wiŋ dɔn lɛf,
Di grasɔpa dɛn we de it ɔltin dɔn it am.
5 Una dɛn drɔnkɔman dɛn, una wek ɛn kray!
Una ɔl we de drink wayn, una kray lawd wan,Bikɔs swit wayn nɔ de igen fɔ una.
6 Wan neshɔn we pawaful ɛn we pɔsin nɔ go ebul fɔ kɔnt,
Dɔn kam na mi land.
In tit dɛn fiba layɔn tit, ɛn in jɔ tan lɛk layɔn jɔ.
7 I dɔn pwɛl mi vayn ɛn tɔn mi fig stik to stik we dɛn dɔn kɔt.I dɔn pul ɔl di kanda pan dɛn ɛn trowe dɛn,I pul ɔl di kanda pan di branch dɛn.
8 Kray lawd wan lɛk we yɔŋ vajin*We wɛr klos we pipul dɛn kin wɛr we dɛn at pwɛl
De kray fɔ in ɔkɔ.*
9 Dɛn dɔn lɛf fɔ kɛr go fud ɔfrin ɛn drink ɔfrin na Jiova in os;Di prist dɛn, we na Jiova in wokman dɛn, dɛn at pwɛl.
10 Di fam dɛn dɔn pwɛl, natin nɔ de gro na di grɔn igen;Bikɔs di tin dɛn we dɛn plant dɔn pwɛl,
Di nyu wayn nɔ de igen, ɛn di ɔyl dɔn dɔn.
11 Di fama dɛn kɔnfyuz ɛn sɔprayz,Di wan dɛn we de wok na di vayn gadin de kray lawd wan,Bikɔs di wit ɛn di bali* nɔ de igen;
Di tin we dɛn fɔ avɛst dɔn pwɛl.
12 Di vayn dɔn dray,Di fig stik dɔn wida.
Di pomegranet stik, di tamaro stik,Ɛn di apul stik dɔn dray,Ɔl di stik dɛn na di fam dɔn dray;
Di pipul dɛn gladi-at dɔn tɔn to shem.
13 Una dɛn prist dɛn,Una wɛr klos we pipul dɛn kin wɛr we dɛn at pwɛl ɛn una kray;*
Una we de wok na di ɔlta, una kray lawd wan.Una we de wok fɔ mi Gɔd, una kam insay
Ɛn ol nɛt, una fɔ wɛr klos we pipul dɛn kin wɛr we dɛn at pwɛl;
Bikɔs dɛn dɔn lɛf fɔ kɛr go fud ɔfrin ɛn drink ɔfrin na una Gɔd in os.
14 Anawns se una fɔ fast; kɔl di pipul dɛn fɔ gɛda,
Ɛn dɛn fɔ siriɔs we dɛn kam.Gɛda di bigman dɛn, wit ɔl di pipul dɛn we de na di land,
Na Jiova una Gɔd in os, ɛn una kray to Jiova fɔ ɛp una.
15 Da de de go rili fiaful!
Jiova in de dɔn kam nia,Ɛn da de de di Ɔlmayti go dɔnawe wit tin dɛn!
16 Dɛn nɔ dɔn tek di it bifo wi fes?Ɛn dɛn nɔ dɔn mek gladi gladi nɔ de igen na wi Gɔd in os?
17 Di sid dɛn dɔn dray ɔnda di shɔvɛl dɛn.
Di stɔ dɛn ɛmti.
Di say we dɛn de put sid* dɛn we dɛn dɔn pul di kanda pan
Dɔn pwɛl, bikɔs di sid dɛn dɔn pwɛl.
18 Ivin di animal dɛn de sɔfa!
Di kaw dɛn de waka ɔp ɛn dɔŋ dɛn kɔnfyuz wan,
Bikɔs gras nɔ de fɔ it!
Ɛn di ship dɛn de sɔfa di pɔnishmɛnt.
19 E Jiova, na to yu a go pre;Bikɔs faya dɔn bɔn di gras dɛn na di wildanɛs,*Ɛn faya dɔn bɔn ɔl di stik dɛn na di fam.
20 Ivin di wayl animal dɛn de luk ɔp to yu,Bikɔs di watasay dɛn dɔn drayƐn faya dɔn bɔn di gras dɛn na di wildanɛs.”*
Futnot Dɛn
^ I min “Jiova Na Gɔd.”
^ Ɔ “wɔl.”
^ Ɔ “lokɔs.”
^ Ɔ “we yɔŋuman.”
^ Ɔ “maredman.”
^ Wit ɛn bali na tin dɛn we pipul dɛn de it.
^ Ɔ “ɛn una nak una chɛst.”
^ Ɔ i kin bi, “dray fig.”
^ I kin min ples we wanwan pipul dɛn ɔ plant de. Rid Baybul Wɔd dɛn Minin.
^ Rid Baybul Wɔd dɛn Minin.
